ബൈറൂത്ത്​ സ്​ഫോടനം: പ്രതിഷേധങ്ങളെത്തുടർന്ന്​ മന്ത്രി രാജി വെച്ചു

ബൈറൂത്ത്​: രാജ്യ തലസ്​ഥാനത്തുണ്ടായ വൻ സ്​ഫോടന​െത്ത തുടർന്ന്​ ലെബനാൻ ഇൻ​ഫർമേഷൻ മന്ത്രി മനാൽ ആബേൽ സമദ്​ രാജിവെച്ചു. ബൈറൂത്തിലുണ്ടായ വൻ ദുരന്തത്തെത്തുടർന്ന്​ രാജി വെച്ചതായി അവർ പ്രസ്​താവനയിലൂടെ അറിയിച്ചു. തങ്ങളിൽ നിന്നുണ്ടായ കൃത്യവിലോപത്തിൽ ലബനീസ്​ ജനതയോട്​ ക്ഷമ ചോദിച്ചാണ് അവർ പടിയിറങ്ങിയത്​.

ആഗസ്​റ്റ്​ നാലിനുണ്ടായ സ്​ഫോടനത്തി​െൻറ ഉത്തരവാദിത്വം ഏറ്റെടുത്ത്​ സർക്കാർ മുഴുവനായും രാജിവെക്കണമെന്ന്​ മരോനൈറ്റ്​ ചർച്ച്​ അധ്യക്ഷൻ ആവശ്യപ്പെട്ടു. സ്​ഫോടനത്തിന്​ പിന്നാലെ സർക്കാറി​െൻറ രാജി ആവശ്യപ്പെട്ട്​ രാജ്യത്തി​െൻറ വിവിധ ഭാഗങ്ങളിൽ പ്രക്ഷോഭങ്ങൾക്ക്​ വീണ്ടും കരുത്താർജിച്ചിരുന്നു. മനുഷ്യത്വത്തിനെതിരായ കുറ്റകൃത്യമെന്ന്​ വിശേഷിപ്പിച്ചാണ്​ പ്രധാനമന്ത്രി ഹസൻ ദിയാബി​െൻറ നേതൃത്വത്തിലുള്ള കാബിനറ്റി​നോട്​ താഴെ ഇറങ്ങാൻ മാരോ​ൈനറ്റ്​ അധ്യക്ഷൻ ബെഷാര റായ്​ ആവശ്യപ്പെട്ടത്​. ​

നേരത്തെ തെരഞ്ഞെടുപ്പ്​ നടത്തണമെന്ന ഭരണവിരുദ്ധ പ്രക്ഷോഭകരുടെ മറ്റൊരു പ്രധാന ആവശ്യത്തിനും റായ്​ പിന്തുണയർപിച്ചിട്ടുണ്ട്​. ഒക്​ടോബറിലാണ് രാജ്യത്ത്​ ഭരണവിരുദ്ധ പ്രക്ഷോഭ​ങ്ങൾക്ക്​ തുടക്കമായത്​.

അതേസമയം, സ്​ഫോടനത്തിന്​ അശ്രദ്ധയും കൃത്യവിലോപവും കാരണമായിട്ടുണ്ടാകാമെങ്കിലും പുറത്തുനിന്നുള്ള ഇടപെടൽ നടന്നിട്ടുണ്ടോയെന്ന്​ പരിശോധിക്കുമെന്ന്​ ലബനീസ്​ പ്രസിഡൻറ്​ മൈക്കൽ ഔൻ കഴിഞ്ഞ ദിവസം പറഞ്ഞിരുന്നു.

150 പേർ മരിക്കുകയും നാലായിരത്തോളം പേർക്ക്​ ഗുരുതരമായി പരിക്കേറ്റ ഭീകര സ്​ഫോടനത്തിൽ രണ്ടര ലക്ഷത്തോളം പേർ ഭവനരഹിതരായിരിക്കുന്നുവെന്ന്​ ബൈറൂത്​ സിറ്റി ഗവർണർ വ്യക്​തമാക്കി.