കമല ഹാരിസിന്റെ സന്ദർശനം ഇന്ന്, മിസൈൽ പരീക്ഷണവുമായി ഉത്തര കൊറിയ

സോൾ: കിഴക്കൻ സമുദ്രത്തിലേക്ക് ഉത്തരകൊറിയ ബുധനാഴ്ച ബാലിസ്റ്റിക് മിസൈൽ തൊടുത്തുവിട്ടതായി ദക്ഷിണ കൊറിയൻ സൈന്യം അറിയിച്ചു. ഈ ആഴ്ച ഉത്തരകൊറിയ നടത്തുന്ന രണ്ടാമത്തെ മിസൈൽ വിക്ഷേപണമാണിത്. പ്രസിഡന്റ് യൂൻ സുക് യോളുമായും മറ്റ് ഉദ്യോഗസ്ഥരുമായും ചർച്ചകൾക്കായി കമല ഹാരിസ് വ്യാഴാഴ്ച ദക്ഷിണ കൊറിയയിലെത്തുന്നുണ്ട്. ഉത്തര കൊറിയൻ അതിർത്തിയും അവർ സന്ദർശിക്കും.

ഉത്തര കൊറിയക്കെതിരായ ശക്തിപ്രകടനത്തിന്റെ ഭാഗമായി യു.എസ്- ദക്ഷിണ കൊറിയൻ നാവികസേന കപ്പലുകളും ദക്ഷിണ കൊറിയയുടെ കിഴക്കൻ തീരത്ത് സൈനികാഭ്യാസം നടത്തുന്നുണ്ട്. തിങ്കളാഴ്ച ആരംഭിച്ച നാലു ദിവസ അഭ്യാസത്തിൽ വിമാനവാഹിനിക്കപ്പൽ യു.എസ്.എസ് റൊണാൾഡ് റീഗനുമുണ്ട്.