ഇന്ത്യയിൽ നിന്നുള്ള യാത്രക്കാർക്ക്​ വിലക്കുമായി ന്യൂസിലാൻഡ്​

വെല്ലിങ്​ടൺ: ഇന്ത്യയിൽ നിന്നുള്ള യാത്രക്കാർക്ക്​ വിലക്കുമായി ന്യൂസിലാൻഡ്​. പ്രധാനമന്ത്രി ജസീന്ത ആർഡേനാണ്​ വിലക്കേർപ്പെടുത്തിയ വിവരം അറിയിച്ചത്​.

ഏപ്രിൽ 11 മുതലാണ്​ യാത്രവിലക്ക്​ നിലവിൽ വരിക. ഏപ്രിൽ 28 വരെ വിലക്ക്​ തുടരുകയും ചെയ്യും. ന്യൂസിലാൻഡ്​ പൗരൻമാർക്കും വിലക്ക്​ ബാധകമാവും. താൽക്കാലികമാണ്​ വിലക്കെന്നും ജസീന്ത ആർഡേൻ വ്യക്​തമാക്കിയിട്ടുണ്ട്​.

ഇന്ത്യയിൽ കോവിഡിന്‍റെ രണ്ടാം തരംഗം രൂക്ഷമാവുന്നതിനിടെയാണ്​ ന്യൂസിലാൻഡ്​ യാത്ര വിലക്ക്​ ഏർപ്പെടുത്തിയത്​. ഒരു ലക്ഷത്തിലേറെ പേർക്കാണ് രാജ്യത്ത്​​ കഴിഞ്ഞ ദിവസം കോവിഡ്​ സ്ഥിരീകരിച്ചത്​.