ജോൺ എഫ്. കെന്നഡിയുടെ 291 കോടിയുടെ അവധിക്കാല വസതി വിൽപ്പനക്ക്

മുൻ അമേരിക്കൻ പ്രസിഡന്റ് ജോൺ എഫ്. കെന്നഡിയുടെ ഫ്രഞ്ച് റിവിയേരയിലെ ഹോളിഡേ ഹോം വിൽപനക്ക്. 35.5 മില്യൺ ഡോളറിനാണ് (ഏകദേശം 291 കോടി രൂപ) ഈ മാളിക വിൽപ്പനക്ക് വെച്ചത്. ഡൊമൈൻ ഡി ബ്യൂമോണ്ട് എന്നറിയപ്പെടുന്ന വാൽബോണിലെ ഈ സ്ഥലം 44 ഏക്കറിലാണ് സ്ഥിതി ചെയ്യുന്നത്. കെന്നഡിയുടെ പിതാവ് ജോസഫ് പാട്രിക് കെന്നഡി യു.എസ് അംബാസഡറായിരുന്ന കാലത്ത് കെന്നഡിസഹോദരന്മാർക്കെല്ലാം ഇതൊരു അവധിക്കാല സ്ഥലമായിരുന്നു.

1920-ൽ നിർമിച്ച ഫ്രഞ്ച് റിവിയേര പ്രോപ്പർട്ടി, പ്രശസ്ത ഫ്രഞ്ച് ആർക്കിടെക്റ്റ് ജാക്വസ് കൂല്ലെയാണ് രൂപകൽപ്പന ചെയ്തത്. മൈതാനങ്ങളാൽ ചുറ്റപ്പെട്ടതാണ് ഇവിടം. വാസ്തുവിദ്യയും ഇന്റീരിയർ ഡിസൈനിംഗും കൊണ്ടും പ്രശസ്തമാണ് ഈ മാളിക. എസ്റ്റേറ്റിന് നിരവധി കെട്ടിടങ്ങളുണ്ട്. 12,500 ചതുരശ്ര അടിയിൽ പരന്നുകിടക്കുന്ന പ്രധാന വീട്ടിൽ ഒമ്പത് കിടപ്പുമുറികളുമുണ്ട്. കൂടാതെ, മാർബിൾ ഗോവണി, ഔപചാരിക ഡൈനിംഗ് റൂം, വിശാലമായ സ്വീകരണമുറി എന്നിവ ഉൾക്കൊള്ളുന്ന ഒരു വലിയ സ്വീകരണ മുറിയും ഇതിലുണ്ട്. പൂർണ്ണമായും സജ്ജീകരിച്ച അടുക്കള, അലക്ക് മുറി, വിശ്രമമുറി എന്നിവയും വീടിന്റെ മറ്റ് സവിശേഷതകളാണ്. കൂടാതെ, സ്റ്റാഫ് അംഗങ്ങൾക്ക് പ്രത്യേക പാർപ്പിട സൗകര്യവും താപനില നിയന്ത്രിത വൈൻ സ്റ്റോറേജ് ഏരിയയും ഉണ്ട്. കൂടാതെ 65 അടിയുള്ള മാർബിൾ കുളവും, പൂൾ ഹൗസും, അലങ്കാര കുളങ്ങളും വെള്ളച്ചാട്ടങ്ങളും, ടെന്നീസ് കോർട്ടുമെല്ലാം ഉൾപ്പെടുന്നതാണ് കെന്നഡിയുടെ ഈ അവധിക്കാല വസതി. എസ്റ്റേറ്റിൽ കുതിരകൾക്കായി ഒരു പുൽമേടും സവാരി ചെയ്യാൻ താൽപ്പര്യമുള്ളവർക്ക് ഒരു ക്വാറിയും ഉണ്ടാക്കിയിട്ടുണ്ട്.

43-ാം വയസിൽ അമേരിക്കയുടെ ഏറ്റവും പ്രായം കുറഞ്ഞ പ്രസിഡന്റായ കെന്നഡി 1963ലാണ് വധിക്കപ്പെടുന്നത്.