കുവൈത്ത് പാർലമെന്റ് തെരഞ്ഞെടുപ്പ് പൂർത്തിയായി; ഫലം ഇന്ന്

കുവൈത്ത് സിറ്റി: കുവൈത്ത് പാർലമെന്റ് തെരഞ്ഞെടുപ്പ് വിജയകരമായി പൂർത്തിയായി. 50 അംഗ പാർലമെന്റിലേക്ക് 27 വനിതകൾ ഉൾപ്പെടെ 305 പേരാണ് ജനവിധി തേടിയത്. അഞ്ചു മണ്ഡലങ്ങളിൽനിന്ന് പത്തുപേരെ വീതം തെരഞ്ഞെടുക്കുന്നതാണ് രീതി.

പാർലമെന്റും സർക്കാറും തമ്മിലുള്ള ഭിന്നത പരിഹരിക്കാൻ കഴിയാതെ തുടർന്നപ്പോൾ കഴിഞ്ഞ ജൂണിൽ അമീർ പ്രത്യേക അധികാരം ഉപയോഗിച്ച് പാർലമെന്റ് പിരിച്ചുവിട്ട് തെരഞ്ഞെടുപ്പ് പ്രഖ്യാപിക്കുകയായിരുന്നു. വിദേശത്തുനിന്നുള്ള നിരീക്ഷകരുടെ സാന്നിധ്യത്തിൽ സമാധാനപരമായും സുതാര്യമായുമാണ് തെരഞ്ഞെടുപ്പ് നടപടികൾ പൂർത്തിയാക്കിയത്. ഫലം വെള്ളിയാഴ്ച പ്രഖ്യാപിക്കും.