ഫലസ്തീൻ വിദ്യാർഥി യു.എസിൽ അറസ്റ്റിൽ

വാ​ഷി​ങ്ട​ൺ: കൊ​ളം​ബി​യ യൂ​നി​വേ​ഴ്സി​റ്റി കാ​മ്പ​സി​ൽ ഫ​ല​സ്തീ​ൻ ​അ​നു​കൂ​ല പ്ര​തി​ഷേ​ധ​ത്തി​ന് നേ​തൃ​ത്വം ന​ൽ​കി​യ വി​ദ്യാ​ർ​ഥി​യെ യു.​എ​സ് ഇ​മി​ഗ്രേ​ഷ​ൻ, ക​സ്റ്റം​സ് എ​ൻ​ഫോ​ഴ്‌​സ്‌​മെ​ന്റ് ​അ​റ​സ്റ്റ് ചെ​യ്തു. യു.​എ​സി​ൽ നി​യ​മ​പ​ര​മാ​യി സ്ഥി​ര താ​മ​സ​ക്കാ​ര​നാ​യ ഫ​ല​സ്തീ​ൻ വം​ശ​ജ​ൻ മു​ഹ്സി​ൻ മ​ഹ്ദാ​വി​യെ​യാ​ണ് അ​റ​സ്റ്റ് ചെ​യ്ത​ത്.

മു​ഹ്സി​ൻ നി​ല​വി​ൽ എ​വി​ടെ​യാ​ണെ​ന്ന് അ​റി​യി​ല്ലെ​ന്ന് അ​ദ്ദേ​ഹ​ത്തി​ന്റെ അ​ഭി​ഭാ​ഷ​ക ലൂ​ണ ഡ്രൂ​ബി പ​റ​ഞ്ഞു. എ​ന്നാ​ൽ, അ​ദ്ദേ​ഹ​ത്തെ നാ​ടു​ക​ട​ത്തു​ന്ന​ത് ത​ട​യ​ണ​മെ​ന്ന് ആ​വ​ശ്യ​പ്പെ​ട്ട് ഫെ​ഡ​റ​ൽ കോ​ട​തി​യി​ൽ ഹ​ര​ജി ന​ൽ​കി​യ​താ​യും അ​വ​ർ അ​റി​യി​ച്ചു. ഫ​ല​സ്തീ​ൻ വം​ശ​ജ​നാ​യ​തി​ന്റെ​യും ഫ​ല​സ്തീ​നു​വേ​ണ്ടി വാ​ദി​ച്ച​തി​ന്റെ​യും പേ​രി​ൽ പ്ര​തി​കാ​ര ന​ട​പ​ടി​യു​ടെ ഭാ​ഗ​മാ​യാ​ണ് ട്രം​പ് ഭ​ര​ണ​കൂ​ടം മു​ഹ്സി​നെ അ​റ​സ്റ്റ് ചെ​യ്ത​ത്. ഫ​ല​സ്തീ​നി​ലെ അ​തി​ക്ര​മ​ങ്ങ​ൾ​ക്കെ​തി​രെ സം​സാ​രി​ക്കു​ന്ന​വ​രെ നി​ശ​ബ്ദ​രാ​ക്കാ​നു​ള്ള നീ​ക്ക​മാ​ണി​ത്. ഭ​ര​ണ​ഘ​ട​നാ വി​രു​ദ്ധ​വു​മാ​യ ന​ട​പ​ടി​യാ​ണെ​ന്നും ലൂ​ണ പ​റ​ഞ്ഞു.

വെ​സ്റ്റ് ബാ​ങ്കി​ലെ അ​ഭ​യാ​ർ​ഥി ക്യാ​മ്പി​ൽ ജ​നി​ച്ച മു​ഹ്സി​ൻ 2014ലാ​ണ് യു.​എ​സി​ലെ​ത്തി​യ​ത്. കൊ​ളം​ബി​യ യൂ​നി​വേ​ഴ്സി​റ്റി​യി​ൽ ബി​രു​ദ പ​ഠ​നം പൂ​ർ​ത്തി​യാ​ക്കി​യ ശേഷം തു​ട​ർ​പ​ഠ​ന​ത്തി​ന് ശ്ര​മി​ക്കു​ന്ന​തി​നി​ടെ​യാ​ണ് അ​റ​സ്റ്റ്. യു.​എ​സ് ഇ​മി​ഗ്രേ​ഷ​ൻ വ​കു​പ്പ് നേ​ര​ത്തേ അ​റ​സ്റ്റ് ചെ​യ്ത മ​ഹ​മൂ​ദ് ഖ​ലീ​ലി​നൊ​പ്പം ചേ​ർ​ന്ന് കൊ​ളം​ബി​യ യൂ​നി​വേ​ഴ്സി​റ്റി​യി​ൽ ഫ​ല​സ്തീ​ൻ സ്റ്റു​ഡ​ൻ​ഡ് യൂ​നി​യ​ൻ രൂ​പ​വ​ത്ക​രി​ച്ചി​രു​ന്നു മുഹ്സിൻ.

ഫലസ്തീൻ അനുകൂല പ്രതിഷേധം: ഹാർവാഡ് സർവകലാശാല ഫണ്ട് റദ്ദാക്കി ട്രംപ്

ന്യൂ​യോ​ർ​ക്: പ്ര​ശ​സ്ത​മാ​യ ഹാ​ർ​വാ​ഡ് സ​ർ​വ​ക​ലാ​ശാ​ല​ക്കെ​തി​രെ ക​ടു​ത്ത ന​ട​പ​ടി​യു​മാ​യി യു.​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ്. സ​ർ​വ​ക​ലാ​ശാ​ല​ക്ക് ന​ൽ​കി​യി​രു​ന്ന 220 കോ​ടി ഡോ​ള​റി​ന്‍റെ സാ​മ്പ​ത്തി​ക സ​ഹാ​യം സ​ർ​ക്കാ​ർ മ​ര​വി​പ്പി​ച്ചു. കാ​മ്പ​സി​ൽ വി​ദ്യാ​ർ​ഥി പ്ര​തി​ഷേ​ധ​ങ്ങ​ൾ അ​നു​വ​ദി​ക്ക​രു​തെ​ന്ന ഭ​ര​ണ​കൂ​ട നി​ർ​ദേ​ശം സ​ർ​വ​ക​ലാ​ശാ​ല ത​ള്ളി​യ​തി​നു പി​ന്നാ​ലെ​യാ​ണ് ന​ട​പ​ടി.

കൂ​ടാ​തെ, സ​ർ​വ​ക​ലാ​ശാ​ല​ക്ക് ന​ൽ​കി​യി​രു​ന്ന 60 ദ​ശ​ല​ക്ഷം ഡോ​ള​റി​ന്‍റെ ക​രാ​റും താ​ൽ​ക്കാ​ലി​ക​മാ​യി മ​ര​വി​പ്പി​ച്ചി​ട്ടു​ണ്ട്. കാ​മ്പ​സ് പ്ര​തി​ഷേ​ധ​ങ്ങ​ൾ​ക്ക് നി​യ​ന്ത്ര​ണം ഏ​ർ​പ്പെ​ടു​ത്ത​ണ​മെ​ന്ന് ആ​വ​ശ്യ​പ്പെ​ട്ട് ക​ഴി​ഞ്ഞ ദി​വ​സം സ​ർ​വ​ക​ലാ​ശാ​ല​ക്ക് ഭ​ര​ണ​കൂ​ടം ക​ത്ത് ന​ൽ​കി​യി​രു​ന്നു. ഫ​ല​സ്തീ​ൻ അ​നു​കൂ​ല പ്ര​തി​ഷേ​ധ​ങ്ങ​ളു​ടെ പ​ശ്ചാ​ത്ത​ല​ത്തി​ലാ‍യി​രു​ന്നു ഉ​ത്ത​ര​വ്. കാ​മ്പ​സി​ൽ മു​ഖാ​വ​ര​ണം അ​നു​വ​ദി​ക്ക​രു​ത്, വി​ദ്യാ​ർ​ഥി​ക​ളെ​യും ജീ​വ​ന​ക്കാ​രെ​യും ഓ​ഡി​റ്റി​ങ്ങി​ന് വി​ധേ​യ​മാ​ക്ക​ണം, മെ​റി​റ്റ് അ​ടി​സ്ഥാ​ന​മാ​ക്കി പ്ര​വേ​ശം അ​നു​വ​ദി​ക്ക​ണം തു​ട​ങ്ങി​യ നി​ർ​ദേ​ശ​ങ്ങ​ളും മു​ന്നോ​ട്ടു​വെ​ച്ചി​രു​ന്നു.

സ​ർ​ക്കാ​ർ നീ​ക്കം സ​ർ​വ​ക​ലാ​ശാ​ല​യു​ടെ അ​ധി​കാ​ര​ത്തി​ന്മേ​ലു​ള്ള ക​ട​ന്നു​ക​യ​റ്റ​വും അ​വ​കാ​ശ ലം​ഘ​ന​വു​മാ​ണെ​ന്നും ഹാ​ർ​വാ​ഡ് പ്ര​സി​ഡ​ന്‍റ് അ​ല​ൻ ഗാ​ർ​ബ​ർ പ്ര​തി​ക​രി​ച്ചു. സ​ർ​വ​ക​ലാ​ശാ​ല​യു​ടെ സ്വ​യം​ഭ​ര​ണ​ത്തി​ലും ഭ​ര​ണ​ഘ​ട​ന അ​വ​കാ​ശ​ത്തി​ലും വി​ട്ടു​വീ​ഴ്ച ചെ​യ്യി​ല്ലെ​ന്നും അ​ല​ൻ വ്യ​ക്ത​മാ​ക്കി. കാ​മ്പ​സി​ൽ ജൂ​ത​വി​രു​ദ്ധ​ത അ​വ​സാ​നി​പ്പി​ക്കാ​ൻ ന​ട​പ​ടി സ്വീ​ക​രി​ച്ചി​ട്ടു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.