മ​രി​യു​പോ​ളി​ൽ 700ലേ​റെ യു​ക്രെ​യ്ൻ സൈ​നി​ക​ർ കൂ​ടി കീ​ഴ​ട​ങ്ങി -​റ​ഷ്യ

കി​യ​വ്: 24 മ​ണി​ക്കൂ​റി​നി​ടെ മ​രി​യു​പോ​ളി​ലെ അ​സോ​വ്സ്റ്റാ​ൾ ഉ​രു​ക്കു ഫാ​ക്ട​റി​യി​ലെ 771 സൈ​നി​ക​ർ കൂ​ടി കീ​ഴ​ട​ങ്ങി​യ​താ​യി റ​ഷ്യ അ​വ​കാ​ശ​പ്പെ​ട്ടു. ഇ​തോ​ടെ ആ​യു​ധം​വെ​ച്ച് കീ​ഴ​ട​ങ്ങി​യ യു​ക്രെ​യ്ൻ സൈ​നി​ക​രു​ടെ എ​ണ്ണം 1700 ക​ട​ന്നു. പ​രി​ക്കേ​റ്റ സൈ​നി​ക​രെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​താ​യി റ​ഷ്യ അ​റി​യി​ച്ചു. അ​സോ​വ്സ്റ്റാ​ൾ ഉ​രു​ക്കു ഫാ​ക്ട​റി​യി​ൽ പ​രി​ക്കേ​റ്റ​വ​രു​ൾ​പ്പെ​ടെ നൂ​റു​ക​ണ​ക്കി​ന് യു​ക്രെ​യ്ൻ സൈ​നി​ക​ർ അ​വ​ശേ​ഷി​ക്കു​ന്ന​താ​യി റെ​ഡ്​ ക്രോ​സ് ചൂ​ണ്ടി​ക്കാ​ട്ടി. മാ​നു​ഷി​ക പ​രി​ഗ​ണ​ന മു​ൻ​നി​ർ​ത്തി റ​ഷ്യ-​യു​ക്രെ​യ്ൻ സൈ​നി​ക​രെ പ​ര​സ്പ​രം കൈ​മാ​റാ​നു​ള്ള നീ​ക്ക​വും ന​ട​ക്കു​ന്ന​താ​യി റെ​ഡ് ക്രോ​സ് അ​ധി​കൃ​ത​ർ വ്യ​ക്ത​മാ​ക്കി.

ഡൊ​ണേ​ട്സ്കി​ൽ ഷെ​ല്ലാ​ക്ര​മ​ണം രൂ​ക്ഷ​മാ​ണ്. ഇ​വി​ടെ സു​ര​ക്ഷി​ത താ​വ​ള​ങ്ങ​ളി​ല്ലെ​ന്ന് ഗ​വ​ർ​ണ​ർ പാ​വ്ലോ കി​രി​ലെ​ങ്കോ ടെ​ല​ഗ്രാം ചാ​ന​ൽ വ​ഴി അ​റി​യി​ച്ചു. സി​വി​ലി​യ​ന്മാ​ർ​ക്കു​നേ​രെ റ​ഷ്യ​ൻ സേ​ന വെ​ടി​യു​തി​ർ​ക്കു​ക​യാ​ണെ​ന്നും എ​ന്നാ​ൽ സ​മ​യ​ബ​ന്ധി​ത​മാ​യ ഇ​ട​പെ​ട​ലി​ലൂ​ടെ ഭൂ​രി​ഭാ​ഗം ആ​ളു​ക​ളെ​യും ഒ​ഴി​പ്പി​ക്കാ​ൻ സാ​ധി​ച്ച​താ​യും അ​ദ്ദേ​ഹം തു​ട​ർ​ന്നു.

ഭ​ക്ഷ്യ​ക്ഷാ​മം മ​റി​ക​ട​ക്കാ​നു​ള്ള വ​ഴി​തേ​ടു​ക​യാ​ണെ​ന്ന് യു.​എ​ൻ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സ് സൂ​ചി​പ്പി​ച്ചു. യു​ക്രെ​യ്ൻ വി​ഷ​യ​ത്തി​ൽ ലോ​കാ​രോ​ഗ്യ സം​ഘ​ട​ന മേ​ധാ​വി ടെ​​ഡ്രോ​സ് അ​ദാ​നോം ഗെ​ബ്രി​യേ​സസ് മു​തി​ർ​ന്ന റ​ഷ്യ​ൻ ന​യ​ത​ന്ത്ര പ്ര​തി​നി​ധി സെ​ർ​ജി ലാ​വ്റോ​വു​മാ​യി ച​ർ​ച്ച ന​ട​ത്തി.

റ​ഷ്യ​ൻ സൈ​നി​ക​ർ പൂ​ർ​ണ​മാ​യി രാ​ജ്യ​ത്തു​നി​ന്ന് പി​ന്മാ​റു​ന്ന​തു​വ​രെ ഒ​രു​ത​ര​ത്തി​ലു​ള്ള വെ​ടി​നി​ർ​ത്ത​ലും സ്വീ​കാ​ര്യ​മ​ല്ലെ​ന്ന് യു​ക്രെ​യ്ൻ പ്ര​സി​ഡ​ന്റി​ന്റെ വ​ക്താ​വ് മി​ഖെ​യ് ലോ ​പൊ​ഡോ​ലി​യാ​ക് അ​റി​യി​ച്ചു. റ​ഷ്യ​ൻ പ്ര​തി​നി​ധി​ക​ളു​മാ​യി ന​ട​ന്ന നി​ര​വ​ധി ച​ർ​ച്ച​ക​ളി​ൽ യു​ക്രെ​യ്നെ പ്ര​തി​നി​ധാ​നം​ചെ​യ്ത് ഇ​ദ്ദേ​ഹം പ​​ങ്കെ​ടു​ത്തി​രു​ന്നു.

റ​ഷ്യ​ൻ സൈ​ന്യം പ്രതിരോധത്തിൽ

യു​ക്രെ​യ്ൻ അ​ധി​നി​വേ​ശം പ​രാ​ജ​യ​ത്തി​ലേ​ക്കു​നീ​ങ്ങു​ന്ന സാ​ഹ​ച​ര്യ​ത്തി​ൽ റ​ഷ്യ​ൻ ഉ​ന്ന​ത സൈ​നി​ക ഉ​ദ്യോ​ഗ​സ്ഥ​ർ സ​മ്മ​ർ​ദ​ത്തി​ലാ​ണെ​ന്ന് ബ്രി​ട്ടീ​ഷ് സൈ​നി​ക അ​ധി​കൃ​ത​ർ വി​ല​യി​രു​ത്തി. ആ​ദ്യ​ഘ​ട്ട​ത്തി​ൽ നി​ര​വ​ധി ഉ​ന്ന​ത സൈ​നി​ക ഉ​ദ്യോ​ഗ​സ്ഥ​രെ റ​ഷ്യ പു​റ​ത്താ​ക്കി​യി​രു​ന്നു. ഖാ​ർ​കി​വ് കീ​ഴ​ട​ക്കു​ന്ന​തി​ൽ പ​രാ​ജ​യ​പ്പെ​ട്ട​തി​ന്റെ ഉ​ത്ത​ര​വാ​ദി​ത്തം ചു​മ​ത്തി ല​ഫ്. ജ​ന​റ​ൽ സെ​ർ​ഹി കി​സ​ലി​നെ​യും വൈ​സ് അ​ഡ്മി​റ​ൽ ഐ​ഗ​ർ ഒ​സി​പോ​വി​നെ​യും റ​ഷ്യ പു​റ​ത്താ​ക്കി​യി​രു​ന്നു. നി​ല​വി​ൽ ചീ​ഫ് ഓ​ഫ് ജ​ന​റ​ൽ സ്റ്റാ​ഫ് വ​ലേ​റി ജെ​റ​സി​മോ​വി​ന് റ​ഷ്യ​ൻ പ്ര​സി​ഡ​ന്റ് ​വ്ലാ​ദി​മി​ർ പു​ടി​ന്റെ വി​ശ്വാ​സം വീ​ണ്ടെ​ടു​ക്കാ​ൻ സാ​ധി​ച്ചി​ട്ടു​ണ്ടോ എ​ന്ന​തി​ലും വ്യ​ക്ത​ത​യി​ല്ല.

അ​തി​നി​ടെ, യു​ക്രെ​യ്ന് കൂ​ടു​ത​ൽ ആ​യു​ധം ന​ൽ​കി​യ ജ​ർ​മ​നി​യു​ടെ തീ​രു​മാ​നം ചാ​ൻ​സ​ല​ർ ഒ​ലാ​ഫ് ഷോ​ൾ​സ് ന്യാ​യീ​ക​രി​ച്ചു. പ്ര​തി​രോ​ധ​ത്തി​നാ​യി ആ​യു​ധ​ങ്ങ​ൾ ന​ൽ​കി​യ​ത് യു​ക്രെ​യ്നി​ലെ സം​ഘ​ർ​ഷം തീ​വ്ര​മാ​ക്കി​ല്ലെ​ന്നും അ​ദ്ദേ​ഹം പ​റ​ഞ്ഞു.