മ്യാൻമറിൽ ചോരപ്പുഴയൊഴുക്കി സൈന്യം; ബുധനാഴ്ച ​ജീവൻ ​െപാലിഞ്ഞത്​ 38 പേർക്ക്​

നായ്​പിഡാവ്​: തെരുവിലിറങ്ങിയ പ്രക്ഷോഭകരെ കൂട്ടമായി വെടിവെച്ചുവീഴ്​ത്തി മ്യാൻമർ സൈന്യം. ജനാധിപത്യപരമായി തെരഞ്ഞെടുക്കപ്പെട്ട സർക്കാറിനെ മരവിപ്പിച്ച്​ ഓങ്​ സാൻ സൂചി ഉൾപെടെ നേതാക്കളെ അറസ്റ്റ്​ ചെയ്​ത നടപടിയിൽ പ്രതിഷേധിച്ച്​ നഗരങ്ങളിലുടനീളം പ്രതിഷേധിച്ച നാട്ടുകാർക്കു നേരെ ബുധനാഴ്ച നടന്ന വെടിവെപ്പാണ്​ ചോരച്ചാലായി മാറിയത്​. 38 പേർ വിവിധ പട്ടണങ്ങളിൽ സൈനിക വെടിവെപ്പിൽ കൊല്ലപ്പെട്ടതായി റിപ്പോർട്ടുകൾ പറയുന്നു.

ഫെബ്രുവരി ഒന്നിനാണ്​ രാജ്യം ഇടവേളക്കു ശേഷം വീണ്ടും പട്ടാള അട്ടിമറിക്കു സാക്ഷിയായത്​. സർക്കാറിനെ പുറത്താക്കിയതിൽ പ്രതിഷേധവുമായി ഇറങ്ങിയവർക്കു നേരെ നടപടികൾ നേരത്തെയുമു​ണ്ടായിരുന്നുവെങ്കിലും ബുധനാഴ്ച കൂട്ട വെടിവെപ്പ്​ നടത്തി അടിച്ചമർത്താൻ ശ്രമം നടത്തുകയായിരുന്നു. 19കാരി ഉൾപെടെ കൊല്ലപ്പെട്ട സംഭവം രാജ്യത്ത്​ പ്രക്ഷോഭം ശക്​തി പ്രാപിക്കാൻ ഇടയാക്കുമെന്നാണ്​ സൂചന.

​മ്യാന്മറിലെ സൈനിക ഇടപെടലിനെതിരെ ലോക രാജ്യങ്ങൾ രംഗത്തുവന്നിട്ടുണ്ട്​. എന്നാൽ, ഒരു വർഷത്തേക്ക്​ പട്ടാള ഭരണം തുടരുമെന്ന നിലപാടിൽ മാറ്റം വരുത്താൻ ഒരുക്കമല്ലെന്ന്​ സൈന്യം പറയുന്നു.

കീഴടങ്ങാൻ ഒരുക്കമല്ലാത്ത പ്രക്ഷോഭകർ പ്രധാന പട്ടണങ്ങളായ യാംഗോൺ, മന്ദാലയ എന്നിവിടങ്ങളിലും മറ്റു ചെറിയ നഗരങ്ങളിലുംവീണ്ടും സമരം സജീവമാക്കിയിട്ടുണ്ട്​.