Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightഐ.എസിനെ തുരത്താൻ...

ഐ.എസിനെ തുരത്താൻ യു.എസ്​ സഹായം വേണ്ട –താലിബാൻ

text_fields
bookmark_border
ഐ.എസിനെ തുരത്താൻ യു.എസ്​ സഹായം വേണ്ട –താലിബാൻ
cancel

കാബൂൾ: അഫ്​ഗാനിസ്​താനിലെ ഭീകരസംഘങ്ങളെ അമർച്ചചെയ്യാൻ യു.എസുമായി സഹകരിക്കില്ലെന്ന്​ താലിബാൻ. രണ്ടുദിവസങ്ങളിലായി യു.എസ്​ പ്രതിനിധിസംഘവുമായി ദോഹയിൽ നടക്കുന്ന കൂടിക്കാഴ്​ചക്കിടെ മാധ്യമങ്ങളോടാണ്​​ താലിബാൻ നയം വ്യക്തമാക്കിയത്​.

ആഗസ്​റ്റിൽ അഫ്​ഗാനിലെ സൈനിക പിന്മാറ്റത്തിനു ശേഷം ആദ്യമായാണ്​ യു.എസ്​ സംഘം താലിബാനുമായി നേരിട്ട്​ ചർച്ച നടത്തുന്നത്​. അഫ്​ഗാനിലെ ഭീകരവാദവും വിദേശ പൗരന്മാരെ ഒഴിപ്പിക്കുന്നതുമടക്കമുള്ള വിഷയങ്ങളാണ്​ ചർച്ചയായത്​. ഒഴിപ്പിക്കൽ നടപടികൾക്ക്​ അനുകൂലമായാണ്​ താലിബാൻ പ്രതികരിച്ചത്​.

അഫ്​ഗാനിൽ താലിബാൻ ഭരണം പിടിച്ചശേഷം ഐ.എസ്​ ഭീകരർ ആക്രമണം ശക്തമാക്കിയിരുന്നു. കഴിഞ്ഞ ദിവസം കുന്ദൂസിലെ ശിയ പള്ളിയിൽ പ്രാർഥനക്കിടെയുണ്ടായ ചാവേറാക്രമണത്തിൽ 46 പേരാണ്​ കൊല്ലപ്പെട്ടത്​. ഐ.എസിനെ സ്വന്തം നിലക്കു തന്നെ നേരിടുമെന്നും യു.എസി​െൻറ സഹകരണം വേണ്ടെന്നും താലിബാൻ രാഷ്​ട്രീയകാര്യ വക്താവ്​ സുഹൈൽ ഷഹീൻ മാധ്യമങ്ങൾക്കു നൽകിയ അഭിമുഖത്തിൽ വ്യക്തമാക്കി.

യൂറോപ്യൻ യൂനിയൻ പ്രതിനിധി സംഘവുമായും താലിബാൻ ചർച്ച നടത്തും. അഫ്​ഗാന്​ മാനുഷിക സഹായം ലഭ്യമാക്കുകയാണ്​ ചർച്ചകളുടെ പ്രധാന ലക്ഷ്യം.

Show Full Article
TAGS:Taliban 
News Summary - No need of US help says Taliban
Next Story