ഇന്ത്യക്ക്​ ഓക്​സിജൻ നൽകണം; ഇംറാൻ ഖാനോട്​ അഭ്യർഥിച്ച്​ പാക്​ ജനത, ഹാഷ്​ ടാഗ്​ ട്വിറ്ററിലും ട്രെൻഡിങ്​

ലാഹോർ: കോവിഡിന്‍റെ രണ്ടാം തരംഗത്തിൽ വലയുന്ന ഇന്ത്യക്ക്​ ഓക്​സിജൻ നൽകണമെന്ന്​ പാകിസ്​താൻ പ്രധാനമന്ത്രി ഇംറാൻ ഖാനോട്​ അഭ്യർഥിച്ച്​ പാക്​ ജനത. പാകിസ്​താനിൽ നിന്നുള്ള പലരും ഇന്ത്യക്ക്​ ഓക്​സിജൻ നൽകണമെന്ന ആവശ്യം ട്വിറ്ററിലൂടെയാണ്​ ഉന്നയിച്ചത്​. ​'IndiaNeedsOxygen' എന്ന ഹാഷ്​ടാഗ്​ ട്വിറ്ററിലും ട്രെൻഡിങ്ങായി.

രാഷ്​ട്രീയപരമായ അഭിപ്രായ വ്യത്യാസങ്ങൾ ഇന്ത്യയും പാകിസ്​താനും തമ്മിൽ ഉണ്ടാകും. എന്നാൽ, മനുഷ്യത്വം മുൻനിർത്തി ഇന്ത്യക്ക്​ സഹായം നൽകണമെന്നാണ്​ പാക്​ പൗരൻമാർ ആവശ്യപ്പെടുന്നത്​.