ജോസഫ്​ സ്​റ്റാലി​ന്‍റെ കാലത്ത്​ കൊല്ലപ്പെട്ട എട്ടായിരത്തോളം പേരുടെ അസ്​ഥികൾ കണ്ടെത്തി

കിയവ്​: ​േസാവിയറ്റ്​ യൂനിയൻ ഭരണാധികാരി ജോസഫ്​ സ്​റ്റാലി​െൻറ കാലത്ത്​ വധിക്കപ്പെട്ടതെന്നു കരുതുന്ന ആയിരങ്ങളുടെ അസ്​ഥികൂടങ്ങൾ കണ്ടെടുത്തു. സോവിയറ്റ്​ യൂനിയ​െൻറ ഭാഗമായിരുന്ന യുക്രെയ്​നിലെ ഒഡേസ നഗരത്തിലെ വിമാനത്താവളത്തിനു സമീപമാണ്​ 1937-39 കാലത്ത്​ കൊല്ലപ്പെ​ട്ടെന്നു കരുതുന്ന 5000 മുതൽ 8000 വരെ ആളുകളുടെ അസ്​ഥികൾ കണ്ടെത്തിയത്​. യുക്രെയ്​നിൽ ഇതുവരെ കണ്ടെത്തിയ ഏറ്റവും വലിയ കൂട്ടശ്​മശാനങ്ങളിലൊന്നാണിത്​.

അതെസമയം, റെക്കോഡുകളൊന്നും കൈവശമില്ലാത്തതിനാൽ ഇവരെ തിരിച്ചറിയൽ ശ്രമകരമാണ്​. യു​ക്രിൻഫോം ​വെബ്​സൈറ്റി​െൻറ കണക്കുപ്രകാരം 1938നും 1941നുമിടെ സോവിയറ്റ്​ ഭരണകൂടത്തി​െൻറ രഹസ്യപൊലീസ്​ 8600 ആളുകളെ വധിച്ചിട്ടുണ്ട്​. വിമാനത്താവളത്തിനു സമീപം ഖനനം തുടരുന്നതിനാൽ കൂടുതൽ അസ്​ഥികൂടങ്ങൾ കണ്ടെത്തിയേക്കാം. മുമ്പും ഈ ഭാഗത്തുനിന്ന്​ അസ്​ഥികൂടങ്ങൾകണ്ടെടുത്തിരുന്നു.

Joseph Stalin's Terror Mass Grave Unearthed In Ukraineസോവിയറ്റ്​ യൂനിയ​െൻറ രഹസ്യപൊലീസ്​ വിഭാഗം കൊന്നൊടുക്കവരുടെതാണ്​ ഈ അസ്​ഥികളെന്നു കരുതുന്നതായി യുക്രെയ്​ൻ നാഷനൽ മെമറി ഇൻസ്​റ്റിറ്റ്യൂട്ട്​ പ്രാദേശിക മേധാവി സെർഗി ഗുട്​സാല്യൂക്​ പറഞ്ഞു. 1924 മുതൽ 1953 വരെയാണ്​ സ്​റ്റാലിൻ സോവിയറ്റ്​ യൂനിയൻ ഭരിച്ചത്​.സ്​റ്റാലി​െൻറ ഭരണകാലത്ത്​ ഗുലാഗ്​ എന്നറിയപ്പെട്ട ലേബർ ക്യാമ്പുകളിലുൾപ്പെടെ 15 ലക്ഷം ആളുകളെ കൊന്നൊടുക്കിയിട്ടുണ്ടെന്നാണ്​ കണക്ക്​. ഇതിൽ കൂടുതലും യുക്രെയ്​ൻ വംശജരാണ്​.