ദുരഭിമാനം: കറാച്ചിയിൽ യുവാവ്​ സഹോദരിയെ വെടിവെച്ച്​ കൊന്നു

കറാച്ചി: ദുരഭിമാനം ഭയന്ന്​ പാകിസ്​താനിലെ കറാച്ചിയിൽ യുവാവ്​ സഹോദരിയെ വെടിവെച്ച്​ കൊന്നു. ഹസമിൻ ഖമർ എന്നയാളാണ്​ സഹോദരിക്ക്​ നേരെ വെടിയുതിർത്തത്​. കറാച്ചിയിലെ ക്ലിഫ്​റ്റൻ എന്ന സ്ഥലത്തായിരുന്നു സംഭവം​.

തലക്ക്​ വെടിയേറ്റ​ പെൺകുട്ടിയെ ജിന്ന പോസ്​റ്റ്​ ഗ്രാജുവേറ്റ്​ മെഡിക്കൽ സെൻററിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. സംഭവത്തെ തുടർന്ന് പ്രതിയെ പൊലീസ്​ പിടികൂടി. ആക്രമണത്തിന്​ ഉപയോഗിച്ച തോക്കും കണ്ടുകെട്ടിയിട്ടുണ്ട്​.

ദുരഭിമാന കൊലയാണെന്ന കാര്യം യുവാവ്​ സമ്മതിച്ചിട്ടുണ്ടെന്ന്​ സീനിയർ പൊലീസ്​ സൂപ്രണ്ട്​ നസീർ അറിയിച്ചതായി പാക്​ മാധ്യമമായ ഡോൺ റിപ്പോർട്ട്​ ചെയ്​തു.

പെൺകുട്ടി അയൽക്കാരനുമായി നിരന്തരം സംസാരിക്കാറുണ്ടായിരുന്നു. സഹോദരിയുടെ ബന്ധത്തെ കുറിച്ച്​ ഇളയ സഹോദരൻ ധരിപ്പിച്ചപ്പോൾ ഹസമിൻ ഖമർ വെടിയുതിർക്കുകയായിരുന്നു.