യു.എസിൽ ഒമിക്രോൺ വ്യാപിക്കുന്നു; പ്രവേശനത്തിന്​ പരിശോധന നിർബന്ധമാക്കി ബ്രിട്ടൻ

വാഷിങ്​ടൺ/ലണ്ടൻ: കോവിഡ്​ ഡെൽറ്റ വകഭേദം കാരണം പ്രതിദിന രോഗബാധ വല്ലാതെ വർധിച്ച യു.എസിൽ കൂടുതൽ മേഖലകളിൽ ഒമിക്രോൺ കേസുകൾ കണ്ടെത്തിയത്​ രാജ്യത്ത്​ ആശങ്ക ഉയർത്തി. മസാചൂസറ്റ്​സ്​, വാഷിങ്​ടൺ എന്നിവിടങ്ങളിലാണ്​ ഏറ്റവുമൊടുവിൽ ഒമിക്രോൺ വകഭേദം കണ്ടെത്തിയത്​. നിലവിൽ പത്തിലേറെ സംസ്ഥാനങ്ങളിൽ വകഭേദം സ്ഥിരീകരിച്ചിട്ടുണ്ട്​.

ഡെൽറ്റ വകഭേദം വ്യാപിച്ചതി​െൻറ ഫലമായി നിരവധി സംസ്ഥാനങ്ങളിൽ ആശുപത്രികളിൽ കോവിഡ്​ രോഗികളുടെ തിരക്ക്​ വർധിച്ചിട്ടുണ്ട്​. ഇതിനിടെ, രാജ്യത്തേക്ക്​ പ്രവേശിക്കുന്നവർ നിർബന്ധമായും യാത്രക്ക്​ തൊട്ടുമുമ്പ്​ കോവിഡ്​ പരിശോധന നടത്തണമെന്ന്​ ബ്രിട്ടൻ നിർദേശിച്ചു. 48 മണിക്കൂറിനുള്ളിൽ പരിശോധന നടത്തി നെഗറ്റിവ്​ സർട്ടിഫിക്കറ്റ്​ ഉള്ളവർക്കു​ മാത്രമേ പ്രവേശനമുള്ളൂ എന്നും ബ്രിട്ടൻ അറിയിച്ചു.