രണ്ടാം ദിവസവും വൈറ്റ് ഹൗസിലെത്തി നെതന്യാഹു; ട്രംപിനെ കണ്ട് ഒന്നും മിണ്ടാതെ തിരികെ പോയി

വാഷിങ്ടൺ: അമേരിക്കയിൽ സന്ദർശനം നടത്തുന്ന ഇസ്രായേൽ പ്രസിഡന്‍റ് ബിന്യമിൻ നെതന്യാഹു രണ്ടാം ദിവസവും വൈറ്റ് ഹൗസിലെത്തുകയും ട്രംപുമായി ചർച്ച നടത്തി പ്രസ്താവനകളൊന്നും നടത്താതെ തിരികെ പോകുകയും ചെയ്തതായി ടൈംസ് ഓഫ് ഇസ്രായേൽ. ചർച്ച ഒരു മണിക്കൂറിലധികം നീണ്ടു. അമേരിക്കൻ വൈസ് പ്രസിഡന്‍റ് ജെ.ഡി. വാൻസ് അടക്കം പങ്കെടുത്ത യോഗത്തിന്‍റെ കൂടുതൽ വിശദാംശങ്ങൾ പുറത്തുവിട്ടിട്ടില്ല.

എന്നാൽ, ഫലസ്തീനൊപ്പം ഇറാനും ചർച്ചയായെന്ന് ഇസ്രായേൽ ഹയോം റിപ്പോർട്ട് ചെയ്യുന്നു. ഇറാൻ ആണവായുധ പദ്ധതി പുനരാരംഭിക്കുന്നത് തടയാനുള്ള വഴികളെക്കുറിച്ച് ചർച്ചയുണ്ടായെന്ന് റിപ്പോർട്ട് പറയുന്നു.

വൈറ്റ് ഹൗസിൽ നടത്തിയ ആദ്യ കൂടിക്കാഴ്ചയിൽ ഫ​ല​സ്തീ​നി​ക​ളെ പ്ര​ദേ​ശ​ത്തു​നി​ന്ന് ഒ​ഴി​പ്പി​ക്കാ​നു​ള്ള പദ്ധതിയാണ് ഇസ്രായേലും അമേരിക്കയും ചർച്ച ചെയ്തത്. ചർച്ചക്ക് ശേഷം ഫ​ല​സ്തീ​നി​ക​ളു​ടെ മി​ക​ച്ച ഭാ​വി​ക്കു​വേ​ണ്ടി​യാ​ണ് ഇ​സ്രാ​യേ​ൽ ഗ​സ്സ​യി​ൽ​നി​ന്ന് അ​വ​രെ ഒ​ഴി​പ്പി​ക്കു​ന്ന നി​ർ​ദേ​ശം മു​ന്നോ​ട്ടു​വെ​ക്കു​ന്ന​തെ​ന്ന് നെ​ത​ന്യാ​ഹു പ്രസ്താവിച്ചിരുന്നു. നി​ൽ​ക്കാ​ൻ ആ​ഗ്ര​ഹി​ക്കു​ന്ന ജ​ന​ങ്ങ​ൾക്ക് നി​ൽ​ക്കാം. എ​ന്നാ​ൽ, പോ​കാ​ൻ ആ​ഗ്ര​ഹി​ക്കു​ന്ന​​വ​രെ അ​തി​ന് അ​നു​വ​ദി​ക്ക​ണമെന്നും നെതന്യാഹു പറഞ്ഞിരുന്നു.

60 ദി​വ​സ​ത്തെ വെ​ടി​നി​ർ​ത്ത​ൽ നി​ർ​ദേ​ശം ച​ർ​ച്ച ചെ​യ്യാ​ൻ ഇ​സ്രാ​യേ​ലും ഹ​മാ​സും ഖ​ത്ത​റി​ന്റെ മ​ധ്യ​സ്ഥ​ത​യി​ൽ ച​ർ​ച്ച ​ന​ട​ത്തു​ന്ന​തി​നി​ടെ​യാ​ണ് ട്രം​പും നെ​ത​ന്യാ​ഹു​വും വൈ​റ്റ്ഹൗ​സി​ലെ ബ്ലൂ ​റൂ​മി​ൽ കൂ​ടി​ക്കാ​ഴ്ച ന​ട​ത്തി​യ​ത്. ഒ​രേ കെ​ട്ടി​ട​ത്തി​ലെ വെ​വ്വേ​റെ മു​റി​ക​ളി​ൽ ഇ​രു​ന്ന് ഖ​ത്ത​റി​ന്റെ മ​ധ്യ​സ്ഥ​ത​യി​ലാ​ണ് ച​ർ​ച്ച. ഖത്തറിൽ മൂ​ന്നു ദി​വ​സ​ത്തി​നി​ടെ നാ​ലു​വ​ട്ടം ച​ർ​ച്ച ന​ട​ന്നെ​ങ്കി​ലും ഫ​ല​മു​ണ്ടാ​യി​ട്ടി​ല്ല.

ഇതിനിടെ ‘സ​മാ​ധാ​നം കെ​ട്ടി​പ്പ​ടു​ക്കു​ന്ന​തി​ൽ’ ട്രം​പ് നി​ർ​ണാ​യ​ക പ​ങ്കു​വ​ഹി​ച്ച​താ​യി ചൂണ്ടിക്കാട്ടി ട്രം​പി​നെ നൊ​ബേ​ൽ സ​മാ​ധാ​ന സ​മ്മാ​ന​ത്തി​ന് നാ​മ​നി​ർ​ദേ​ശം ചെ​യ്തിരിക്കുകയാണ് നെതന്യാഹു. സ​മാ​ധാ​ന നൊ​ബേ​ൽ ക​മ്മി​റ്റി​ക്ക് അ​യ​ച്ച നാ​മ​നി​ർ​ദേ​ശ ക​ത്തി​ന്റെ പ​ക​ർ​പ്പ് വൈ​റ്റ് ഹൗ​സി​ൽ ന​ട​ന്ന അ​ത്താ​ഴ വി​രു​ന്നി​നി​ടെ നെ​ത​ന്യാ​ഹു കൈ​മാ​റുകയും ചെയ്തിരുന്നു.