Top
Begin typing your search above and press return to search.
exit_to_app
exit_to_app
ഒറ്റദിനം ആഫ്രിക്കയിൽനിന്ന്​ സ്​പാനിഷ്​ തുരുത്തിൽ അഭയം തേടി 5,000 പേർ; പൊലീസ്​ സുരക്ഷ ശക്​തമാക്കാൻ സ്​പെയിൻ
cancel
Homechevron_rightNewschevron_rightWorldchevron_rightഒറ്റദിനം...

ഒറ്റദിനം ആഫ്രിക്കയിൽനിന്ന്​ സ്​പാനിഷ്​ തുരുത്തിൽ അഭയം തേടി 5,000 പേർ; പൊലീസ്​ സുരക്ഷ ശക്​തമാക്കാൻ സ്​പെയിൻ

text_fields
bookmark_border

മഡ്രിഡ്​: കലാപങ്ങളും പട്ടിണിയും തുടർക്കഥയായ ആഫ്രിക്കയിൽനിന്ന്​ യൂറോപിലേക്ക്​ കടൽ കടക്കുന്നത്​ പതിവു സംഭവമാണെങ്കിലും തിങ്കളാഴ്ചയുണ്ടായത്​ സ്​പെയിനിന്​ തലവേദനയാകുന്ന പലായനം. മെഡിറ്ററേനിയൻ കടലിൽ മൊറോക്കോയോട്​ ചേർന്ന്​ സ്​പെയിൻ നിയന്ത്രണത്തിലുള്ള ക്യൂട്ട ദ്വീപിലാണ്​ 1,000 കുട്ടികളുൾപെടെ 5,000 പേർ ഒരു ദിവസം അഭയം തേടിയത്​. ​

മൊറോക്കോയിലെ വിമത നേതാവിനെ സ്​പെയിനിലെത്തിച്ച്​ ചികിത്സ നൽകിയതുമായി ബന്ധപ്പെട്ട്​ സംഘർഷ സാധ്യത ആരംഭിച്ചതോടെയാണ്​ മൊറോക്കോയിൽനിന്ന്​ കൂട്ട പലായനം ആരംഭിച്ചത്​. കടൽ കടന്നെത്തിയവരെ നാട്ടിലേക്ക്​ മടക്കി അയക്കാൻ നേരത്തെ മൊറോക്കോയുമായി കരാറുള്ളതിനാൽ ഇവർക്കും മടങ്ങേണ്ടിവരുമെന്നാണ്​ സൂചന. അതേ സമയം, മുതിർന്നവരുടെ സാന്നിധ്യത്തിലല്ലാതെ എത്തിയ കുട്ടികളെ സർക്കാർ ചെലവിൽ പാർപ്പിക്കും.

യൂറോപിലേക്ക്​ കടക്കാൻ കാത്തിരിക്കുന്നവർ ആദ്യ ഇടത്താവളമായി അഭയം തേടുന്ന ദ്വീപാണ്​ ക്യൂട്ട. ഇവിടെ മുമ്പും സമാനമായ പലായനം നടന്നിട്ടുണ്ട്​. ബ്രാഹിം ഗാലി എന്ന പടിഞ്ഞാറൻ സഹാറ നേതാവിനെ സ്​പെയിനിലെത്തിച്ചതുമായി ബന്ധപ്പെട്ടാണ്​ ​മൊറോക്കോയിൽ പുതിയ പോർമുഖം തുറന്നത്​.

Show Full Article
TAGS:5000 migrants Spain Africa Shiv Sunder Das 
News Summary - ore than 5,000 migrants reach Spain’s north African enclave Ceuta in a day
Next Story