സ്വീഡനിൽ സ്​കൈഡൈവർമാരുമായി പോയ ചെറുവിമാനം തകർന്നുവീണു; ഒമ്പത്​ മരണം

സ്​റ്റോക്​ഹോം: സ്വിഡനിൽ ഒമ്പതു പേരുമായി പറന്നുയർന്ന ചെറുവിമാനം തകർന്ന് എല്ലാ യാത്രികരും മരിച്ചു. തലസ്​ഥാനമായ സ്​റ്റോക്​ഹോമിൽനിന്ന്​ 160 കിലോമീറ്റർ അകലെ ഓറിബ്രോയിലെ വിമാനത്താവളത്തിൽനിന്ന്​ പൊങ്ങുന്നതിനിടെ ദുരന്തത്തിൽ പെടുകയായിരുന്നു. റൺവേ പരിസരത്തുതന്നെ വിമാനം തകർന്നുവീണ്​ അഗ്​നിവിഴുങ്ങി. എട്ട്​ സ്​കൈഡേ​വർമാരും ഒരു പൈലറ്റുമാണ്​ വിമാനത്തിലുണ്ടായിരുന്നത്​.

2019ൽ സമാനമായി സ്​കൈഡൈവർമാരുമായി പോയ വിമാനം തകർന്ന്​ ഒമ്പതു പേർ മരിച്ചിരുന്നു. സ്വീഡന്​ വടക്കുകിഴക്ക്​ ഉമിയ പട്ടണത്തിലായിരുന്നു​ സംഭവം.