Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightഛിന്നഗ്രഹത്തെ...

ഛിന്നഗ്രഹത്തെ ഇടിച്ചിടാൻ ഡാർട്ട്​ യാത്ര തുടങ്ങി

text_fields
bookmark_border
ഛിന്നഗ്രഹത്തെ ഇടിച്ചിടാൻ ഡാർട്ട്​ യാത്ര തുടങ്ങി
cancel
camera_alt

ഫാൽക്കൺ-9 റോക്കറ്റിൽ വിക്ഷേപിച്ച നാസയുടെ ഡാർട്ട്​

ന്യൂയോർക്​​: ഭൂമിയെ ലക്ഷ്യമാക്കി വരുന്ന ഛിന്നഗ്രഹങ്ങളെ ഇടിച്ചുനീക്കാൻ ലക്ഷ്യമിട്ട്​ നാസ വികസിപ്പിച്ച പ്രതിരോധ സംവിധാനമായ ഡബ്​ൾ ആസ്​ട്രോയ്​ഡ്​ റീ ഡയറക്​ഷൻ ടെസ്​റ്റ്​ (ഡാർട്ട്​) വിക്ഷേപിച്ചു. ഛിന്നഗ്രഹത്തിൽ പേടകം ഇടിച്ചിറക്കി അതി​െൻറ സഞ്ചാരപാത മാറ്റുകയാണ്​ ഡാർട്ടി​െൻറ ജോലി. ഭൂമിയുടെ നിലനിൽപിന്​ ഭീഷണിയാകുന്ന ബഹിരാകാശ ശിലകളെ മനുഷ്യന്​ തടഞ്ഞുനിർത്താനാകുമോ എന്നറിയാനുള്ള പരീക്ഷണംകൂടിയാണിത്​.

കാലിഫോർണിയയിൽനിന്ന്​ സ്​പേസ്​ എക്​സി​െൻറ ഫാൽക്കൺ-9 റോക്കറിൽ നവംബർ 23ന്​ രാത്രി 10.21നായിരുന്നു പേടകം വിക്ഷേപിച്ചത്​. ഡിഡിമോസ് എന്ന വലിയ ഛിന്നഗ്രഹത്തെ ചുറ്റുന്ന ഡിഫോർമസ് എന്ന കുഞ്ഞൻ ഛിന്നഗ്രഹത്തെയാണ് ഡാർട്ട് ലക്ഷ്യംവെക്കുന്നത്. ഇടിയുടെ ആഘാതത്തിൽ ഡിഫോർമസി​െൻറ സഞ്ചാരപാതയിൽ മാറ്റമുണ്ടാകുമെന്നാണ് പ്രതീക്ഷ. അടുത്ത വർഷം സെപ്റ്റംബറോടെയായിരിക്കും ഡാർട്ട് ലക്ഷ്യസ്ഥാന​െത്തത്തുക. ഡിഡിമോസ്-ഡിഫോർമസ് ഛിന്നഗ്രഹങ്ങളെയാണ് പരീക്ഷണത്തിനായി തിരഞ്ഞെടുത്തിരിക്കുന്നത്.

ഡിഡിമോസ് എന്ന വലിയ ഛിന്നഗ്രഹത്തെ ചുറ്റുന്ന ഡിഫോർമസ് എന്ന കുഞ്ഞൻ ഛിന്നഗ്രഹത്തെ ഡാർട്ട് ചെന്നിടിക്കും. ഇടിയുടെ ആഘാതത്തിൽ ഡിഫോർമസി​െൻറ സഞ്ചാരപാതയിൽ നേരിയ വ്യതിയാനമുണ്ടാകുമെന്നാണ് ശാസ്ത്രജ്ഞർ പ്രതീക്ഷിക്കുന്നത്. ദൗത്യം വിജയമായാൽ ഡിഫോർമസ് ഡിഡിമോസിനെ ചുറ്റുന്നത് കുറച്ചുകൂടി വേഗത്തിലാകും.

ഇടിയിലുണ്ടാകുന്ന മാറ്റങ്ങൾ ശാസ്​ത്രജ്ഞർ പഠനവിധേയമാക്കും. ഭൂമിക്ക് ഭീഷണിയുയർത്തുന്ന ഛിന്നഗ്രഹങ്ങളല്ല ഡിഡിമോസും ഡിഫോർമസും, പഠനത്തിനുവേണ്ടി മാത്രമാണ് ദൗത്യം. ഒറ്റക്കു സഞ്ചരിക്കുന്ന ഛിന്നഗ്രഹത്തെ ​െവച്ച് പരീക്ഷണം നടത്തിയാൽ ഇടി ഫലംകണ്ടോ എന്നറിയാൻ ഏറെക്കാലം കാത്തിരിക്കണം. അതിനാലാണഎ ഡിഫോർമസിനെ ദൗത്യത്തിനായി തിരഞ്ഞെടുത്തത്. കൂട്ടിയിടി ചിത്രീകരിക്കാനായി ഒരു കുഞ്ഞൻ സാറ്റലൈറ്റുകൂടി ‍ഡാർട്ട് പേടകത്തിനകത്തുണ്ട്. ഛിന്നഗ്രഹത്തിലേക്ക് പതിക്കുന്നതിനുമുമ്പ് ലിസിയ ക്യൂബ് എന്ന ഈ ചെറു സാറ്റലൈറ്റിനെ പ്രധാന പേടകത്തിൽനിന്ന് സ്വതന്ത്രമാക്കും.

ഭൂമിയിലിടിക്കാൻ സാധ്യതയുള്ള ഛിന്നഗ്രഹങ്ങളൊന്നും ഇതുവരെ കണ്ടെത്തിയിട്ടി​െല്ലങ്കിലും ഭാവിയിൽ അത്തരമൊരു സാഹചര്യം നേരിടേണ്ടിവന്നാൽ ഡാർട്ട് നൽകുന്ന വിവരങ്ങൾ നിർണായകമായിരിക്കും. ഡാര്‍ട്ടുമായുണ്ടായ കൂട്ടിയിടിയുടെ അനന്തര ഫലം എന്താണെന്ന് പഠിക്കാൻ യൂറോപ്യന്‍ സ്‌പേസ് ഏജന്‍സി ഹെര എന്ന പേരില്‍ മറ്റൊരു പേടകം 2026ല്‍ വിക്ഷേപിക്കും.

Show Full Article
TAGS:Nasa spacecraft asteroid 
News Summary - Nasa launches spacecraft in first ever mission to deflect asteroid
Next Story