Begin typing your search above and press return to search.
exit_to_app
exit_to_app
കറുത്ത​ കുഞ്ഞിന്​ കൊട്ടാരം സുരക്ഷ നിഷേധിച്ചു; ആത്​മഹത്യ പോലും ചിന്തിച്ചു- ബ്രിട്ടനെ നടുക്കി മേഗന്‍റെ വംശവെറി വെളിപ്പെടുത്തലുകൾ
cancel
Homechevron_rightNewschevron_rightWorldchevron_right'കറുത്ത'​ കുഞ്ഞിന്​...

'കറുത്ത'​ കുഞ്ഞിന്​ കൊട്ടാരം സുരക്ഷ നിഷേധിച്ചു; ആത്​മഹത്യ പോലും ചിന്തിച്ചു- ബ്രിട്ടനെ നടുക്കി മേഗന്‍റെ വംശവെറി വെളിപ്പെടുത്തലുകൾ

text_fields
bookmark_border


ലണ്ടൻ: ബക്കിങ്​ഹാം കൊട്ടാരം വെച്ചുനീട്ടിയെന്നു പറയുന്ന എല്ലാ ബഹുമതികളും വഴിയിലുപേക്ഷിച്ച്​ അമേരിക്കയിലേക്ക്​ ജീവിതം പറിച്ചുനട്ട ബ്രിട്ടീഷ്​ രാജകുടുംബാംഗങ്ങളുടെ തുറന്നുപറച്ചിൽ ലോകമെങ്ങും വൈറലാകുന്നു. രാജപിന്തുണയില്ലാതെ കടുത്ത എകാന്തതക്കു മധ്യേ ജീവിതം മടുത്ത്​ ആത്​മഹത്യ വരെ ചിന്തിച്ചിരുന്നതായി ഹാരി രാജകുമാരന്‍റെ പത്​നി മേഗൻ, ഓപ്​റ വിൻഫ്രിക്ക്​ നൽകിയ അഭിമുഖത്തിൽ പറയുന്നു. കറുത്ത വംശജയായ മേഗന്​ പിറക്കുന്ന കുഞ്ഞ്​ എത്രത്തോളം കറുത്തതാകുമെന്ന ആധി കൊട്ടാര വൃത്തങ്ങളെ വല്ലാതെ അലട്ടിയിരുന്നതായും ഇത്​ പങ്കുവെച്ചത്​ ത​ങ്ങളെ ഞെട്ടിച്ചതായും മേഗനൊപ്പം ഹാരി രാജകുമാരനും അഭിമുഖത്തിൽ പറഞ്ഞു. ആർച്ചിയെന്ന പൊന്നുമോളായിരുന്നു രാജകുടുംബത്തിന്‍റെ വംശീയ മനസ്സിന്‍റെ ഇര.

ഹാരിക്കൊപ്പം ജീവിതം തുടങ്ങു​േമ്പാൾ സ്വാഗതമോതിയ രാജ്​ഞിയും കുടുംബത്തിലെ മറ്റ്​ അംഗങ്ങളും പിന്നീട്​ എല്ലാം മറന്ന്​ കൈയൊഴിയുകയായിരുന്നു. അതോടെയാണ്​ ആത്​മഹത്യ അവസാന വഴിയായി മനസ്സിലെത്തിയത്​. പക്ഷേ, ഇരുവരും പരസ്​പരം ചേർത്തുപിടിച്ച്​ ദുരന്തമൊഴിവാക്കി.

വിവാഹത്തിനു ശേഷം പിതാവ്​ ചാൾസ്​ രാജകുമാരൻ തന്‍റെ ഫോൺ വിളികൾ എടുക്കാതായതായതോടെ​ ഇനിയും കുടുംബത്തിന്‍റെ ഭാഗമായി തുടരുന്നതിൽ കാര്യമില്ലെന്ന ചിന്തയിലെത്തിയെന്ന്​ ​ ഹാരിയുടെ വാക്കുകൾ. എന്നുവെച്ച്​ പിതാവ്​ ത​ന്‍റെ ഇഷ്​ടക്കാരിൽ ഒന്നാമത്തേതാണെന്നും അദ്ദേഹവുമായി വന്ന അകൽച്ച അതിവേഗം പരിഹരിക്കാൻ ശ്രമം തുടരുമെന്നും ഹാരി ഇതോടു ചേർത്തുപറയുന്നു.

ഞായറാഴ്ചയാണ്​ അമേരിക്കൻ ടെലിവിഷൻ ചാനലിൽ ഓപ്​റ വിൻഫ്രിയുമായി ഇരുവരും നടത്തിയ അഭിമുഖം വന്നത്​. ദീർഘമായ അഭിമുഖം ലോകം കണ്ടതോടെ ബ്രിട്ടനിൽ അനുകൂലിച്ചും പ്രതികൂലിച്ചും വാർത്തകൾ പറന്നു. രാജകുടുംബം ഇനിയും പ്രതികരിച്ചിട്ടില്ലെങ്കിലും നൂറ്റാണ്ടുകളായി രാജകുടുംബത്തെ പിന്തുണക്കുന്ന രാജ്യം ഹാരിയും മേഗനും പറഞ്ഞത്​ എത്രത്തോളം ശരിയാകുമെന്ന്​ കാത്തിരുന്ന്​ കാണാമെന്ന നിലപാടിലാണ്​.

മറുവശത്ത്​, ഇരുവരെയും പ്രതിസ്​ഥാനത്തുനിർത്തി കഥകൾ മെനഞ്ഞ്​ ടാബ്​ളോയിഡുകൾ 'പണി' തുടങ്ങിയിട്ടുമുണ്ട്​. മേഗനെ ദുരന്തനായികയായി അവതരിപ്പിക്കുന്ന കഥകൾ ഓരോ മണിക്കൂറിലും പുതുതായി അവതരിപ്പിച്ച്​ മാനനഷ്​ടം തീർക്കാമെന്ന കണക്കുകൂട്ടലിലാണ്​ കൊട്ടാര അനുകൂല മാധ്യമങ്ങൾ.

കഴിഞ്ഞ മാസം ജെയിംസ്​ കോർഡന്​ അനുവദിച്ച അഭിമുഖത്തിൽ കൊട്ടാരത്തിലെ അനുഭവങ്ങളാണ്​ തങ്ങളെ ഇത്രയും രാജ്യം വിടാൻ പ്രേരിപ്പിച്ചതെന്ന്​ പറഞ്ഞിരുന്നു. നാല്​ ടാ​േബ്ലായ്​ഡുകളുമായും ബന്ധം അവസാനിപ്പിച്ചതായും അന്ന്​ ഹാരി വ്യക്​തമാക്കി.

അതേ സമയം, മുമ്പ്​ ഡയാന രാജകുമാരി അനുഭവിച്ചതിനു തുല്യമായതാണ്​ ഇത്തവണ മേഗനും നേരിട്ടതെന്ന്​ പറയുന്നു ചില മാധ്യമങ്ങൾ. അന്ന്​ ഡയാനയും ആത്​മഹത്യയെ കുറിച്ച്​ ചിന്തിച്ചിരുന്നതായി റിപ്പോർട്ടുകൾ വ്യക്​തമാക്കിയിരുന്നു.

സസെക്​സ്​ പ്രഭ്വിയായ മേഗനും ഹാരിയും അടുത്തിടെയാണ്​ പൂർണമായി രാജ കൊട്ടാര പദവികൾ ഉപേക്ഷിച്ച്​ സ്വതന്ത്രരായത്​. രാജകുടുംബം തങ്ങളെ കുറിച്ച്​ നിരന്തരം കള്ളം പറഞ്ഞുപരത്തുകയാണെന്ന്​ കഴിഞ്ഞ ദിവസം ഹാരി ആരോപിച്ചിരുന്നു.

Show Full Article
TAGS:Oprah interview bombshells Meghan Prince Harry 
News Summary - Oprah interview bombshells: Meghan claims she was suicidal when she was five months pregnant, Kate made HER cry and Royals refused to make Archie a prince because they were worried how 'dark' he would be
Next Story