ബെയ്​റൂത്ത്​ തുറമുഖത്ത്​ വീണ്ടും വൻ തീപിടിത്തം

ബെയ്​റൂത്ത്​: ലെബനാൻ തലസ്ഥാനമായ ബെയ്​റൂത്തിലെ തുറമുഖത്ത്​ വീണ്ടും വൻ തീപിടിത്തം. വലിയ സ്​ഫോടനമുണ്ടായി ആഴ്​ചകൾക്കകമാണ്​ വീണ്ടും തീപിടിത്തമുണ്ടായത്​. വലിയ തോതിൽ പുക തുറമുഖത്ത്​ നിന്ന്​ ഉയരുന്നതിൻെറ ചിത്രങ്ങൾ പുറത്ത്​ വന്നിട്ടുണ്ട്​.

അതേസമയം, തീപിടിത്തത്തിൻെറ കാരണമെന്തെന്ന്​ വ്യക്​തമായിട്ടില്ല. ടയറുകളും വാഹന ഓയിലും വിൽക്കുന്ന സ്ഥലത്താണ്​ തീപിടിത്തമുണ്ടായതെന്നാണ്​ സൂചന. തീയണക്കാനായി സൈന്യത്തിൻെറ ഹെലികോപ്​ടറുകൾ സംഭവസ്ഥലത്തേക്ക്​ എത്തിയിട്ടുണ്ട്​. തീപിടിത്തത്തിൽ ആർക്കെങ്കിലും ജീവൻ നഷ്​ടമായോ പരിക്കേറ്റോയെന്നൊന്നും അറിവായിട്ടില്ല.

ആഗസ്​റ്റ്​ നാലിന്​ ബെയ്​റൂത്ത്​ തുറമുഖത്ത്​ വൻ സ്​ഫോടനം നടന്നിരുന്നു. 191 പേരാണ് അന്ന്​​ ദുരന്തത്തിൽ കൊല്ലപ്പെട്ടത്​. തുറമുഖത്ത്​ സൂക്ഷിച്ച 2,750 ടൺ അമോണിയം നൈട്രേറ്റിന്​ തീപിടിച്ചാണ്​ സ്​ഫോടനമുണ്ടായത്​​.