മ​സ്ജി​ദു​ൽ അ​ഖ്സ​യി​ലെ മു​സ്‍ലിം​ക​ളു​ടെ അ​വ​കാ​ശം ഇ​സ്രാ​യേ​ൽ മാ​നി​ക്ക​ണം -ജോ​ർ​ഡ​ൻ രാ​ജാ​വ്

അ​മ്മാ​ൻ: മ​സ്ജി​ദു​ൽ അ​ഖ്സ​യി​ൽ പ്രാ​ർ​ഥ​ന ന​ട​ത്താ​നു​ള്ള മു​സ്‍ലിം​ക​ളു​ടെ അ​വ​കാ​ശം ഇ​​സ്രാ​യേ​ൽ മാ​നി​ക്ക​ണ​മെ​ന്ന് ജോ​ർ​ഡ​ൻ രാ​ജാ​വ്. ജോ​ർ​ഡ​ൻ ത​ല​സ്ഥാ​ന​മാ​യ അ​മ്മാ​നി​ൽ ഇ​സ്രാ​യേ​ൽ പ്ര​തി​രോ​ധ​മ​ന്ത്രി ബെ​ന്നി ഗാ​ന്റ്സു​മാ​യി കൂ​ടി​ക്കാ​ഴ്ച ന​ട​ത്തു​ക​യാ​യി​രു​ന്നു അ​ബ്ദു​ല്ല രാ​ജാ​വ്. റ​മ​ദാ​നി​നോ​ട​നു​ബ​ന്ധി​ച്ച് ഇ​സ്രാ​യേ​ൽ-​ഫ​ല​സ്തീ​ൻ സം​ഘ​ർ​ഷം കു​റ​ക്കു​ന്ന​തി​നു മു​ന്നോ​ടി​യാ​യി​രു​ന്നു കൂ​ടി​ക്കാ​ഴ്ച.

ജ​റൂ​സ​ലം, വെ​സ്റ്റ്ബാ​ങ്ക് എ​ന്നി​വി​ട​ങ്ങ​ളി​ൽ പ്രാ​ർ​ഥ​ന ന​ട​ത്തു​ന്ന​തി​ന് ന​ട​പ​ടി​ക​ൾ​ക്ക് ഇ​സ്രാ​യേ​ൽ ഒ​രു​ങ്ങു​ക​യാ​ണെ​ന്ന് ഗാ​ന്റ്സ് സൂ​ചി​പ്പി​ച്ചു. ഇ​സ്രാ​യേ​ലി​ൽ ന​ട​ന്ന ര​ണ്ടു ദി​വ​സ​ത്തെ ഉ​ച്ച​കോ​ടി​ക്ക് ശേ​ഷ​മാ​ണ് ഗാ​ന്റ്സും അ​ബ്ദു​ല്ല രാ​ജാ​വും ച​ർ​ച്ച ന​ട​ത്തി​യ​ത്

യു.​എ.​ഇ, ബ​ഹ്‌​റൈ​ന്‍, മൊ​റോ​ക്കോ, ഈ​ജി​പ്ത്, യു.​എ​സ് എ​ന്നീ രാ​ജ്യ​ങ്ങ​ളു​ടെ പ്ര​തി​നി​ധി​ക​ളാ​യി​രു​ന്നു ഉ​ച്ച​കോ​ടി​യി​ല്‍ പ​ങ്കെ​ടു​ത്ത​ത്. ഫ​ല​സ്തീ​ന്‍ പ്ര​തി​നി​ധി​ക​ള്‍ക്ക് ക്ഷ​ണ​മു​ണ്ടാ​യി​രു​ന്നി​ല്ല. ഉ​ച്ച​കോ​ടി​ക്കാ​യി ഇ​സ്രാ​യേ​ലി​ലെ​ത്തി​യ അബ്ദുല്ല രാ​ജാ​വ് വെ​സ്റ്റ് ബാ​ങ്ക് സ​ന്ദ​ര്‍ശി​ച്ച് ഫ​ല​സ്തീ​ന്‍ നേ​താ​വ് മ​ഹ്മൂ​ദ് അ​ബ്ബാ​സു​മാ​യി കൂ​ടി​ക്കാ​ഴ്ച ന​ട​ത്തു​ക​യും ചെ​യ്തി​രു​ന്നു. അ​ഞ്ച് വ​ര്‍ഷ​ത്തി​നി​ട​യി​ല്‍ ആ​ദ്യ​മാ​യാ​ണ് അബ്ദുല്ല രാ​ജാ​വ് ഫ​ല​സ്തീ​ന്‍ സ​ന്ദ​ര്‍ശി​ക്കു​ന്ന​ത്.

കി​ഴ​ക്ക​ന്‍ ജ​റു​സ​ല​മി​ലാ​ണ് മ​സ്ജി​ദു​ൽ അ​ഖ്സ സ്ഥി​തി​ചെ​യ്യു​ന്ന​ത്. പ​ള്ളി​യു​ടെ കി​ഴ​ക്ക് ഭാ​ഗ​ത്താ​യി സ്ഥി​തി​ചെ​യ്യു​ന്ന, ഫ​ല​സ്തീ​ന്‍ പൗ​ര​ന്മാ​രു​ടെ നൂ​റ്റാ​ണ്ടു​ക​ള്‍ പ​ഴ​ക്ക​മു​ള്ള അ​ല്‍-​യൂ​സു​ഫി​യ ഖബർസ്ഥാൻ പൊ​ളി​ച്ചു​മാ​റ്റി പാ​ര്‍ക്ക് സ്ഥാ​പി​ക്കാ​നു​ള്ള നീ​ക്ക​വു​മാ​യി മു​ന്നോ​ട്ടു​പോ​വു​ക​യാ​ണ് ഇ​സ്രാ​യേ​ൽ അ​ധി​കൃ​ത​ർ.