ഒ​മൈ​ക്രോ​ൺ: ​പേ​രി​ലുമുണ്ട്​ കാ​ര്യം

ന്യൂ​യോ​ർ​ക്​: ദ​ക്ഷി​ണാ​ഫ്രി​ക്ക​യി​ൽ ക​ണ്ടെ​ത്തി​യ പു​തി​യ കോ​വി​ഡ്​ വ​ക​ഭേ​ദ​ത്തി​ന്​ ഒ​മൈ​ക്രോ​ൺ എ​ന്ന്​ പേ​രു​ന​ൽ​കി​യ​ത്​ ച​ർ​ച്ച​യാ​കു​ന്നു. കോ​വി​ഡ്​ വ​ക​ഭേ​ദ​ങ്ങ​ൾ​ക്ക്​ ഗ്രീ​ക്ക് അ​ക്ഷ​ര​മാ​ല ക്ര​മ​ത്തി​ലാ​ണ്​ ലോ​കാ​രോ​ഗ്യ സം​ഘ​ട​ന ഇ​തു​വ​രെ പേ​രി​ട്ട​ത്. എ​ന്നാ​ൽ ഒ​മൈ​ക്രോ​ണി​െൻറ കാ​ര്യ​ത്തി​ൽ ചെ​റി​യ മാ​റ്റം വ​രു​ത്തി​. പേ​രു​ന​ൽ​കു​ന്ന ക്ര​മം അ​നു​സ​രി​ച്ച് അ​ടു​ത്ത ഗ്രീ​ക്ക് പ​ദം 'നൂ'(Nu) ​ആ​ണ്. തൊ​ട്ട​ടു​ത്ത പ​ദം 'സൈ' (Xi) ​യും. ലോ​കാ​രോ​ഗ്യ സം​ഘ​ട​ന ഈ ​വാ​ക്കു​ക​ൾ ഒ​ഴി​വാ​ക്കി​യ​ത്​ എ​ന്തി​നെ​ന്ന ചോ​ദ്യ​മാ​ണ്​ ഉ​യ​ർ​ന്നത്​. പു​തി​യ വ​ക​ഭേ​ദ​ത്തി​ന്​ 'നു' എ​ന്ന്​ പേ​രി​ടു​മെ​ന്നാ​ണ്​ എ​ല്ലാ​വ​രും പ്ര​തീ​ക്ഷി​ച്ച​ത്. 'നു' ​പു​തി​യ​ത്​ എ​ന്ന് അ​ർ​ഥം വ​രു​ന്ന ഇം​ഗ്ലീ​ഷ് വാ​ക്കി​ന് സ​മാ​ന​മാ​യ​തി​നാ​ല്‍ ആ​ശ​യ​ക്കു​ഴ​പ്പം ഒ​ഴി​വാ​ക്കാ​നാ​ണ് ന​ല്‍കാ​തി​രു​ന്ന​തെ​ന്നും അ​തി​നു ശേ​ഷം വ​രു​ന്ന സൈ (Xi) ​എ​ന്ന വാ​ക്ക് ചൈ​നീ​സ് പ്ര​സി​ഡ​ൻ​റ്​ ഷി ​ജി​ന്‍പി​ങ്ങി​െൻറ പേ​രു​മാ​യി സാ​മ്യ​മു​ള്ള​തി​നാ​ലാ​ണെ​ന്നു​മാ​ണ്​ സ​മൂ​ഹ മാ​ധ്യ​മ​ങ്ങ​ളി​ലെ ച​ർ​ച്ച.

അ​തേ​സ​മ​യം, കോ​വി​ഡ്​ വ​ക​ഭേ​ദ​ത്തെ സൈ (Xi) ​വ​ക​ഭേ​ദം എ​ന്നു വി​ളി​ക്കേ​ണ്ട സാ​ഹ​ച​ര്യം ഒ​ഴി​വാ​ക്കു​ന്ന​തി​​നാ​ണ്​ ലോ​കാ​രോ​ഗ്യ സം​ഘ​ട​ന അ​ക്ഷ​ര​മാ​ല​യി​ലെ ര​ണ്ട​ക്ഷ​ര​ങ്ങ​ൾ ഒ​ഴി​വാ​ക്കി ഒ​മൈ​ക്രോ​ൺ എ​ന്നു പേ​രു​ന​ൽ​കി​യ​തെ​ന്ന്​ ഹാ​ര്‍വാ​ഡ്​ മെ​ഡി​ക്ക​ല്‍ സ്‌​കൂ​ളി​ലെ പ്ര​ഫ​സ​റാ​യ എ​പ്പി​ഡെ​മി​യോ​ള​ജി​സ്​​റ്റ്​ മാ​ര്‍ട്ടി​ന്‍ ക​ള്‍ഡോ​ർ​ഡ്​ ട്വി​റ്റ​റി​ൽ കു​റി​ച്ചു.

വെ​ള്ളി​യാ​ഴ്ച ലോ​കാ​രോ​ഗ്യ സം​ഘ​ട​ന​യു​ടെ പാ​ന​ല്‍ യോ​ഗം ചേ​ര്‍ന്ന​തി​നു ശേ​ഷ​മാ​ണ്​ ദ​ക്ഷി​ണാ​ഫ്രി​ക്ക​യി​ൽ ക​ണ്ടെ​ത്തി​യ പു​തി​യ വ​ക​ഭേ​ദ​ത്തി​ന്​ ഒ​മൈ​ക്രോ​ൺ എ​ന്നു​ പേ​രി​ട്ട​ത്.