എലിയെ പേടിച്ച്​ ആസ്​ട്രേലിയ; കടുംകൈ പ്രയോഗിക്കാനൊരുങ്ങി രാജ്യം

സിഡ്​നി: ശല്യം രൂക്ഷമാ​യതോടെ എലികളുമായി യുദ്ധം പ്രഖ്യാപിച്ച്​ ആസ്​ട്രേലിയ. എലിശല്യം രൂക്ഷമാ​യതോടെ വിഷം നൽകാൻ തീരുമാനിച്ചിരിക്കുകയാണ്​ ന്യൂസൗത്ത്​ വെയിൽസ്​ സംസ്​ഥാനം.

മാസങ്ങളായി നിരവധി വീടുകളും വിളകളും നശിപ്പിച്ചുകൊണ്ടിരുക്കുകയാണ്​ എലികൾ ഇവിടെ. തെക്കൻ വിക്​ടോറിയ അതിർത്തി മുതൽ കിഴക്കൻ ആസ്​ട്രേലിയ വരെയുള്ള പ്രദേശങ്ങൾ എലികൾ കൈയേറിയിരുന്നു. ദശലക്ഷങ്ങളുടെ​ കൃഷി നാശവും മറ്റു മെഷിനറികളും എലികൾ നശിപ്പിച്ചിരുന്നു. ശൈത്യകാലം അടുത്തതോടെ, ഭക്ഷണം തേടി എലികൾ വീടുകൾ വരെ കൈയേറി തുടങ്ങിയിരുന്നു.

ചത്ത എലികളെയും അവയുടെ വിസർജ്യങ്ങളും എടുത്തുമാറ്റാൻ പണം കൊടുത്ത്​ വീട്ടിൽ ആളുകളെ ​ജോലിക്ക്​ നിർത്തിയിരിക്കുകയാണ്​ പലരും. കാനോവിദ്രയിലെ ഒരു വീട്ടിൽനിന്ന്​ നാലു ദിവസമെടുത്താണ്​ ചത്ത എലികളെയും വിസർജ്യവും നീക്കം ചെയ്​തതെന്ന്​ ശുചീകരണ തൊഴിലാളിയായ ഹോഡ്ജെ പറയുന്നു. വീടുകളുടെ അടുക്കളയിലും കുട്ടികളുടെ മുറികളിലും കിടക്കകളിൽ പോലും എലി വിസർജ്യമാണെന്നും അവർ പറയുന്നു. ഹോഡ്​ജെയുടെ സ്വന്തം വീട്ടിൽ എലിശല്യമുണ്ടെങ്കിലും വീടി​െൻറ ചുറ്റിലും കെണിയൊരുക്കി എലിയെ കൊല്ലുകയാണ്​ അവർ.

ചത്ത എലികൾ മാത്രമാണ്​ നല്ല​െതന്ന്​ കഴിഞ്ഞദിവസം ആസ്​ട്രേലിയൻ ഡെപ്യൂട്ടി പ്രൈം മിനിസ്​റ്റർ പറഞ്ഞിരുന്നു. എലിശല്യം കൊണ്ട്​ ജനങ്ങളു​ം ഭരണാധകാരികളും പൊറുതി മുട്ടിയതോടെയായിരുന്നു പ്രസ്​താവന. കൂടാതെ എലിശല്യം മൂലം പകർച്ച വ്യാധികളും വ്യാപകമായിരുന്നു.

അതേസമയം, എലികളെ നേരിടാൻ പുതിയ മാർഗം തേടുകയാണ്​ ന്യൂ സൗത്ത്​വെയിൽസ്​. എലികളെ നശിപ്പിക്കാൻ വിഷപ്രയോഗം നടത്താൻ ഒരുങ്ങുകയാണ്​ ഇവിടെ. അതിനായി ലോകത്തെ ഏറ്റവും വീര്യം കൂടിയ എലിയെ കൊല്ലുന്ന വിഷം 5000 ലിറ്റർ ശേഖരിക്കുകയും ചെയ്​തു.

എലിശല്യം രൂക്ഷമാണെങ്കിലും ചിലർ തീരുമാനത്തെ എതിർത്ത്​ രംഗത്തെത്തി. വിഷപ്രയോഗത്തിലൂടെ തങ്ങളുടെ വിളകൾക്കും മണ്ണിനും നാശം വരുത്തുമെന്നും മൃഗങ്ങളെയും മനുഷ്യരെയും വിഷം കൊല്ലുമെന്നുമാണ്​ ഇവരുടെ പ്രതികരണം.

ആസ്​ട്രേലിയയിലെ എലിശല്യം വ്യക്തമാക്കുന്ന നിരവധി വിഡിയോകൾ ഇതിനോടകം പുറത്തുവന്നിരുന്നു. എലികൾ ധാന്യപ്പുരകളിലും ഫാക്​ടറികളിലും ഒാടിനക്കുന്നതും വിഡിയോയിൽ കാണാം. കൂടാതെ എലികളെ കൊന്നൊടുക്കുന്നതി​െൻറ വിഡിയോകളും പുറത്തുവന്നിരുന്നു. എലികൾ വരുത്തിവെച്ച നാശനഷ്​ടങ്ങൾക്ക്​ നഷ്​ടപരിഹാരം നൽകണമെന്ന ആവശ്യവുമായി കർഷകർ രംഗത്തെത്തിയിരുന്നു. തുടർന്ന്​ പാക്കേജുകൾ പ്രഖ്യാപിക്കുകയും ചെയ്​തിരുന്നു.