ബന്ധം മെച്ചപ്പെടുത്താൻ കത്തുകൾ കൈമാറി കൊറിയൻ ഭരണാധികാരികൾ

സോൾ: ബന്ധം മെച്ചപ്പെടുത്തുന്നതിന്റെ ഭാഗമായി സ്ഥാനമൊഴിയുന്ന ദക്ഷിണ കൊറിയൻ പ്രസിഡന്റ് മൂൺ ജെ ഇൻ ഉത്തര കൊറിയൻ ഭരണാധികാരി കിം ജോങ് ഉന്നിന് സന്ദേശം കൈമാറി. സമാധാനം പുനഃസ്ഥാപിക്കാനുള്ള മൂണിന്റെ ശ്രമങ്ങൾ പുകഴ്ത്തി കിം മറുപടിയും നൽകി. പരസ്പരവിശ്വാസം ഊട്ടിയുറപ്പിക്കുന്നതായിരുന്നു ഇരുനേതാക്കളുടെയും കത്ത് കൈമാറ്റമെന്ന് കൊറിയൻ സെൻട്രൽ ന്യൂസ് ഏജൻസി റിപ്പോർട്ട് ചെയ്തു.