ചൈനയിൽ കോവിഡ്​ വ്യാപനം റിപ്പോർട്ട്​ ചെയ്​ത മാധ്യമപ്രവർത്തക ജയിലിൽ മരണത്തി​െന്‍റ വക്കിലെന്ന്​ കുടുംബം

ബീജിങ്​: ചൈനയിൽ കോവിഡ്​ വ്യാപനം റിപ്പോർട്ട്​ ചെയ്​ത മാധ്യമ പ്രവർത്തക ജയിലിൽ മരണത്തിന്‍റെ വക്കിലെന്ന്​ കുടുംബാംഗങ്ങൾ. ജയിൽ നിരാഹാരം കിടക്കുന്നുന്ന മാധ്യമപ്രവർത്തക ഷാങ്​ ഷാനിന്‍റെ അവസ്ഥയാണ്​ ഗുരുതരാവസ്ഥയിൽ തുടരുന്നത്​. കഴിഞ്ഞ ഫെബ്രുവരിയിൽ വുഹാനിലെത്തിയ മാധ്യമപ്രവർത്തക നഗരത്തിലെ കോവിഡ്​ വിവരങ്ങൾ റിപ്പോർട്ട്​ ചെയ്​തിരുന്നു.

തുടർന്ന്​ 2020 മേയിൽ ഇവരെ ചൈനീസ്​ പൊലീസ്​ അറസ്റ്റ്​ ചെയ്യുകയായിരുന്നു. മനപ്പൂർവം പ്രശ്​നമുണ്ടാക്കാൻ ശ്രമിച്ചുവെന്ന്​ ആരോപിച്ചായിരുന്നു അറസ്റ്റ്​. ഷാങ്​ ഷാനിന്‍റെ ഭാരം വല്ലാതെ കുറഞ്ഞുവെന്നും ആരോഗ്യസ്ഥിതി മോശമാണെന്നും അവരുടെ സഹോദരൻ ട്വീറ്റിൽ ആരോപിച്ചു.

ഈ തണുപ്പുകാലം മറികടക്കാൻ അവർക്ക്​ സാധിക്കില്ലെന്നും സഹോദരൻ പറയുന്നു. എന്നാൽ, മാധ്യമപ്രവർത്തക നിരാഹാര സമരത്തിലാണെന്നും അവരെ കുറിച്ച്​ നിലവിൽ വിവരങ്ങളൊന്നും ലഭ്യമല്ലെന്നുമായിരുന്നു എ.എഫ്​.പി ഈ വർഷമാദ്യം റിപ്പോർട്ട്​ ചെയ്​തതത്​. ആംനസ്റ്റി ഇന്‍റർനാഷണലും മാധ്യമ പ്രവർത്തകയെ വിട്ടയക്കണമെന്ന ആവശ്യം ഉന്നയിച്ചിട്ടുണ്ട്​. മാധ്യമപ്രവർത്തകയെ വിട്ടയച്ചാൽ അവർ നിരാഹാരം ഉപേക്ഷിക്കുമെന്നും ആംനസ്റ്റി​ ഇന്‍റർനാഷണൽ പറഞ്ഞത്​.