സൈനിക ശക്​തി വർധിപ്പിക്കാൻ നിർദേശം നൽകി കിം ജോങ്​ ഉൻ

പ്യോങ്​യാങ്​: സൈനിക ശക്​തി വർധിപ്പിക്കാൻ നിർദേശം നൽകി ഉത്തരകൊറിയൻ ഏകാധിപതി കിം ജോങ്​ ഉൻ. ചൈനീസ്​ മാധ്യമമായ ഗ്ലോബൽ ടൈംസാണ്​ ഉത്തരകൊറിയൻ വാർത്ത ഏജൻസിയെ ഉദ്ധരിച്ച്​ ഇക്കാര്യം റിപ്പോർട്ട്​ ചെയ്​തത്​. ഉന്നതതല മിലിറ്ററി കമ്മീഷൻ മീറ്റിങ്ങിലായിരുന്നു കിം ജോങ്​ ഉന്നി​െൻറ നിർദേശം.

കൊറിയൻ ഉപഭൂഖണ്ഡത്തിലെ മാറുന്ന സാഹചര്യങ്ങളിൽ ജാഗ്രത പുലർത്തണമെന്ന്​ കിം ജോങ്​ ഉൻ സൈനിക മേധാവികളോട്​ നിർദേശിച്ചു. ജൂൺ അഞ്ചിനാണ്​ കിം ജോങ്​ ഉൻ ഇതിന്​ മുമ്പ്​​ പൊതുസ്ഥലത്ത്​ പ്രത്യക്ഷപ്പെട്ടത്​. ഇതിന്​ പിന്നാലെയാണ്​ ഗ്ലോബൽ ടൈംസി​െൻറ റിപ്പോർട്ട്​ പുറത്ത്​ വന്നത്​.

സൈന്യത്തിനുള്ളിലെ ഭരണപരമായ പ്രശ്​നങ്ങൾ എത്രയും ​പെ​ട്ടെന്ന്​ പരിഹരിക്കാനും ഉൻ നിർദേശം നൽകി. നേരത്തെ ഉത്തരകൊറിയൻ കമ്യൂണിസ്​റ്റ്​ പാർട്ടിയുടെ സമ്മേളനത്തിൽ രാജ്യത്തി​െൻറ സാമ്പത്തിക സ്ഥിതി മെച്ചപ്പെടുത്താനുള്ള നിർദേശങ്ങൾ കിം നൽകിയെന്ന റിപ്പോർട്ടുകളും പുറത്ത്​ വന്നിരുന്നു.