ആ​സ്ട്രേ​ലി​യ​യിൽ അ​ൽ​ബ​നീ​സ് തിങ്കളാഴ്ച ചു​മ​ത​ല​യേ​ൽ​ക്കും

കാ​ൻ​ബ​റ: ആ​സ്ട്രേ​ലി​യ​യു​ടെ 31ാമ​ത് പ്ര​ധാ​ന​മ​ന്ത്രി​യാ​യി ആ​ന്റ​ണി അ​ൽ​ബ​നീ​സ് തി​ങ്ക​ളാ​ഴ്ച ചു​മ​ത​ല​യേ​ൽ​ക്കും. അ​തേ​സ​മ​യം, അ​ദ്ദേ​ഹ​ത്തി​ന്റെ പാ​ർ​ട്ടി സ​ഖ്യ​ക​ക്ഷി​ക​ളു​മാ​യി സ​ർ​ക്കാ​ർ രൂ​പ​വ​ത്ക​രി​ക്കു​ന്നത് തീരുമാനമായില്ല. ശ​നി​യാ​ഴ്ച ന​ട​ന്ന തെ​ര​ഞ്ഞെ​ടു​പ്പി​ൽ അ​ൽ​ബ​നീ​സി​ന്റെ ലേ​ബ​ർ പാ​ർ​ട്ടി​ക്ക്​ 71ഉം ​സ്ഥാനമൊഴിയുന്ന സ്കോ​ട്ട്​ മോ​റി​സ​ന്റെ ലി​ബ​റ​ൽ സ​ഖ്യ​ത്തി​ന് 52ഉം ​സീ​റ്റു​ക​ളാ​ണ് ല​ഭി​ച്ച​ത്. കേ​വ​ല ഭൂ​രി​പ​ക്ഷ​ത്തി​ന് 76 സീ​റ്റു​ക​ൾ വേ​ണം.

121 വ​ർ​ഷ​ത്തി​നി​ടെ ആ​സ്ട്രേ​ലി​യ​യി​ൽ പ്ര​ധാ​ന​മ​ന്ത്രി​സ്ഥാ​ന​ത്തേ​ക്കു മ​ത്സ​രി​ക്കു​ന്ന ആം​ഗ്ലോ സെ​ൽ​റ്റി​ക് നാ​മ​ധാ​രി​യ​ല്ലാ​ത്ത ആ​ദ്യ സ്ഥാ​നാ​ർ​ഥി​യെ​ന്നാ​ണ് അ​ൽ​ബ​നീ​സ് സ്വ​യം വി​ശേ​ഷി​പ്പി​ക്കു​ന്ന​ത്. സി​ഡ്നി​യി​ലെ സ​ർ​ക്കാ​ർ കോ​ള​നി​യി​ൽ ഐ​റി​ഷ് വം​ശ​ജ​യാ​യ അ​മ്മ മ​ര്യാ​ൻ എ​ല്ലെ​രി ത​നി​ച്ചാ​ണ് അ​ൽ​ബ​നീ​സി​നെ വ​ള​ർ​ത്തി​യ​ത്. വി​ക​ലാം​ഗ പെ​ൻ​ഷ​ൻ മാ​ത്ര​മാ​യി​രു​ന്നു അ​മ്മ​യു​ടെ വ​രു​മാ​നം.

ഇ​റ്റ​ലി​ക്കാ​ര​നാ​യ പി​താ​വ് കാ​ർ​ലോ അ​ൽ​ബ​നീ​സ്, അ​പ​ക​ട​ത്തി​ൽ മ​രി​ച്ചു​വെ​ന്ന ക​ഥ കേ​ട്ടാ​ണ് വ​ള​ർ​ന്ന​ത്. 14ാം വ​യ​സ്സി​ൽ പി​താ​വ് ജീ​വി​ച്ചി​രി​പ്പു​ണ്ടെ​ന്ന കാ​ര്യം അ​മ്മ മ​ക​നോ​ട് വെ​ളി​പ്പെ​ടു​ത്തി. മ​ര്യാ​നും കാ​ർ​ലോ​യും വി​വാ​ഹി​ത​രാ​യി​രു​ന്നി​ല്ല. ക്രൂ​സ് ക​പ്പ​ലി​ലെ ജീ​വ​ന​ക്കാ​ര​നാ​യി​രു​ന്നു കാ​ർ​ലോ. അ​മ്മ​യു​ടെ മ​ര​ണ​ശേ​ഷം അ​ൽ​ബ​നീ​സ് പി​താ​വി​നെ തേ​ടി​യി​റ​ങ്ങി. 2009ൽ ​ദ​ക്ഷി​ണ ഇ​റ്റ​ലി​യി​ലെ ബാ​ർ​ലെ​റ്റ​യി​ൽ​വെ​ച്ച് അ​വ​ർ ആ​ദ്യ​മാ​യി ക​ണ്ടു​മു​ട്ടി. അ​ന്ന് ആ​സ്ട്രേ​ലി​യ​യു​ടെ ഗ​താ​ഗ​ത മ​ന്ത്രി​യാ​യി​രു​ന്നു അ​ൽ​ബ​നീ​സ്. കു​റ​ച്ചു കാ​ലം ഉ​പ​പ്ര​ധാ​ന​മ​ന്ത്രി​യു​മാ​യി. ബു​ദ്ധി​മു​ട്ടേറിയ സാഹചര്യമാണ് രാ​ജ്യ​ത്തി​ന്റെ പ​ര​മോ​ന്ന​ത പ​ദ​വി​യി​ലെ​ത്തി​ച്ച​തെ​ന്നും ത​ന്റെ ജീ​വി​തം ആ​സ്ട്രേ​ലി​യ​ൻ ജ​ന​ത​ക്ക് പ്ര​ചോ​ദ​ന​മാ​കു​മെ​ന്നും അ​ൽ​ബ​നീ​സ് വി​ല​യി​രു​ത്തു​ന്നു. കാ​ലാ​വ​സ്ഥ വ്യ​തി​യാ​ന​ത്തി​നെ​തി​രെ പോ​രാ​ട്ടം പ്ര​ഖ്യാ​പി​ച്ച അ​ദ്ദേഹം പു​ന​രു​പ​യോ​ഗ ഊ​ർ​ജ​സ്രോ​ത​സ്സു​ക​ൾ ഉ​പ​യോ​ഗി​ക്കു​മെ​ന്നും വ്യ​ക്ത​മാ​ക്കി.