ആസ്ട്രേലിയയിൽ ദശലക്ഷക്കണക്കിന് മത്സ്യങ്ങൾ ചത്തടിഞ്ഞു

സിഡ്നി: ആസ്ട്രേലിയയിൽ ന്യൂ സൗത്ത് വെയിൽസിലെ ഡാർലിങ് നദിയിൽ ദശലക്ഷക്കണക്കിന് മത്സ്യം ചത്തടിഞ്ഞു. നീരൊഴുക്ക് കുറഞ്ഞത്, ജലത്തിന്റെ മോശം ഗുണനിലവാരം, പെട്ടെന്നുള്ള താപനില വ്യതിയാനങ്ങൾ എന്നിവയാണ് കാരണമായി വിലയിരുത്തുന്നത്.

2018ലും 2019ലും പ്രദേശത്ത് ലക്ഷക്കണക്കിന് മത്സ്യം ചത്തടിഞ്ഞിരുന്നു. വെള്ളം വറ്റിയതും വ്യാപിച്ച വിഷപ്പായലുമാണ് കാരണമെന്ന് സർക്കാർ ഫിഷറീസ് വക്താവ് കാമറൂൺ ലേ പറഞ്ഞു.