ഓപ്പറേഷൻ ഗംഗ: 734 മലയാളികൾ കൂടി നാടണഞ്ഞു

തി​രു​വ​ന​ന്ത​പു​രം: യു​​ക്രെ​യ്​​നി​ൽ​നി​ന്ന് ന്യൂ​ഡ​ൽ​ഹി, മും​ബൈ എ​ന്നി​വി​ട​ങ്ങ​ളി​ലെ​ത്തി​യ 734 മ​ല​യാ​ളി​ക​ളെ​ക്കൂ​ടി തി​ങ്ക​ളാ​ഴ്ച കേ​ര​ള​ത്തി​ലെ​ത്തി​ച്ചു. 'ഓ​പ​റേ​ഷ​ൻ ഗം​ഗ' കീഴിൽ എത്തിയവരെയാണ് കേരളത്തിലെത്തിച്ചത്. ഡ​ൽ​ഹി​യി​ൽ​നി​ന്ന് 529 പേ​രും മും​ബൈ​യി​ൽ​നി​ന്ന് 205 പേ​രു​മാ​ണ് എ​ത്തി​യ​ത്. ഇ​തോ​ടെ യു​ക്രെ​യ്​​നി​ൽ​നി​ന്ന് എ​ത്തി​യ​വ​രി​ൽ സം​സ്ഥാ​ന സ​ർ​ക്കാ​റി​ന്‍റെ നേ​തൃ​ത്വ​ത്തി​ൽ കേ​ര​ള​ത്തി​ലെ​ത്തി​ച്ച​വ​രു​ടെ എ​ണ്ണം 2816 ആ​യി.

ഡ​ൽ​ഹി​യി​ൽ​നി​ന്ന് ഞാ​യ​റാ​ഴ്ച രാ​ത്രി ഷെ​ഡ്യൂ​ൾ ചെ​യ്ത ര​ണ്ട്​ ചാ​ർ​ട്ടേ​ഡ് വി​മാ​ന​ങ്ങ​ൾ തി​ങ്ക​ളാ​ഴ്ച പു​ല​ർ​ച്ചെയാണ് കൊ​ച്ചി​യി​ലെ​ത്തിയത്. 1.20ന് ​എ​ത്തി​യ ആ​ദ്യ വി​മാ​ന​ത്തി​ൽ 178 ഉം 2.30​ന് എ​ത്തി​യ ര​ണ്ടാം വി​മാ​ന​ത്തി​ൽ 173 ഉം ​യാ​ത്ര​ക്കാ​രുമു​ണ്ടാ​യി​രു​ന്നു. ഷെ​ഡ്യൂ​ൾ ചെ​യ്ത ചാ​ർ​ട്ടേ​ഡ് വി​മാ​ന​ങ്ങ​ളി​ൽ ആ​ദ്യ​ത്തേ​ത് വൈ​കീ​ട്ട് 6.30ന് ​കൊ​ച്ചി​യി​ലെ​ത്തി. ഇ​തി​ൽ 178 യാ​ത്ര​ക്കാ​ർ ഉ​ണ്ടാ​യി​രു​ന്നു. രാ​ത്രി ഒ​രു ചാ​ർ​ട്ടേ​ഡ് വി​മാ​നം​കൂ​ടി ഡ​ൽ​ഹി​യി​ൽ​നി​ന്ന് കൊ​ച്ചി​യി​ലെ​ത്തി. ഇ​തി​ൽ 158 യാ​ത്ര​ക്കാ​രു​ണ്ടാ​യി​രു​ന്നു. മും​ബൈ വി​മാ​ന​ത്താ​വ​ള​ത്തി​ൽ 227 വി​ദ്യാ​ർ​ഥി​ക​ൾ എ​ത്തി. ഇ​തി​ൽ 205 പേ​രെയാണ് ഇതുവരെ നാ​ട്ടി​ലെ​ത്തി​ച്ചത്. സ്വ​ദേ​ശ​ത്തോ​ട് അ​ടു​ത്തു​ള്ള വി​മാ​ന​ത്താ​വ​ള​ങ്ങ​ളി​ലേ​ക്കു​ള്ള ടി​ക്ക​റ്റ് ല​ഭ്യ​ത​യ​നു​സ​രി​ച്ചാ​ണ്​ മും​ബൈ​യി​ൽ​നി​ന്ന് വി​ദ്യാ​ർ​ഥി​ക​ളെ നാ​ട്ടി​ൽ എ​ത്തി​ക്കു​ന്ന​ത്.