Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Newschevron_rightകിഡ്​നി...

കിഡ്​നി വിറ്റിട്ടാണേലും​ ഐഫോൺ വാങ്ങണം എന്ന്​ പറയുന്നവർ അറിയണം ഈ ചൈനീസ്​ യുവാവിൻെറ കഥ

text_fields
bookmark_border
കിഡ്​നി വിറ്റിട്ടാണേലും​ ഐഫോൺ വാങ്ങണം എന്ന്​ പറയുന്നവർ അറിയണം ഈ ചൈനീസ്​ യുവാവിൻെറ കഥ
cancel
camera_alt

കടപ്പാട്​: AsiaWire

ബെയ്​ജിങ്​: ആപ്പിൾ കമ്പനി ഓരോ വർഷവും അവരുടെ പുതിയ ഉൽപന്നങ്ങൾ വിപണിയിലെത്തിക്കു​േമ്പാൾ സാധാരണക്കാരായ ആളുകൾ തമാശയായി പറയുന്ന ഒരു കാര്യമുണ്ട്​. എനിക്കൊക്കെ കിഡ്​നി വിറ്റാൽ മാത്രമേ ആപ്പിൾ ഐഫോൺ​ വാങ്ങാൻ സാധിക്കുള്ളൂ എന്ന്​. എന്നാൽ 2011ൽ ഇക്കാര്യം പ്രാവർത്തികമാക്കിയ ഒരാളുണ്ട്​ ചൈനയിൽ. ഐ ഫോൺ4ഉം ഐപാഡ്​ 2ഉം വാങ്ങാനായാണ്​ 2011ൽ 17കാരനായിരുന്ന വാങ്​ ഷാങ്​കു തൻെറ കിഡ്​നി വിറ്റത്​.

ദൗർഭാഗ്യകരമെന്ന്​ പറയ​ട്ടേ ഡയാലിസിസ്​ മെഷീൻെറ സഹായത്തോടെയാണ്​ ഇയാൾ ഇപ്പോൾ ജീവിക്കുന്നത്​. നിർധന കുടുംബത്തിൽ ജനിച്ച യുവാവ്​ തൻെറ കൂട്ടുകാരുടെ മുമ്പിൽ ആളാവാൻ വേണ്ടിയാണ്​ കിഡ്​നി വിറ്റ്​ ഐ ഫോൺ വാങ്ങിയത്​.

ശസ്​ത്രക്രിയ കഴിഞ്ഞ്​ മാസങ്ങൾ മാത്രം പിന്നിട്ട വേളയിൽ രണ്ടാമത്തെ കിഡ്​നിയിൽ അണുബാധയുണ്ടാവുകയായിരുന്നു. ദിവസങ്ങൾ പുരോഗമിക്കും തോറും കാര്യങ്ങൾ വഷളായി. പിന്നാലെ കിടപ്പിലാകുകയും ഡയാലിസിസിന്​ ​വിധേയനാകേണ്ടി വരികയും ചെയ്​തു.


ഒമ്പത്​ വർഷം മുമ്പ്​ ആപ്പിൾ ഉപകരണങ്ങൾ വാങ്ങാൻ സാധിക്ക​ാതെ നിരാശനായിരുന്ന ഷാങ്​കുനിനെ ഒരാൾ ഓൺലൈനിലൂടെയാണ്​ അവയവദാനത്തിനായി സമീപിച്ചത്​. 20000 യുവാൻ (ഏകദേശം 2,27,310 ഇന്ത്യൻ രൂപ) ആയിരുന്നു ഓഫർ. കരാർ ഉറപ്പിച്ച ശേഷം സെൻട്രൽ ഹുനാൻ പ്രവിശ്യയിൽ വെച്ച്​ ഇയാൾ നിയമവിരുദ്ധമായി ശസ്​ത്രക്രിയക്ക്​ വിധേയനാവുകയായിരുന്നു. തനിക്ക്​ രണ്ട്​ കിഡ്​നിയുടെ ആവശ്യമില്ലെന്നും ഒന്ന്​ തന്നെ ധാരാളമാണെന്നും ഇയാൾ ഒമ്പത്​ വർഷം മുമ്പ്​ പറഞ്ഞ കാര്യങ്ങൾ അടങ്ങിയ വാർത്ത ഫോക്​സ്​ ന്യൂസ്​ കഴിഞ്ഞ വർഷം റിപോർട്ട്​ ചെയ്​തിരുന്നു.

യുവാവിൻെറ മാതാപിതാക്കളുടെ സമ്മതത്തോടെയല്ല ശസ്​ത്രക്രിയ നടത്തിയതെന്ന്​ വെബ്​സൈറ്റ്​ റിപോർട്ട്​ ചെയ്​തു. പ്രദേശത്ത്​ പ്രവർത്തിക്കുന്ന ആശുപത്രിയിലെ രണ്ട്​ ഡോക്​ടർമാരാണ്​ ശസ്​ത്രക്രിയ നടത്തിയത്​. കേസുമായി ബന്ധപ്പെട്ട്​ ഒമ്പത്​ പേർ ഇതുവരെ അറസ്​റ്റിലായി. ശസ്​ത്രക്രിയ നടത്തിയ സർജനടക്കം അഴിക്കുള്ളില്ലായി.

കേസിനെത്തുടർന്ന്​ യുവാവിൻെറ കുടുംബത്തിന്​ നഷ്​ടപരിഹാരത്തുകയായി 3,00,000 ഡോളർ ലഭിച്ചിരുന്നു.

Show Full Article
TAGS:apple iphone kidney transplant Chinese Man organ trafficking mafia 
Next Story