'ഏകോപിത നീക്കം, അമേരിക്കൻ സൈനിക താവള ആക്രമണത്തിന് പിന്നിൽ ഇറാൻ'
text_fields
വാഷിങ്ടൺ: ദക്ഷിണ സിറിയയിലെ അമേരിക്കൻ സൈനിക താവളം അക്രമിച്ചത് ഇറാനാണെന്ന് ഉന്നത അമേരിക്കൻ വൃത്തങ്ങൾ. ഡ്രോണുകൾ തൊടുത്തുവിട്ടത് ഇറാനിൽ നിന്നല്ലെങ്കിലും, അവരുടെ സഹായേത്താടെയാണ് അക്രമണം നടന്നതെന്ന് അമേരിക്ക കരുതുന്നതായി അസോസിയേറ്റഡ് പ്രസ് ഏജൻസി റിപ്പോർട്ട് ചെയ്തു.
Iran was behind a drone attack where American troops are based in Syria, US officials say https://t.co/D03S8CNQ2z
— Al Jazeera English (@AJEnglish) October 25, 2021
ദക്ഷിണ സിറിയയിലെ അൽതാൻഫ് സൈനിക താവളമാണ് കഴിഞ്ഞ ദിവസം അക്രമിക്കപ്പെട്ടത്. സ്ഫോടന ശേഷിയുള്ള അഞ്ചു ഡ്രോണുകളാണ് സൈനിക കേന്ദ്രം ലക്ഷ്യമാക്കി വന്നത്. സംഭവത്തിൽ ആളപായമോ പരിക്കോയില്ല. എങ്കിലും യു.എസ്- ഇറാൻ ബന്ധം ആക്രമണത്തിലൂടെ വശളാവുമെന്ന് പശ്ചിമേഷ്യൻ നിരീക്ഷകർ പറയുന്നു.
#BREAKING: U.S. officials say they believe Iran was behind the drone attack last week at the military outpost in southern Syria where American troops are based. https://t.co/Hij82AWYmR
— VINnews (@VINNews) October 26, 2021
ഐ.എസ് ആക്രമണം ചെറുക്കാനായി അമേരിക്കയും സഖ്യ കക്ഷികളും സിറിയൻ സുരക്ഷ ഉദ്യോഗസ്ഥർക്ക് പരിശീലനം നൽകുന്നത് അൽതാൻഫ് സൈനിക കേന്ദ്രത്തിൽ നിന്നാണ്. തെഹ്റാനിൽ നിന്നും ദക്ഷിണ ലെബനാനിലേക്കുള്ള വഴിമധ്യേയാണ് കേന്ദ്രം സ്ഥിതി ചെയ്യുന്നത്. ഈ സൈനിക താവളം ഇല്ലാതായാൽ മാത്രമെ ഇറാന് ലബനാനിലെ ശീഈ പോരാളികളുമായി അനായാസ ബന്ധം സ്ഥാപിക്കാനാവൂ.
US officials say attack on #Syria base involved as many as 5 Iranian drones laden with explosive chargeshttps://t.co/6OJZ4Obyja
— Arab News (@arabnews) October 25, 2021
തിങ്കളാഴ്ച വാർത്ത സമ്മേളനത്തിൽ ഇറാൻ അക്രമത്തെ കുറിച്ച് പെന്‍റഗൺ വക്താവ് ജോൺ കിർബിയോട് മാധ്യമപ്രവർത്തകർ ചോദ്യം ഉന്നയിച്ചെങ്കിലും അദ്ദേഹം കൂടുതൽ പ്രതികരിച്ചില്ല. 'ഏകോപിതവും സങ്കീർണവുമായ' ആക്രമണം നടന്നുവെന്നായിരുന്നു അദ്ദേഹത്തിന്‍റെ പ്രതികരണം.