37 വർഷം മുമ്പ്​ കുപ്പിയിലടച്ച്​ കടലിലൊഴുക്കിയ സന്ദേശം കിട്ടി

ടോക്യോ: 37 വർഷംമുമ്പ്​ ജപ്പാനിലെ ഹൈസ്​കൂൾ വിദ്യാർഥികൾ സന്ദേശമെഴുതി കുപ്പികളിലാക്കി കടലിലൊഴുക്കി. 6000 കി.മീ. അകലെ അമേരിക്കയുടെ നിയന്ത്രണത്തിലുള്ള ഹവായിയിൽ നിന്ന്​ ഇപ്പോൾ അതിലൊന്ന്​ കണ്ടെടുത്തിരിക്കുന്നു. 51ാമത്തെ കുപ്പിയാണ്​​ ഇക്കഴിഞ്ഞ ജൂണിൽ​ ഹവായിയിലെ ഒമ്പതാംക്ലാസുകാരി കണ്ടെത്തിയത്​.50ാമത്തെ കുപ്പി 2002ൽ ജപ്പാനിൽനിന്നുതന്നെ കണ്ടെത്തിയിരുന്നു.

പോസ്​റ്റ്​കാർഡ്​ വലുപ്പത്തിലുള്ള കടലാസിലെഴുതിയ സന്ദേശം ഇപ്പോഴും വായിക്കാൻ കഴിയും. ചോഷി ഹൈസ്​കൂളിലെ നാച്വറൽ ക്ലബ്​ സയൻസ്​ വിദ്യാർഥികളാണ്​ 1984നും 1985നുമിടെ കടലിലെ അടിയൊഴുക്കിനെക്കുറിച്ച്​ അന്വേഷിക്കണമെന്നാവശ്യപ്പെട്ട്​ 750 കുപ്പികളിൽ സന്ദേശമെഴുതി ഒഴുക്കിയത്​. ഇംഗ്ലീഷ്​, ജാപ്പനീസ്​, പോർചുഗീസ്​ ഭാഷകളിലാണ്​ സന്ദേശമെഴുതിയത്​.