നേപ്പാൾ പ്രധാനമന്ത്രി കെ.പി. ശർമ്മ ഒലിക്ക്​ വിശ്വാസ വോട്ടെടുപ്പിൽ പരാജയം

കാഠ്​മണ്ഡു: നേപ്പാൾ പ്രധാനമന്ത്രി കെ.പി. ശർമ്മ ഒലിക്ക് തിങ്കളാഴ്ച പാർലമെൻറിൽ നടന്ന വിശ്വാസ വോട്ടെടുപ്പിൽ പരാജയം. പുഷ്പകമൽ ദഹൽ പ്രചണ്ഡയുടെ നേതൃത്വത്തിലുള്ള സി.‌പി.‌എൻ (മാവോയിസ്റ്റ് സെൻറർ) സർക്കാറിനുള്ള പിന്തുണ പിൻവലിച്ചതിനെ തുടർന്നാണ്​ വി​ശ്വാസ വോ​െട്ടടുപ്പ്​ വേണ്ടിവന്നത്​.

രാഷ്​ട്രപതി ബിദ്യാദേവി ഭണ്ഡാരിയുടെ നിർദേശപ്രകാരം വിളിച്ചുചേർത്ത പ്രത്യേക സെഷനിൽ പ്രധാനമന്ത്രിക്ക്​ 93 വോട്ടുകളാണ്​ നേടാനായത്​. 275 അംഗ ജനപ്രതിനിധിസഭയിൽ കുറഞ്ഞത് 136 വോട്ടുകളെങ്കിലും വേണം ഭരണം നിലനിർത്താൻ.

ചെറുകക്ഷികളുടെ പിന്തുണ ലഭിക്കുമെന്ന പ്രതീക്ഷയിലായിരുന്നു സർക്കാർ. വിശ്വാസ വോ​െട്ടടുപ്പിൽ പരാജയപ്പെട്ടതോടെ കടുത്ത രാഷ്​ട്രീയ പ്രതിസന്ധിയിലേക്കാണ്​ നേപ്പാൾ നീങ്ങുന്നത്​.