മെക്​സികോയിൽ വീണ്ടും മയക്കുമരുന്ന്​ സംഘങ്ങളുടെ ഏറ്റുമുട്ടൽ; 18 പേർ കൊല്ലപ്പെട്ടു

മെക്​സികോസിറ്റി: മെക്​സികോയിൽ മയക്കുമരുന്ന്​ സംഘങ്ങൾ തമ്മിലുണ്ടായ വെടിവെപ്പിൽ 18 പേർ കൊല്ലപ്പെട്ടു. വടക്കു പടിഞ്ഞാറൻ സംസ്ഥാനമായ സകാറ്റസിലാണ്​ വെടിവെപ്പുണ്ടായതെന്ന്​ സർക്കാർ വക്​താവ്​ റോകിയോ അഗുലാർ പറഞ്ഞു. മേഖലയിലെ മേധാവിത്വത്തിന്​ വേണ്ടി ഇരു സംഘങ്ങൾ തമ്മിൽ നടത്തിയ വെടിവെപ്പിനിടെയായിരുന്നു കൊലപാതകങ്ങളെന്നും അവർ പറഞ്ഞു.

സിനാലോ, ജാലിസോ എന്നീ സ്ഥലങ്ങളിലെ രണ്ട്​ മയക്കുമരുന്ന്​ സംഘങ്ങൾ തമ്മിലുള്ള വെടിവെപ്പിലാണ്​ 18 പേർക്ക്​ ജീവൻ നഷ്​ടമായത്​. 2006ന്​ ശേഷം മെക്​സികോയിൽ മയക്കുമരുന്നുമായി ബന്ധപ്പെട്ട്​ നടന്ന അക്രമങ്ങളിൽ 300,000 പേർക്ക്​ ജീവൻ നഷ്​ടമായിട്ടുണ്ട്​. മയക്കുമരുന്ന്​ സംഘങ്ങൾ തമ്മിലുള്ള പോരാട്ടം തടയാൻ സൈന്യത്തെ വിന്യസിച്ചിട്ടു​ണ്ടെങ്കിലും പലപ്പോഴും അവർക്കും ആക്രമണങ്ങൾ തടയാൻ സാധിക്കാറില്ല.