കോവിഡ്​-19: പാക്​- അഫ്​ഗാൻ അതിർത്തി അടക്കും

ഇസ്​ലാമാബാദ്​: പാകിസ്​താനിൽ നാലുപേർക്ക്​ കോവിഡ്​ -19 (കൊറോണ വൈറസ്​ ഡിസീസ്​-19) സ്​ഥിരീകരിച്ച സാഹചര്യത്തിൽ അഫ്​ഗാനിസ്​ഥാനുമായുള്ള അതിർത്തി അടക്കുന്നു. തിങ്കളാഴ്​ച മുതൽ ഏഴുദിവസത്തേക്കാണ്​​ അടക്കുക.

വൈറസ്​ ബാധ വ്യാപിക്കുന്നത്​ തടയാൻ മുൻകരുതലെന്ന നിലയിലാണ്​ ഈ തീരുമാനം. ഇരുരാജ്യത്തെയും ജനങ്ങളുടെ ആ​േരാഗ്യം കണക്കിലെടുത്താണ്​ അതിർത്തി അടക്കുന്നതെന്നും പാക്​ ആഭ്യന്തര മന്ത്രാലയം വാർത്താ കുറിപ്പിൽ അറിയിച്ചു. കൊറോണ സ്​ഥിരീകരിച്ച പ്രവിശ്യകളിൽ സ്​കൂളുകൾക്ക്​ അവധി പ്രഖ്യാപിച്ചിട്ടുണ്ട്​. രോഗബാധ സംശയിക്കുന്ന നിരവധി പേർ നിരീക്ഷണത്തിലാണ്​.