ശ​സ്ത്ര​ക്രി​യ മു​ട​ങ്ങു​ന്നു, പനി മരുന്ന് പോലുമില്ല; മ​രു​ന്ന് വാങ്ങാൻ പണമില്ലാതെ പാകിസ്താൻ

ഇ​സ്‍ലാ​മാ​ബാ​ദ്: സാ​മ്പ​ത്തി​ക പ്ര​തി​സ​ന്ധി പാ​കി​സ്താ​നി​ലെ ആ​രോ​ഗ്യ സം​വി​ധാ​ന​ങ്ങ​ളെ​യും ബാ​ധി​ച്ചു​തു​ട​ങ്ങി. രാ​ജ്യ​ത്തെ ആ​ശു​പ​ത്രി​ക​ളി​ലും ഫാ​ർ​മ​സി​ക​ളി​ലും അ​ത്യാ​വ​ശ്യ മ​രു​ന്നു​പോ​ലും ഇ​ല്ലെ​ന്ന് മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു.

വി​ദേ​ശ​നാ​ണ്യ ശേ​ഖ​രം ഇ​ല്ലാ​താ​യ​തോ​ടെ​യാ​ണ് മ​രു​ന്നും ചി​കി​ത്സ ഉ​പ​ക​ര​ണ​ങ്ങ​ളും ഇ​റ​ക്കു​മ​തി ചെ​യ്യാ​ൻ ക​ഴി​യാ​താ​യ​ത്. മ​രു​ന്നും ഉ​പ​ക​ര​ണ​ങ്ങ​ളും ഇ​ല്ലാ​ത്ത​ത് കാ​ര​ണം ശ​സ്ത്ര​ക്രി​യ​ക​ൾ അ​ട​ക്കം മു​ട​ങ്ങു​ന്നു. ര​ണ്ടാ​ഴ്ച കൂ​ടി ക​ഴി​ഞ്ഞാ​ൽ ഹൃ​ദ​യം, വൃ​ക്ക, അ​ർ​ബു​ദ ചി​കി​ത്സ കൂ​ടി നി​ർ​ത്തി​വെ​ക്കേ​ണ്ടി വ​രു​മെ​ന്ന് പാ​ക് മാ​ധ്യ​മ​ങ്ങ​ൾ പ​റ​യു​ന്നു.

ആ​ശു​പ​ത്രി ജീ​വ​ന​ക്കാ​രു​ടെ തൊ​ഴി​ലും പ്ര​തി​സ​ന്ധി​യി​ലാ​ണ്. പാ​കി​സ്താ​നി​ൽ 95 ശ​ത​മാ​നം മ​രു​ന്നു​ക​ളും മ​രു​ന്ന് നി​ർ​മി​ക്കാ​നു​ള്ള അ​സം​സ്കൃ​ത വ​സ്തു​ക്ക​ളും ഇ​റ​ക്കു​മ​തി ചെ​യ്യു​ക​യാ​ണ്. ഇ​ന്ത്യ, ചൈ​ന തു​ട​ങ്ങി​യ രാ​ജ്യ​ങ്ങ​ളി​ൽ​നി​ന്നാ​ണ് കൂ​ടു​ത​ലും ഇ​റ​ക്കു​മ​തി. സ്ഥി​തി ദു​ര​ന്ത​ത്തി​ലേ​ക്ക് നീ​ങ്ങാ​തി​രി​ക്കാ​ൻ സ​ർ​ക്കാ​ർ ഇ​ട​പെ​ട​ണ​മെ​ന്ന് പാ​കി​സ്താ​ൻ മെ​ഡി​ക്ക​ൽ അ​സോ​സി​യേ​ഷ​ൻ ആ​വ​ശ്യ​പ്പെ​ട്ടു. ക്ഷാ​മ​ത്തി​ന്റെ തീ​വ്ര​ത മ​ന​സ്സി​ലാ​ക്കാ​ൻ സ​ർ​ക്കാ​ർ പ്ര​തി​നി​ധി സം​ഘ​ങ്ങ​ൾ ഫീ​ൽ​ഡ് സ​ർ​വേ ന​ട​ത്തു​ന്ന​താ​യി റീ​ട്ടെ​യി​ൽ വ്യാ​പാ​രി​ക​ൾ പ​റ​ഞ്ഞു.

എ​ക്കാ​ല​ത്തെ​യും വ​ലി​യ സാ​മ്പ​ത്തി​ക പ്ര​തി​സ​ന്ധി​യി​ലൂ​ടെ​യാ​ണ് പാ​കി​സ്താ​ൻ ക​ട​ന്നു​പോ​കു​ന്ന​ത്. ഭ​ക്ഷ്യ​ക്ഷാ​മ​വും വി​ല​ക്ക​യ​റ്റ​വും കാ​ര​ണം ജ​നം ദു​രി​ത​ത്തി​ലാ​ണ്. അ​ന്താ​രാ​ഷ്ട്ര നാ​ണ​യ​നി​ധി​യി​ൽ​നി​ന്ന് 650 കോ​ടി ഡോ​ള​റി​ന്റെ വാ​യ്പ ല​ഭ്യ​മാ​ക്കാ​ൻ ച​ർ​ച്ച നടക്കുകയാണ്. ക​ടുത്ത നി​ബ​ന്ധ​ന​ക​ളാ​ണ് ഐ.​എം.​എ​ഫ് മു​ന്നോ​ട്ടു​വെ​ക്കു​ന്ന​ത്.