ട്രംപ് പറഞ്ഞ വെടിനിർത്തൽ എവിടെ? ഇസ്രായേൽ ഗസ്സയിൽ ഇന്നും കൊലപ്പെടുത്തി 43 പേരെ

ഗസ്സ സിറ്റി: ഗസ്സയിൽ വെടിനിർത്തലിന് ധാരണയായെന്ന് യു.എസ് പ്രസിഡന്‍റ് ഡോണൾഡ് ട്രംപ് അവകാശപ്പെടുമ്പോഴും കൂട്ടക്കുരുതി തുടർന്ന് ഇസ്രായേൽ സൈന്യം. ഇന്ന് രാവിലെ മുതൽ വിവിധയിടങ്ങളിലായി 43 പേരെയാണ് ഇസ്രായേൽ സൈന്യം കൊലപ്പെടുത്തിയതെന്ന് ആശുപത്രി വൃത്തങ്ങളെ ഉദ്ധരിച്ച് അൽജസീറ റിപ്പോർട്ട് ചെയ്യുന്നു. കഴിഞ്ഞ 48 മണിക്കൂറിനിടെ കുറഞ്ഞത് 250 പേരെങ്കിലും കൊല്ലപ്പെട്ടിട്ടുണ്ട്. ഇതിൽ നിരവധി പേരെ കൊലപ്പെടുത്തിയത് ഇസ്രായേലിന്‍റെയും യു.എസിന്‍റെയും നേതൃത്വത്തിലുള്ള സഹായ വിതരണ ഏജൻസിയായ ഗസ്സ ഹ്യുമാനിറ്റേറിയൻ ഫൗണ്ടേഷനിൽ (ജി.എച്ച്.എഫ്) സഹായം കാത്തുനിൽക്കുന്നതിനിടെയാണ്.

ഗസ്സയിൽ 60 ദിവസത്തെ വെടിനിർത്തലിന്റെ അന്തിമ നിർദേശം ഇസ്രായേൽ അംഗീകരിച്ചതായാണ് ഡോണൾഡ് ട്രംപ് നേരത്തെ അവകാശപ്പെട്ടത്. നിർദേശങ്ങൾ ഹമാസ് അംഗീകരിക്കുന്നതോടെ ഗസ്സയിൽ താത്ക്കാലിക വെടിനിർത്തൽ നിലവിൽ വരുമെന്നും ട്രംപ് പ്രഖ്യാപിച്ചിരുന്നു.

'എന്റെ പ്രതിനിധികൾ ഇസ്രായേൽ ഉദ്യോഗസ്ഥരുമായി ചർച്ച നടത്തിയിട്ടുണ്ട്. ചർച്ചയുടെ ഭാഗമായി ഇസ്രായേൽ 60 ദിവസത്തെ വെടിനിർത്തൽ അംഗീകരിച്ചിട്ടുണ്ട്. സമാധാനം നിലനിർത്താൻ ഖത്തറും ഈജിപ്തും ശക്തമായി പ്രവർത്തിച്ചതിനാൽ പശ്ചിമേഷ്യൻ രാജ്യങ്ങൾക്ക് ഇതൊരു നല്ല തീരുമാനമാണ്. നിർദേശം ഹമാസ് കൂടെ അംഗീകരിക്കുന്നതോടെ ഗസ്സയിൽ വെടിനിർത്തൽ പ്രാബല്യത്തിൽ വരും' -ട്രംപ് പറഞ്ഞു.

ഗസ്സയിൽ പലയിടത്തും ഇസ്രായേൽ ബോംബാക്രമണം തുടരുകയാണ്. മാസങ്ങൾ നീണ്ട പലായനത്തിനൊടുവിൽ വെടിനിർത്തൽ നിലവിൽ വന്നപ്പോൾ തിരികെയെത്തിയ ജനങ്ങളോടാണ് വീണ്ടും പലായനത്തിന് ഉത്തരവിട്ടിരിക്കുന്നത്. വ​ട​ക്ക​ൻ ഗ​സ്സ​യി​​​ൽ​നി​ന്നും മ​ധ്യ ഗ​സ്സ​യി​ൽ​നി​ന്നും വീ​ടു​വി​ട്ടു​പോ​കാ​നാണ് ഇസ്രായേലിന്‍റെ മുന്നറിയിപ്പ്. എ​ല്ലാ​വ​രും തെ​ക്ക​ൻ ഗ​സ്സ​യി​ലെ അ​ൽ​മ​വാ​സി​യി​ലേ​ക്ക് നാ​ടു​വി​ട​ണ​മെ​ന്നു​മാ​ണ് അ​ന്ത്യ​ശാ​സ​നം.

അതിനിടെ, ഗ​സ്സ​യി​ൽ യു.​എ​ൻ ഏ​ജ​ൻ​സി​യെ നി​രോ​ധി​ച്ച് പ​ക​രം യു.​എ​സ് പി​ന്തു​ണ​യോ​ടെ ഇ​സ്രാ​യേ​ൽ ഏ​ർ​പ്പെ​ടു​ത്തി​യ ഭ​ക്ഷ​ണ വി​ത​ര​ണ ഏ​ജ​ൻ​സി​യാ​യ ഗ​സ്സ ഹ്യു​മാ​നി​റ്റേ​റി​യ​ൻ ഫൗ​ണ്ടേ​ഷ​ൻ പൂ​ട്ട​ണ​മെ​ന്ന ആ​വ​ശ്യ​വു​മാ​യി 130ലേ​റെ സ​ന്ന​ദ്ധ സം​ഘ​ട​ന​ക​ൾ രം​ഗ​ത്തെത്തിയിട്ടുണ്ട്. ഒ​രു മാ​സ​ത്തി​നി​ടെ ജി.​എ​ച്ച്.​എ​ഫ് കേ​ന്ദ്ര​ങ്ങ​ളി​​ൽ ഭ​ക്ഷ​ണം തേ​ടി​യെ​ത്തി​യ 500ലേ​റെ ഫ​ല​സ്തീ​നി​ക​ളെ​യാ​ണ് ഇ​സ്രാ​യേ​ൽ സേ​ന കൊ​ല​പ്പെ​ടു​ത്തി​യ​ത്.

ഭ​ക്ഷ​ണ​ത്തി​നാ​യി വ​രി​നി​ൽ​ക്കു​ന്ന കു​രു​ന്നു​ക​ളെ​യ​ട​ക്കം ഇ​സ്രാ​യേ​ൽ സേ​ന പ​തി​വാ​യി വെ​ടി​വെ​ച്ചു​കൊ​ല്ലു​ന്ന​ത് തു​ട​രു​ക​യാ​ണെ​ന്ന് ആം​നെ​സ്റ്റി, ഓ​ക്സ്ഫാം, സേ​വ് ദ ​ചി​ൽ​ഡ്ര​ൻ ഉ​ൾ​പ്പെ​ടെ​യു​ള്ള സം​ഘ​ട​ന​ക​ൾ കു​റ്റ​പ്പെ​ടു​ത്തി. 400 ഭ​ക്ഷ്യ വി​ത​ര​ണ കേ​ന്ദ്ര​ങ്ങ​ൾ പൂ​ട്ടി പ​ക​രം മേ​യ് 26നാ​ണ് ജി.​എ​ച്ച്.​എ​ഫ് നാ​ല് കേ​ന്ദ്ര​ങ്ങ​ൾ ഗ​സ്സ​യി​ൽ ഭ​ക്ഷ​ണ വി​ത​ര​ണം ഏ​റ്റെ​ടു​ത്ത​ത്. മാ​നു​ഷി​ക സ​ഹാ​യ​ത്തി​ന്റെ എ​ല്ലാ ച​ട്ട​ങ്ങ​ളും ലം​ഘി​ച്ചാ​ണ് ഈ ​കേ​ന്ദ്ര​ങ്ങ​ൾ പ്ര​വ​ർ​ത്തി​ക്കു​ന്ന​തെ​ന്ന് സം​ഘ​ട​ന​ക​ൾ പ​റ​യു​ന്നു.