എല്ലാ ഇന്ത്യക്കാരും കിയവിൽ നിന്ന്​ പുറത്തുകടന്നുവെന്ന്​ വി​ദേ​ശ മ​ന്ത്രാ​ലയം

ന്യൂ​ഡ​ൽ​ഹി: യു​​ക്രെ​യ്ൻ ത​ല​സ്ഥാ​ന​മാ​യ കി​യ​വി​ൽ നിന്ന് എല്ലാ ഇന്ത്യക്കാരേയും ഒഴിപ്പിച്ചതായി വിദേശകാര്യ സെക്രട്ടറി ഹർഷ വർധൻ ശ്രിംഗ്ല അറിയിച്ചു. യു​​ക്രെയ്നിൽ നിന്ന് അയൽ രാജ്യങ്ങളിലേക്ക് നീങ്ങിയ ഇന്ത്യക്കാ​രെ നാട്ടിലെത്തിക്കാനായി അടുത്ത മൂന്ന് ദിവസത്തിനുള്ളിൽ 26 വിമാനങ്ങൾ അയക്കും. ഇതിനായി റുമേനിയിലെ ബുചാറസ്റ്റ്, ഹംഗറിയിലെ ബുഡാപെസ്റ്റ് എന്നിവിടങ്ങളും പോളണ്ടിലെയും, സ്​ലോവക് റിപ്പബ്ലികിലെ വിമാനത്താവളങ്ങളും ഉപയോഗിക്കു​മെന്നും അദ്ദേഹം പറഞ്ഞു.

ഒഴിപ്പിക്കൽ നടപടി വിലയിരുത്താൻ പ്രധാനമന്ത്രി നരേന്ദ്ര മോദി വിളിച്ച ഉന്നത തല യോഗത്തിന് ശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. കിയവിൽ നിന്ന് മുഴുവൻ ഇന്ത്യക്കാരേയും ഒഴിപ്പിച്ചെന്ന് ഉറപ്പു വരുത്തിയ ശേഷം ഇന്ത്യൻ എംബസി അടച്ചതായും വിദേശകാര്യ സെക്രട്ടറി അറിയിച്ചു. പടിഞ്ഞാറൻ മേഖലയിലെ ലവിവിൽ എംബസി പ്രവർത്തിക്കും. അംബാസിഡറും ഉദ്യോഗസ്ഥരും ലവിവിലേക്ക് തിരിച്ചിട്ടുണ്ട്.

വ​ൻ റ​ഷ്യ​ൻ സൈ​നി​ക സ​ന്നാ​ഹം കിയവിലേക്ക്​ നീ​ങ്ങി​യ​തോ​ടെ എ​ല്ലാ പൗ​ര​ന്മാ​രോ​ടും അ​ടി​യ​ന്ത​ര​മാ​യി കി​യ​വ് വി​ടാ​ൻ ഇ​ന്ത്യ​ ആ​വ​ശ്യ​പ്പെ​ട്ടിന്നു. ​ഒഴിപ്പിക്കൽ നടപടിക്കായി ​നാ​ലു​ കേ​​ന്ദ്ര മ​ന്ത്രി​മാ​ർ യു​ക്രെ​യ്നി​ന്‍റെ അ​യ​ൽ​രാ​ജ്യ​ങ്ങ​ളി​ലേ​ക്ക്​ യാ​ത്ര തി​രി​ച്ചി​ട്ടു​ണ്ട്. ഇ​തു​വ​രെ ര​ണ്ടാ​യി​ര​ത്തോ​ളം ഇ​ന്ത്യ​ൻ വി​ദ്യാ​ർ​ഥി​ക​ളെ​യാ​ണ്​ ര​ക്ഷാ​ദൗ​ത്യ​ത്തി​ലൂ​ടെ തി​രി​ച്ചു​കൊ​ണ്ടു​വ​ന്ന​ത്. മ​റ്റു മ​ന്ത്രി​മാ​രാ​യ കി​ര​ൺ റി​ജി​ജു സ്ലൊ​വാ​ക്യ​യി​ലും ഹ​ർ​ദീ​പ്​ സി​ങ് പു​രി ഹം​ഗ​റി​യി​ലും ജ്യോ​തി​രാ​ദി​ത്യ സി​ന്ധ്യ റു​മേ​നി​യ​യി​ലും​നി​ന്ന്​ ഒ​ഴി​പ്പി​ക്ക​ൽ ദൗ​ത്യ​ങ്ങ​ളും ഏ​കോ​പി​പ്പി​ക്കും.