കറാച്ചിയിൽ പ്രളയ ബാധിതരുമായി പോയ ബസിന് തീപിടിച്ച് 18 പേർ മരിച്ചു

കറാച്ചി: പാകിസ്താനിലെ കറാച്ചിയിൽ ബസിന് തീപിടിച്ച് 18 പേർ മരിച്ചു. മരിച്ചവരിൽ എട്ടു കുട്ടികളും ഒമ്പത് സ്ത്രീകളും ഉൾപ്പെടുന്നു.

പാകിസ്താനിൽ വൻ നാശംവിതച്ച പ്രളയത്തിൽനിന്നും രക്ഷപ്പെട്ട 50 പേരാണ് ബസിൽ ഉണ്ടായിരുന്നത്. ഖൈർപൂർ നഥാൻ ഷായിലെ വീടുകളിൽനിന്നും ഒഴിപ്പിച്ച കുടുംബങ്ങളെ കറാച്ചിയിലേക്ക് കൊണ്ടുവരുന്ന യാത്രക്കിടെ ബസിന് തീപിടിക്കുകയായിരുന്നു.

കറാച്ചി-ഹൈദരാബാദ് ഹൈവേയിൽ നൂരിയാബാദിന് സമീപത്തുവെച്ചാണ് തീപിടിത്തമുണ്ടായത്.