കിം ​ഈ മാ​സം റ​ഷ്യ സ​ന്ദ​ർ​ശി​ക്കു​മെ​ന്ന് റി​പ്പോ​ർ​ട്ട്; ല​ക്ഷ്യം ആ​യു​ധ വി​ൽ​പ​ന

സോ​ൾ: ഉ​ത്ത​ര കൊ​റി​യ​ൻ ഭ​ര​ണാ​ധി​കാ​രി കിം ​ജോ​ങ് ഉ​ൻ ഈ ​മാ​സം അ​വ​സാ​നം റ​ഷ്യ സ​ന്ദ​ർ​ശി​ച്ച് പ്ര​സി​ഡ​ന്റ് വ്ലാ​ദി​മി​ർ പു​ടി​നു​മാ​യി ച​ർ​ച്ച ന​ട​ത്തു​മെ​ന്ന് റി​പ്പോ​ർ​ട്ട്. അ​മേ​രി​ക്ക​ൻ അ​ധി​കൃ​ത​രാ​ണ് ഇ​തു​സം​ബ​ന്ധി​ച്ച സൂ​ച​ന​ക​ൾ പു​റ​ത്തു​വി​ട്ട​ത്. യു​ക്രെ​യ്നെ​തി​രാ​യ യു​ദ്ധ​ത്തി​ൽ റ​ഷ്യ​ക്ക് ആ​യു​ധ സ​ഹാ​യം ന​ൽ​കു​ന്ന​തു​സം​ബ​ന്ധി​ച്ച് ഇ​രു​വ​രും ച​ർ​ച്ച ചെ​യ്യു​മെ​ന്നാ​ണ് അ​റി​യു​ന്ന​ത്. എ​ന്നാ​ൽ, എ​വി​ടെ​വെ​ച്ചാ​ണ് ച​ർ​ച്ച ന​ട​ക്കു​ക​യെ​ന്ന കാ​ര്യ​ത്തി​ൽ വ്യ​ക്ത​ത​യി​ല്ല.

അ​തേ​സ​മ​യം, മാ​ധ്യ​മ റി​പ്പോ​ർ​ട്ടു​ക​ളെ​ക്കു​റി​ച്ച് റ​ഷ്യ​യോ ഉ​ത്ത​ര കൊ​റി​യ​യോ പ്ര​തി​ക​രി​ച്ചി​ട്ടി​ല്ല. പ്ര​ത്യേ​ക സു​ര​ക്ഷ​യൊ​രു​ക്കി​യ ട്രെ​യി​നി​ലാ​യി​രി​ക്കും കിം ​യാ​ത്ര ചെ​യ്യു​ക​യെ​ന്ന് ഔ​ദ്യോ​ഗി​ക വൃ​ത്ത​ങ്ങ​ൾ ന്യൂ​യോ​ർ​ക്ക് ടൈം​സി​നോ​ട് പ​റ​ഞ്ഞു. ഇ​രു​രാ​ജ്യ​ങ്ങ​ളും ത​മ്മി​ൽ ആ​യു​ധ കൈ​മാ​റ്റം സം​ബ​ന്ധി​ച്ച് ച​ർ​ച്ച​ക​ൾ സ​ജീ​വ​മാ​യി പു​രോ​ഗ​മി​ക്കു​ക​യാ​ണെ​ന്ന് അ​ടു​ത്തി​ടെ അ​മേ​രി​ക്ക വെ​ളി​പ്പെ​ടു​ത്തി​യി​രു​ന്നു. ഇ​തി​ന് പി​ന്നാ​ലെ​യാ​ണ്, പു​തി​യ റി​പ്പോ​ർ​ട്ടു​ക​ൾ പു​റ​ത്തു​വ​ന്നി​രി​ക്കു​ന്ന​ത്.

സ​മീ​പ​കാ​ല​ത്ത് റ​ഷ്യ​ൻ പ്ര​തി​രോ​ധ മ​ന്ത്രി സെ​ർ​ജി ഷൊ​യ്ഗു ന​ട​ത്തി​യ ഉ​ത്ത​ര കൊ​റി​യ​ൻ സ​ന്ദ​ർ​ശ​ന​ത്തി​നി​ടെ റ​ഷ്യ​ക്ക് ആ​യു​ധം വി​ൽ​ക്കു​ന്ന​ത് സം​ബ​ന്ധി​ച്ച് ച​ർ​ച്ച ന​ട​ത്തി​യ​താ​യി യു.​എ​സ് ദേ​ശീ​യ സു​ര​ക്ഷാ കൗ​ൺ​സി​ൽ ഉ​പ​ദേ​ഷ്ടാ​വ് ജോ​ൺ കി​ർ​ബി പ​റ​ഞ്ഞു. ഹ്വാ​സോ​ങ് ഭൂ​ഖ​ണ്ഡാ​ന്ത​ര ബാ​ലി​സ്റ്റി​ക് മി​സൈ​ൽ ഉ​ൾ​പ്പെ​ടെ​യു​ള്ള ആ​യു​ധ​ങ്ങ​ളും അ​ദ്ദേ​ഹ​ത്തി​​ന്റെ സ​ന്ദ​ർ​ശ​ന വേ​ള​യി​ൽ പ്ര​ദ​ർ​ശി​പ്പി​ച്ചി​രു​ന്നു. കോ​വി​ഡ് മ​ഹാ​മാ​രി​ക്കു​ശേ​ഷം ആ​ദ്യ​മാ​യാ​ണ് ഉ​ത്ത​ര കൊ​റി​യ വി​ദേ​ശ അ​തി​ഥി​ക​ളെ സ്വീ​ക​രി​ക്കു​ന്ന​ത്. ഉ​ഭ​യ​ക​ക്ഷി ബ​ന്ധം ശ​ക്തി​പ്പെ​ടു​ത്തു​ന്ന​തു സം​ബ​ന്ധി​ച്ച പു​ടി​ന്റെ​യും കി​മ്മി​​ന്റെ​യും ക​ത്തു​ക​ൾ കൂ​ടി​ക്കാ​ഴ്ച​ക്കി​ടെ കൈ​മാ​റു​ക​യും ചെ​യ്തു. റ​ഷ്യ​യു​മാ​യു​ള്ള ആ​യു​ധ ച​ർ​ച്ച​ക​ൾ അ​വ​സാ​നി​പ്പി​ക്ക​ണ​മെ​ന്നും റ​ഷ്യ​ക്ക് ആ​യു​ധ​ങ്ങ​ൾ ന​ൽ​കു​ക​യോ വി​ൽ​ക്കു​ക​യോ ചെ​യ്യി​ല്ലെ​ന്ന ഉ​റ​പ്പ് ഉ​ത്ത​ര കൊ​റി​യ പാ​ലി​ക്ക​ണ​മെ​ന്നും കി​ർ​ബി ആ​വ​ശ്യ​പ്പെ​ട്ടു. റ​ഷ്യ​ക്ക് ആ​യു​ധ​ങ്ങ​ൾ ന​ൽ​കി​യാ​ൽ ഉ​ത്ത​ര​കൊ​റി​യ​ക്കെ​തി​രെ ഉ​പ​രോ​ധ​മ​ട​ക്ക​മു​ള്ള ന​ട​പ​ടി​ക​ൾ സ്വീ​ക​രി​ക്കു​മെ​ന്നും അ​ദ്ദേ​ഹം മു​ന്ന​റി​യി​പ്പ് ന​ൽ​കി.

ആ​യു​ധ​ങ്ങ​ൾ ന​ൽ​കു​ന്ന​തി​ന് പ​ക​ര​മാ​യി റ​ഷ്യ​യി​ൽ​നി​ന്ന് ഉ​ത്ത​ര കൊ​റി​യ​ക്ക് എ​ന്താ​ണ് ല​ഭി​ക്കു​ക​യെ​ന്ന കാ​ര്യ​ത്തി​ൽ അ​മേ​രി​ക്ക​യി​ലും ദ​ക്ഷി​ണ കൊ​റി​യ​യി​ലും ആ​ശ​ങ്ക ഉ​യ​ർ​ന്നി​ട്ടു​ണ്ട്. ഇ​രു രാ​ജ്യ​ങ്ങ​ളും ത​മ്മി​ലു​ള്ള സൈ​നി​ക സ​ഹ​ക​ര​ണം ഇ​തോ​ടെ കൂ​ടു​ത​ൽ ശ​ക്ത​മാ​കു​മെ​ന്നാ​ണ് ക​രു​തു​ന്ന​ത്. അ​മേ​രി​ക്ക​യും ദ​ക്ഷി​ണ കൊ​റി​യ​യും ജ​പ്പാ​നും ന​ട​ത്തി​യ​തി​ന് സ​മാ​ന​മാ​യി റ​ഷ്യ​യും ചൈ​ന​യും ഉ​ത്ത​ര കൊ​റി​യ​യും സം​യു​ക്ത സൈ​നി​ക പ​രി​ശീ​ല​നം ന​ട​ത്ത​ണ​മെ​ന്ന നി​ർ​ദേ​ശം റ​ഷ്യ​ൻ പ്ര​തി​രോ​ധ മ​ന്ത്രി മു​ന്നോ​ട്ടു​വെ​ച്ച​താ​യി ദ​ക്ഷി​ണ കൊ​റി​യ​യു​ടെ ഇ​ന്റ​ലി​ജ​ൻ​സ് ഏ​ജ​ൻ​സി തി​ങ്ക​ളാ​ഴ്ച വെ​ളി​പ്പെ​ടു​ത്തി.