മോദി യു.എസിലെത്തി; ട്രംപുമായി കൂടിക്കാഴ്ച നടത്തും

പാരിസ്: ഫ്രാൻസ് സന്ദർശനം പൂർത്തിയാക്കിയതിന് പിന്നാലെ പ്രധാനമന്ത്രി നരേന്ദ്ര മോദി യു.എസിലെത്തി. പ്രസിഡന്റ് ഡോണൾഡ് ട്രംപുമായി കൂടിക്കാഴ്ച നടത്തും. വ്യാപാര-വ്യവസായ രംഗത്തുള്ളവരെയും മോദി കാണുന്നുണ്ട്. ഇന്ത്യൻ സമൂഹ​വുമായുള്ള യോഗവും മോദിയുടെ അജണ്ടയിലുണ്ട്. രണ്ട് ദിവസമാണ് മോദി യു.എസിലുണ്ടാവുക.

വാഷിങ്ടണിൽ വിമാനമിറങ്ങിയ മോദിക്ക് ഔപചാരിക സ്വീകരണം നൽകി. ജനതയുടെയും ലോകത്തിന്‍റെയും നന്മക്ക് വേണ്ടി ഇരു രാജ്യങ്ങളും ഒന്നിച്ചുള്ള പ്രവർത്തനങ്ങൾ തുടരുമെന്ന് മോദി എക്സ് പോസ്റ്റിൽ പറഞ്ഞു.

ഫ്രാൻസ് സന്ദർശനം പൂർത്തിയാക്കിയ മോദിയെ യാത്രയാക്കാൻ വിമാനത്താവളത്തിൽ പ്രസിഡന്റ് ഇമ്മാനുവൽ മാക്രോൺ എത്തിയിരുന്നു. ​ഫ്രഞ്ച് പ്രസിഡന്റുമായുള്ള ചർച്ചയും നിർമിത ബുദ്ധിയുമായി ബന്ധപ്പെട്ട ഉച്ചകോടിയും പൂർത്തിയാക്കിയാണ് മോദി യു.എസ​ിലേക്ക് പോയത്. ഫ്രാൻസിനും പ്രസിഡന്റ് മാക്രോണും മോദി നന്ദി അറിയിച്ചു.

ഫ്രാൻസിലെ മാർസെയിൽ ഇന്ത്യയുടെ പുതിയ കോൺസുലേറ്റ് മോദിയും മാക്രോണും ചേർന്ന് ഉദ്ഘാടനം ചെയ്തു. ഉഭയകക്ഷി ചർച്ചയിൽ ഫ്രാൻസ്-ഇന്ത്യ വ്യാപാര, നിക്ഷേപം വർധിപ്പിക്കാൻ ആഹ്വാനമുണ്ടായി. ഫ്രാൻസിൽ വെച്ച് യു.എസ് ​ൈവസ് പ്രസിഡന്റ് ജെ.ഡി. വാൻസിനെയും മോദി കണ്ടു. വാൻസിന്റെ ഇന്ത്യയിൽ വേരുള്ള ഭാര്യയും രണ്ടു മക്കളും ഒപ്പമുണ്ടായിരുന്നു.

മോദിക്ക് അമേരിക്കയിൽ ഊഷ്മള വരവേൽപ്

വാ​ഷി​ങ്ട​ൺ: ദ്വി​ദി​ന സ​ന്ദ​ർ​ശ​ന​ത്തി​നാ​യി അ​മേ​രി​ക്ക​യി​ൽ എ​ത്തി​യ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്ക് ഊ​ഷ്മ​ള വ​ര​വേ​ൽ​പ്. ഫ്രാ​ൻ​സ് സ​ന്ദ​ർ​ശ​ന​ത്തി​നു​ശേ​ഷം ഇ​ന്ത്യ​ൻ സ​മ​യം വ്യാ​ഴാ​ഴ്ച പു​ല​ർ​ച്ചെ​യാ​ണ് മോ​ദി അ​മേ​രി​ക്ക​യി​ൽ എ​ത്തി​യ​ത്. പ്ര​സി​ഡ​ന്റ് ഡോ​ണ​ൾ​ഡ് ട്രം​പു​മാ​യു​ള്ള കൂ​ടി​ക്കാ​ഴ്ച​യാ​ണ് സ​ന്ദ​ർ​ശ​ന​ത്തി​ലെ മു​ഖ്യ പ​രി​പാ​ടി.

താ​മ​സം ഒ​രു​ക്കി​യ പ്ര​സി​ഡ​ൻ​ഷ്യ​ൽ ഗെ​സ്റ്റ് ഹൗ​സാ​യ ​െബ്ല​യ​ർ ഹൗ​സി​ൽ എ​ത്തി​യ മോ​ദി​ക്ക് ഇ​ന്ത്യ​ൻ പ്ര​വാ​സി സ​മൂ​ഹം വ​ര​വേ​ൽ​പ് ന​ൽ​കി. കൊ​ടും​ത​ണു​പ്പും മ​ഴ​യും അ​വ​ഗ​ണി​ച്ച് നി​ര​വ​ധി പ്ര​വാ​സി​ക​ൾ ​െബ്ല​യ​ർ ഹൗ​സി​ലെ​ത്തി. ഇ​ന്ത്യ​യു​ടെ​യും അ​മേ​രി​ക്ക​യു​ടെ​യും പ​താ​ക​ക​ൾ വീ​ശി​യ പ്ര​വാ​സി സ​മൂ​ഹം ‘ഭാ​ര​ത് മാ​താ കീ ​ജ​യ്’, ‘വ​ന്ദേ മാ​ത​രം’, ‘മോ​ദി, മോ​ദി’ വി​ളി​ക​ളോ​ടെ​യാ​ണ് പ്ര​ധാ​ന​മ​ന്ത്രി​യെ എ​തി​രേ​റ്റ​ത്.

ട്രം​പ് അ​ധി​കാ​ര​മേ​റ്റ ശേ​ഷം കൂ​ടി​ക്കാ​ഴ്ച ന​ട​ത്തു​ന്ന നാ​ലാ​മ​ത്തെ വി​ദേ​ശ നേ​താ​വാ​ണ് മോ​ദി. ക​ഴി​ഞ്ഞ ദി​വ​സ​ങ്ങ​ളി​ൽ ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു, ജ​പ്പാ​ൻ പ്ര​ധാ​ന​മ​ന്ത്രി ഷി​ഗേ​രു ഇ​ഷി​ബ, ജോ​ർ​ഡ​ൻ രാ​ജാ​വ് അ​ബ്ദു​ല്ല ര​ണ്ടാ​മ​ൻ എ​ന്നി​വ​രു​മാ​യി കൂ​ടി​ക്കാ​ഴ്ച ന​ട​ത്തി​യി​രു​ന്നു.

സ​ന്ദ​ർ​ശ​ന​ത്തി​നി​ടെ, ഉ​യ​ർ​ന്ന തീ​രു​വ ഒ​ഴി​വാ​ക്കു​ന്ന​തി​നും ഉ​ഭ​യ​ക​ക്ഷി വ്യാ​പാ​രം വ​ർ​ധി​പ്പി​ക്കാ​നു​മു​ള്ള ക​രാ​റി​ൽ ഇ​രു​രാ​ജ്യ​ങ്ങ​ളും ഒ​പ്പു​വെ​ക്കു​മെ​ന്ന് പ്ര​തീ​ക്ഷി​ക്കു​ന്നു. വ്യാ​പാ​രം, നി​ക്ഷേ​പം, ഊ​ർ​ജം, പ്ര​തി​രോ​ധം, ടെ​ക്നോ​ള​ജി, കു​ടി​യേ​റ്റം തു​ട​ങ്ങി​യ വി​ഷ​യ​ങ്ങ​ളി​ൽ സ​ഹ​ക​ര​ണം വ​ർ​ധി​പ്പി​ക്കു​ന്ന​തി​നു​ള്ള ന​ട​പ​ടി​ക​ളു​മു​ണ്ടാ​കും.

അ​ന​ധി​കൃ​ത കു​ടി​യേ​റ്റ​ക്കാ​രാ​യ ഇ​ന്ത്യ​ക്കാ​രെ കൈ​കാ​ലു​ക​ൾ ബ​ന്ദി​ച്ച് സൈ​നി​ക വി​മാ​ന​ത്തി​ൽ തി​രി​ച്ച​യ​ക്കു​ക​യും അ​മേ​രി​ക്ക​യി​ലേ​ക്കു​ള്ള ഉ​രു​ക്ക്, അ​ലൂ​മി​നി​യം ഇ​റ​ക്ക​ു​മ​തി​ക്ക് 25 ശ​ത​മാ​നം തീ​രു​വ ചു​മ​ത്തു​ക​യും ചെ​യ്ത സം​ഭ​വ​ങ്ങ​ളു​ടെ പ​ശ്ചാ​ത്ത​ല​ത്തി​ലാ​ണ് മോ​ദി​യു​ടെ സ​ന്ദ​ർ​ശ​നം. ഈ ​ന​ട​പ​ടി​ക​ളോ​ട് മോ​ദി എ​ങ്ങ​നെ പ്ര​തി​ക​രി​ക്കും എ​ന്ന​തും രാ​ഷ്ട്രീ​യ നി​രീ​ക്ഷ​ക​ർ ഉ​റ്റു​നോ​ക്കു​ന്നു.