ഗസ്സയിൽ ഭരണം നടത്താനില്ല, ഹമാസിനെ ഉന്മൂലനം ചെയ്യും; ബന്ദികളുടെ മോചനം വരെ വെടിനിർത്തലില്ല -നെതന്യാഹു

ഗസ്സ: ഗസ്സയിൽ ഭരണം നടത്താനില്ലെന്നും എന്നാൽ, ഹമാസിനെ ഉന്മൂലനം ചെയ്യുമെന്നും ഇസ്രായേൽ പ്രധാനമന്ത്രി ബി​ന്യ​മി​ൻ നെതന്യാഹു. ഫോക്സ് ന്യൂസിന് നൽകിയ അഭിമുഖത്തിലാണ് നെതന്യാഹു മുൻ നിലപാട് മാറ്റിയതെന്ന് അൽ ജസീറ റിപ്പോർട്ട് ചെയ്യുന്നു.

ഇസ്രായേൽ സൈന്യം ഗസ്സയിൽ ആക്രമണം തുടരും. അതിനെ ഒന്നും തടയില്ല. ഗസ്സയിലെ തടവുകാരെ മോചിപ്പിക്കുന്നതു വരെ വെടിനിർത്തലിന് ഇസ്രായേൽ സമ്മതിക്കില്ലെന്നും നെതന്യാഹു വ്യക്തമാക്കി.

യു​ദ്ധാ​ന​ന്ത​രം ഗ​സ്സ വി​ടി​ല്ലെ​ന്നും പൂ​ർ​ണ നി​യ​​​ന്ത്ര​ണം അ​നി​ശ്ചി​ത​കാ​ല​ത്തേ​ക്ക് ത​ങ്ങ​ൾ​ക്കാ​കു​മെ​ന്നുമാണ് ബി​ന്യ​മി​ൻ നെ​ത​ന്യാ​ഹു മുമ്പ് പ്ര​ഖ്യാ​പി​ച്ച​ത്. നെ​ത​ന്യാ​ഹുവിന്‍റെ നിലപാടിനോട് പ്രതികരിച്ച യു.​എ​സ് പ്ര​സി​ഡ​ന്റ് ജോ ​ബൈ​ഡ​ൻ, ഹ​മാ​സി​നെ കീ​ഴ​ട​ക്കി​യ ​ശേ​ഷം ഗ​സ്സ​യി​ൽ ഒ​രി​ക്ക​ൽ കൂ​ടി ഇ​സ്രാ​യേ​ൽ അ​ധി​നി​വേ​ശം ന​ട​ത്തു​ന്ന​ത് അം​ഗീ​ക​രി​ക്കാ​നാ​കി​ല്ലെ​ന്ന് വ്യക്തമാക്കി.

യു​ദ്ധാ​ന​ന്ത​രം എ​ന്ത് എ​ന്ന​ത് സം​ബ​ന്ധി​ച്ച് ആ​രോ​ഗ്യ​ക​ര​മാ​യ സം​ഭാ​ഷ​ണ​ങ്ങ​ൾ ആ​വ​ശ്യ​മാ​ണ്. എ​ന്നാ​ൽ, ഗ​സ്സ​യി​ലെ ഭ​ര​ണം ഒ​ക്ടോ​ബ​ർ ആ​റി​ലേ​തു പോ​ലെ​യാ​ക​രു​തെ​ന്ന വി​ഷ​യ​ത്തി​ൽ ഇ​സ്രാ​യേ​ലി​നൊ​പ്പ​മാ​ണെ​ന്നും വൈ​റ്റ് ​ഹൗ​സ് ദേ​ശീ​യ സു​ര​ക്ഷാ​വ​ക്താ​വ് ജോ​ൺ കി​ർ​ബി കൂ​ട്ടി​ച്ചേ​ർ​ത്തു.

എന്നാൽ, ഹ​മാ​സി​നു ​ശേ​ഷം ഗ​സ്സ​യു​ടെ ഭാ​വി സം​ബ​ന്ധി​ച്ച് കി​ർ​ബി പ​റ​ഞ്ഞ​ത് വ്യാ​മോ​ഹം മാ​ത്ര​മാ​ണെ​ന്നും ചെ​റു​ത്തു​നി​ൽ​പി​ലാ​ണ് ത​ങ്ങ​ളു​ടെ ജ​ന​ത​യെ​ന്നും അ​വ​രു​ടെ ഭാ​വി അ​വ​ർ ​ത​ന്നെ തീ​രു​മാ​നി​ക്കു​മെ​ന്നും ഹ​മാ​സ് വ​ക്താ​വ് അ​ബ്ദു​ല്ല​ത്തീ​ഫ് അ​ൽ​ഖാ​നൂ വ്യക്തമാക്കിയത്.

ബ​ന്ദി​ക​ളെ മോ​ചി​പ്പി​ക്കാ​തെ വെ​ടി​നി​ർ​ത്ത​ലി​ല്ലെ​ന്ന് ഇ​സ്രാ​യേ​ൽ പ​റ​യു​മ്പോ​ൾ വെ​ടി​നി​ർ​ത്താ​തെ ബ​ന്ദി​ക​ളു​ടെ മോ​ച​നം സാ​ധ്യ​മാ​കി​ല്ലെ​ന്ന് ഹ​മാ​സും പ​റ​യു​ന്നു. 2005ൽ ​സൈ​ന്യ​ത്തെ പി​ൻ​വ​ലി​ച്ചെ​ങ്കി​ലും ഇ​സ്രാ​യേ​ൽ നി​യ​ന്ത്ര​ണം നി​ല​നി​ർ​ത്തു​ന്ന പ്ര​ദേ​ശ​മാ​ണ് ഗ​സ്സ. അ​തി​ർ​ത്തി​ക​ൾ, വ്യോ​മ​മേ​ഖ​ല, ക​ട​ൽ എ​ന്നി​വ​യു​ടെ​ നി​യ​ന്ത്ര​ണം പൂ​ർ​ണ​മാ​യി ഇ​സ്രാ​യേ​ലി​നാ​ണ്.