വാക്സിൻ സ്വീകരിച്ച് രണ്ടാം ദിവസം പാക് പ്രധാനമന്ത്രി ഇംറാൻ ഖാന് കോവിഡ്
text_fieldsന്യൂഡൽഹി: വാക്സിന് കുത്തിവെപ്പെടുത്ത് രണ്ട് ദിവസത്തിന് ശേഷം പാകിസ്താൻ പ്രധാനമന്ത്രി ഇംറാൻ ഖാന് കോവിഡ് സ്ഥിരീകരിച്ചു.
പാകിസ്താൻ ആരോഗ്യമന്ത്രാലയത്തിലെ ഉന്നത ഉദ്യോഗസ്ഥനായ ഫൈസൽ സുൽത്താൻ ട്വിറ്ററിലൂടെയാണ് ഇക്കാര്യം അറിയിച്ചത്. രോഗബാധ സ്ഥിരീകരിച്ച ഇംറാൻ വീട്ടിൽ സ്വയം നിരീക്ഷണത്തിൽ കഴിയുകയാണെന്ന് അദ്ദേഹം അറിയിച്ചു. വ്യാഴാഴ്ചയാണ് ഇംറാൻ ചൈന വികസിപ്പിച്ച കോവിഡ് വാക്സിന്റെ ആദ്യ ഡോസ് സ്വീകരിച്ചത്.
68കാരനായ ഇംറാൻ കഴിഞ്ഞ ദിവസം തലസ്ഥാന നഗരിയായ ഇസ്ലാമാബാദിൽ നടന്ന സെക്യൂരിറ്റി കോൺഫറൻസടക്കം നിരവധി പൊതുപരിപാടികളിൽ പങ്കെടുത്തിരുന്നു.
മാസ്ക് അണിയാതെയാണ് അദ്ദേഹം വെള്ളിയാഴ്ച പാവപ്പെട്ടവർക്കുള്ള ഭവന പദ്ധതി ഉദ്ഘാടനത്തിലടക്കം പങ്കെടുത്തതെന്ന് റോയിേട്ടഴ്സ് റിപ്പോർട്ട് ചെയ്തു.
പാകിസ്താനിൽ കോവിഡ് വ്യാപനം രൂക്ഷമാകുകയാണ്. ആകെ കോവിഡ് രോഗികളുടെ എണ്ണം 6.15 ലക്ഷം കടന്നു. 13,700 പേരാണ് രോഗബാധ മൂലം മരണത്തിന് കീഴടങ്ങിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.