യു.എസ്​ സ്​റ്റേറ്റ്​ സെക്രട്ടറി മൈക്ക്​ പോംപിയോയും പ്രതിരോധ സെക്രട്ടറിയും ഇന്ത്യയിലേക്ക്​

വാഷിങ്​ടൺ: ചൈനയുടെ തന്ത്രപരമായ വെല്ലുവിളിയെ നേരിടാൻ ഇന്ത്യ- അമേരിക്ക ബന്ധം ശക്തിപ്പെടുത്തുന്നതി​െൻറ ഭാഗമായി യു.എസ്​ സ്റ്റേറ്റ് സെക്രട്ടറി മൈക്ക് പോംപിയോയും പ്രതിരോധ സെക്രട്ടറി മാർക്ക് എസ്പറും അടുത്ത ആഴ്​ച ഇന്ത്യയിൽ എത്തുന്നു.

ഇന്തോ-പസഫിക് മേഖലയിലെ ഏറ്റവും നല്ല പങ്കാളിയാണ്​ ഇന്ത്യയെന്നും ഉഭയകക്ഷി ബന്ധം ശക്തിപ്പെടുത്തുന്നതി​െൻറ ഭാഗമായാണ്​ സന്ദർശനമെന്നും മാർക്ക്​ എസ്പർ അറിയിച്ചു.

പഴയ സഖ്യങ്ങൾ ശക്തിപ്പെടുത്തുന്നതിനും സ്വയം ആഗോള ശക്തികളെന്ന്​ വിശേഷിപ്പിച്ച്​ സഖ്യങ്ങൾ ഉണ്ടാക്കുന്നതിനുള്ള റഷ്യൻ, ചൈനീസ് ശ്രമങ്ങൾക്കെതിരെ പുതിയ നീക്കങ്ങൾ നടത്തുന്നതി​​െൻറയും ഭാഗമായാണ്​ തൻെറ ഇന്ത്യ സന്ദർശനമെന്ന് എസ്​പർ പറഞ്ഞു.

ന്യൂഡൽഹിയിൽ നടന്ന ചർച്ചകളിൽ ഇരുരാജ്യങ്ങളും തമ്മിലുള്ള രഹസ്യാന്വേഷണ പങ്കാളിത്തം വർധിപ്പിക്കുന്നതും വിഷയമാകും.കഴിഞ്ഞ മാസം ഇരു രാജ്യങ്ങളും തമ്മിൽ സൈബർ പ്രതിരോധ ചർച്ചകൾ ആരംഭിച്ചതായി എസ്പർ പറഞ്ഞു.

ലഡാക്ക്​ അതിർത്തിയിൽ ചൈനയും ഇന്ത്യയുമായി തർക്കം തുടരരുന്നതിനിടയയിലാണ്​ യു.എസ്​ പ്രതിനിധികൾ കൂടിക്കാഴ്​ചക്കെത്തുന്നത്​ എന്നതും ശ്രദ്ധേയയമാണ്​.

ഇന്ത്യ ലോകത്തിലെ ഏറ്റവും വലിയ ജനാധിപത്യ രാജ്യമാണ്​. കഴിവുള്ള ആളുകളുള്ള പ്രാപ്​തിയുള്ള രാജ്യമാണ്. എന്നാൽ അവർ നിരന്തരം ഹിമാലയ അതിർത്തിയിൽ വെച്ച്​ ചൈനീസ് ആക്രമണത്തെ നേരിടുന്നു- എസ്പർ പറഞ്ഞു.

അടുത്ത മാസം ഇന്ത്യയുടെ തീരത്ത് ഒരു വലിയ ഇന്ത്യ, അമേരിക്ക, ജപ്പാൻ എന്നിവരുമായി ചേർന്ന്​ വൻ സൈനികാഭ്യാസം നടത്തുമെന്ന്​ ഓസ്ട്രേലിയ പ്രഖ്യാപിച്ച സാഹചര്യത്തിലാണ്​ എസ്പറിൻെറ അഭിപ്രായ പ്രകടനം.

കഴിഞ്ഞ നവംബറിൽ അമേരിക്ക ഇന്ത്യയുമായി ആദ്യമായി വ്യോമ-നാവിക-കരസേന സംയുക്ത പരിശീലനം നടത്തിയിരുന്നു. ജൂലൈയിൽ വിമാനവാഹിനിക്കപ്പലായ എസ്‌.യു‌.എസ് നിമിറ്റ്‌സും ഇന്ത്യ നാവികസേനയുമായി അഭ്യാസങ്ങൾ നടത്തിയിരുന്നു.