ഗസ്സ എന്നും ഇസ്രായേലിനെന്ന് നെതന്യാഹു; പ്രതിഷേധം; സൈനികമുക്ത മേഖലയാക്കും

വാ​ഷി​ങ്ട​ൺ: ഇ​സ്രാ​യേ​ലി​നു മ​ധ്യ​ത്തി​ൽ 23 ല​ക്ഷം ഫ​ല​സ്തീ​നി​ക​ൾ വ​സി​ക്കു​ന്ന ഗ​സ്സ മു​ന​മ്പ് യു​ദ്ധ​ത്തി​നു​ശേ​ഷം സൈ​നി​ക​മു​ക്ത​മാ​ക്കു​മെ​ന്ന് മാ​ത്ര​മ​ല്ല, ത​ങ്ങ​ളു​ടേ​താ​കു​മെ​ന്നും പ്ര​ഖ്യാ​പി​ച്ച് ബി​ന്യ​മി​ൻ നെ​ത​ന്യാ​ഹു. മേ​ഖ​ല പൂ​ർ​ണ​മാ​യി ​ഇ​സ്രാ​യേ​ൽ സൈ​നി​ക നി​യ​ന്ത്ര​ണ​ത്തി​ലാ​ക്കാ​നു​ള്ള നീ​ക്കം അ​റ​ബ് രാ​ജ്യ​ങ്ങ​ൾ മാ​ത്ര​മ​ല്ല, യു.​എ​സും അം​ഗീ​ക​രി​ക്കി​ല്ലെ​ന്നു​റ​പ്പ്. ഗ​സ്സ​യി​ലെ 23 ല​ക്ഷം പേ​രെ​യും ഗ​സ്സ​യി​ലെ സീ​നാ​യ് മ​രു​ഭൂ​മി​യി​ൽ പ്ര​ത്യേ​ക സു​ര​ക്ഷി​ത മേ​ഖ​ല​യു​ണ്ടാ​ക്കി പു​റ​ന്ത​ള്ളാ​ൻ ഇ​സ്രാ​യേ​ൽ നീ​ക്കം ത​കൃ​തി​യാ​ക്കി​യ​താ​യി റി​പ്പോ​ർ​ട്ടു​ക​ൾ പ​റ​യു​ന്നു. ഇ​തി​ന്റെ ഭാ​ഗ​മാ​യി താ​മ​സ​കേ​ന്ദ്ര​ങ്ങ​ൾ മാ​ത്ര​മ​ല്ല, ആ​ശു​പ​ത്രി​ക​ൾ, സ്കൂ​ളു​ക​ൾ എ​ന്നി​വ​യെ​ല്ലാം നാ​മാ​വ​ശേ​ഷ​മാ​ക്കു​ക​യാ​ണ് ല​ക്ഷ്യം.

വ​ട​ക്ക​ൻ ഗ​സ്സ​യി​ൽ നി​ര​ത്തു​ക​ളി​ലേ​റെ​യും ഇ​തി​ന​കം ഇ​സ്രാ​യേ​ൽ ത​ക​ർ​ത്തു​ക​ഴി​ഞ്ഞു. സ​മാ​ന നീ​ക്കം മ​ധ്യ, ദ​ക്ഷി​ണ ഗ​സ്സ മേ​ഖ​ല​ക​ളി​ലും പൂ​ർ​ത്തി​യാ​ക്കു​ക​യാ​ണ് ല​ക്ഷ്യം. എ​ന്നാ​ൽ, എ​ന്തു വി​ല​കൊ​ടു​ത്തും ഗ​സ്സ​യി​ൽ തു​ട​രു​മെ​ന്ന് ഫ​ല​സ്തീ​നി​ക​ൾ പ​റ​യു​ന്നു. ഫ​ല​സ്തീ​നാ​ണ് പി​റ​ന്ന നാ​ടെ​ന്നും ആ​ട്ടി​പ്പാ​യി​ക്കാ​നു​ള്ള ഏ​തു നീ​ക്ക​വും അം​ഗീ​ക​രി​ക്കി​ല്ലെ​ന്നും ഫ​ല​സ്തീ​നി സം​ഘ​ട​ന​ക​ൾ നി​ല​പാ​ട് വ്യ​ക്ത​മാ​ക്കി​ക്ക​ഴി​ഞ്ഞു. 1948ലെ ​അ​ൽ​ന​ഖ്ബ​ക്ക് സ​മാ​ന​മാ​യി ഫ​ല​സ്തീ​നി​ക​ളു​ടെ കൂ​ട്ട പ​ലാ​യ​ന​ത്തി​ന് വ​ഴി​യൊ​രു​ക്കു​ക​യാ​ണ് നെ​ത​ന്യാ​ഹു​വും സൈ​ന്യ​വും നി​ല​വി​ൽ പി​ന്തു​ട​രു​ന്ന യു​ദ്ധ​ന​യം.

വ​ട​ക്ക​ൻ ഗ​സ്സ യു​ദ്ധ​മേ​ഖ​ല​യാ​ണെ​ന്നും നാ​ടു​വി​ട​ണ​മെ​ന്നും ഉ​ത്ത​ര​വി​ട്ട് 10 ല​ക്ഷം ഫ​ല​സ്തീ​നി​ക​ളെ ആ​ട്ടി​പ്പാ​യി​ച്ച ഇ​സ്രാ​യേ​ൽ സേ​ന​യി​പ്പോ​ൾ സ​മാ​ന നീ​ക്കം ദ​ക്ഷി​ണ ഗ​സ്സ​യി​ലും വ്യാ​പി​പ്പി​ച്ച​തോ​ടെ ല​ക്ഷ​ങ്ങ​ൾ ഓ​ടി​പ്പോ​കാ​ൻ ഇ​ട​മി​ല്ലാ​ത്ത ആ​ധി​യി​ലാ​ണ്. ദ​ക്ഷി​ണ ഗ​സ്സ​യി​ൽ അ​ൽ​മ​വാ​സി​യെ​ന്ന ഒ​രു വി​മാ​ന​ത്താ​വ​ള​ത്തി​ന്റെ മാ​ത്രം വ​ലി​പ്പ​മു​ള്ള ഇ​ടം മാ​ത്ര​മാ​ണ് സു​ര​ക്ഷി​ത കേ​ന്ദ്ര​മാ​യി നി​ല​വി​ൽ ​ഇ​സ്രാ​യേ​ൽ അം​ഗീ​ക​രി​ച്ചി​ട്ടു​ള്ള​ത്. ഇ​വി​ടം 18 ല​ക്ഷം പേ​ർ എ​ങ്ങ​നെ ഞെ​രു​ങ്ങി​ക്ക​ഴി​യു​മെ​ന്നാ​ണ് ഫ​ല​സ്തീ​നി​ക​ൾ ചോ​ദി​ക്കു​ന്ന​ത്.

ഗ​സ്സ മു​ന​മ്പ് ഫ​ല​സ്തീ​ന് ന​ഷ്ട​മാ​കി​ല്ലെ​ന്നും ഇ​സ്രാ​യേ​ൽ അ​ധി​നി​വേ​ശം അം​ഗീ​ക​രി​ക്കി​ല്ലെ​ന്നും നേ​ര​ത്തേ യു.​എ​സ് വ്യ​ക്ത​മാ​ക്കി​യി​രു​ന്നു. ഇ​സ്രാ​യേ​ലി​നെ​തി​രെ ന​ട​പ​ടി ക​ടു​പ്പി​ക്കു​ന്ന​തി​ന്റെ ഭാ​ഗ​മാ​യി വെ​സ്റ്റ് ബാ​ങ്കി​ൽ അ​ക്ര​മം ന​ട​ത്തു​ന്ന കു​ടി​യേ​റ്റ​ക്കാ​ർ​ക്ക് ചൊ​വ്വാ​ഴ്ച വി​സ വി​ല​ക്ക് പ്ര​ഖ്യാ​പി​ച്ചി​ട്ടു​ണ്ട്. സി​വി​ലി​യ​ൻ കു​രു​തി അ​വ​സാ​നി​പ്പി​ക്കാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് യു.​എ​സ് വൈ​സ് പ്ര​സി​ഡ​ന്റ് ക​മ​ല ഹാ​രി​സ് ആ​വ​ശ്യ​പ്പെ​ട്ട​തും ഇ​തി​ന്റെ ഭാ​ഗ​മാ​ണ്.

എ​ന്നാ​ൽ, ഡെ​മോ​ക്രാ​റ്റ് ക​ക്ഷി​ക്ക​ക​ത്തു​പോ​ലും ക​ടു​ത്ത സ​മ്മ​ർ​ദ​മു​യ​ർ​ന്നാ​ലും ഇ​സ്രാ​യേ​ലി​ന് ന​ൽ​കി​വ​രു​ന്ന നി​രു​പാ​ധി​ക പി​ന്തു​ണ​യി​ൽ കാ​ര്യ​മാ​യ മാ​റ്റം​വ​രു​ത്താ​ൻ ബൈ​ഡ​ൻ ത​യാ​റാ​കി​ല്ലെ​ന്ന​താ​ണ് ​നെ​ത​ന്യാ​ഹു​വി​ന്റെ പ്ര​തീ​ക്ഷ. അ​ടു​ത്ത പ്ര​സി​ഡ​ന്റ് തെ​ര​ഞ്ഞെ​ടു​പ്പി​ന്റെ ഭാ​ഗ​മാ​യു​ള്ള ഫ​ണ്ട് സ്വ​രൂ​പ​ണ യോ​ഗ​ങ്ങ​ളി​ൽ കാ​ര്യ​മാ​യി ഹ​മാ​സ് ക്രൂ​ര​ത​ക​ളാ​ണ് ബൈ​ഡ​ൻ ക​ഴി​ഞ്ഞ​ദി​വ​സ​വും നി​ര​ത്തി​യ​തെ​ന്ന​തും ​സ​വി​ശേ​ഷ ശ്ര​ദ്ധ​യ​ർ​ഹി​ക്കു​ന്ന​താ​ണ്. ഗ​സ്സ​യെ സൈ​നി​ക​മു​ക്ത മേ​ഖ​ല​യാ​യി മാ​റ്റാ​നു​ള്ള നീ​ക്കം അം​ഗീ​ക​രി​ക്കി​ല്ലെ​ന്ന് തു​ർ​ക്കി പ്ര​സി​ഡ​ന്റ് റ​ജ​ബ് ത്വ​യ്യി​ബ് ഉ​ർ​ദു​ഗാ​നും വ്യ​ക്ത​മാ​ക്കി​യി​ട്ടു​ണ്ട്.