ജോർജ്​ മുത്തൂറ്റ്​ മരിച്ചത്​ കെട്ടിടത്തിന്‍റെ നാലാം നിലയിൽനിന്ന്​ വീണ്​ പരിക്കേറ്റ്​

ന്യൂഡൽഹി: മുത്തൂറ്റ്​ ഗ്രൂപ്​ ​െചയർമാൻ എം.ജി ജോർജ്​ മുത്തൂറ്റിന്‍റെ മരണം​ ഡൽഹിയിലെ സ്വന്തം വീട്ടിന്‍റെ നാലാം നിലയിൽനിന്ന്​ താഴേക്കുവീണ്​. വെള്ളിയാഴ്ച രാത്രി ഒമ്പതു മണിയോടെയാണ്​ കൈലാശിലെ വീടിന്‍റെ നാലാം നിലയിൽ നിന്ന്​ വീണു ഗുരുതരമായി പരിക്കേറ്റതെന്ന്​ ഇന്ത്യ ടുഡെ റിപ്പോർട്ട്​ ചെയ്​തു. ഉടൻ ഫോർടിസ്​ എസ്​കോർട്ട്​ ഹോസ്​പിറ്റലിലെത്തിച്ചെങ്കിലും ചികിത്സക്കിടെ മരണത്തിന്​ കീഴടങ്ങി. ​എയിംസിൽ നടത്തിയ പോസ്റ്റ്​മോർട്ടം റിപ്പോർട്ടിൽ അസ്വാഭാവികതകളില്ല.

രാജ്യത്തും പുറത്തും പടർന്നുപന്തലിച്ച വ്യവസായ സാമ്രാജ്യമായി മുത്തൂറ്റിനെ വളർത്തിയെടുക്കുന്നതിൽ നിർണായക പങ്കുവഹിച്ച 71കാരൻ ഡൽഹിയിലായിരുന്നു താമസം. 20 ഓളം മേഖലകളിൽ സാന്നിധ്യമുള്ള കമ്പനി സ്വർണ പണയ വായ്​പ, റിയൽ എസ്​റ്റേറ്റ്​, അടിസ്​ഥാന സൗകര്യ വികസനം, ഹോസ്​പിറ്റൽ, വിദ്യാഭ്യാസം തുടങ്ങിയ മേഖലകളിൽ വലിയ സാന്നിധ്യമാണ്​. ദക്ഷിണേന്ത്യയിൽ തുടങ്ങിയ വ്യവസായ സംരംഭത്തെ രാജ്യത്തോളവും പിന്നീട്​ പശ്​ചിമേഷ്യയിലും വളർത്തി വലുതാക്കിയ ജോർജ്​ മുത്തൂറ്റിന്‍റെ മരണം വ്യവസായ ലോകത്ത്​ ഞെട്ടലുണ്ടാക്കിയിരുന്നു.

2020ല്‍ ​ഇ​ന്ത്യ​ന്‍ ധ​നി​ക​രു​ടെ പ​ട്ടി​ക​യി​ല്‍ മ​ല​യാ​ളി​ക​ളി​ല്‍ ഒ​ന്നാം സ്ഥാ​ന​ത്ത് ജോ​ര്‍ജ് മു​ത്തൂ​റ്റ് ആ​യി​രു​ന്നു. 2011ല്‍ ​ഇ​ന്ത്യ​ന്‍ ധ​നി​ക​രു​ടെ ഫോ​ര്‍ബ്‌​സ് പ​ട്ടി​ക​യി​ല്‍ 50ാമ​തും 2019ല്‍ 44ാ​മ​തും എ​ത്തി.

1949ൽ കോഴഞ്ചേരിയിൽ ജനിച്ച അദ്ദേഹം വ​ര്‍ഷ​ങ്ങ​ളാ​യി ഡ​ല്‍ഹി​യി​ലാ​യി​രു​ന്നു താ​മ​സം. ഓ​ർ​ത്ത​ഡോ​ക്സ് സ​ഭ മു​ൻ ട്ര​സ്​​റ്റി​യാ​ണ്.

ഭാ​ര്യ സാ​റ ജോ​ര്‍ജ് മു​ത്തൂ​റ്റ് ന്യൂ​ഡ​ല്‍ഹി സെൻറ്​ ജോ​ര്‍ജ് സ്‌​കൂ​ള്‍ ഡ​യ​റ​ക്ട​റാ​ണ്. മ​ക്ക​ൾ: ജോ​ര്‍ജ് എം. ​ജോ​ര്‍ജ് (എ​ക്സി. ഡ​യ​റ​ക്ട​ർ, മു​ത്തൂ​റ്റ് ഗ്രൂ​പ്), അ​ല​ക്സാ​ണ്ട​ർ എം. ​ജോ​ർ​ജ് (മു​ത്തൂ​റ്റ് ഫി​നാ​ൻ​സ് ന്യൂ​ഡ​ൽ​ഹി ഡെ​പ്യൂ​ട്ടി എം.​ഡി). പ​രേ​ത​നാ​യ പോ​ൾ എം. ​ജോ​ർ​ജ്. മ​രു​മ​ക്ക​ൾ: തെ​രേ​സ, മെ​ഹി​ക.