പു​ടി​ൻ അ​ധി​കാ​ര​ത്തി​ൽ തു​ട​രി​ല്ല -​ബൈ​ഡ​ൻ

കി​യ​വ്: പോളണ്ട് സന്ദർശനത്തിനിടെ റഷ്യൻ പ്രസിഡന്റ് വ്ലാദിമിർ പുടിനെതിരായ യു.എസ് പ്രസിഡന്റ് ജോ ബൈഡന്റെ പരാമർശം വിവാദമാകുന്നു. റ​ഷ്യ​യു​ടെ യു​ക്രെ​യ്ൻ അ​ധി​നി​വേ​ശം ത​ന്ത്ര​പ​ര​മാ​യ പ​രാ​ജ​യ​മാണെന്നും ഉത്തരവാദിയായ പുടി​ൻ അ​ധി​കാ​ര​ത്തി​ൽ തു​ട​രി​ല്ലെ​ന്നുമാണ് പോ​ള​ണ്ട് സ​ന്ദ​ർ​ശ​ന​ത്തി​നി​ടെ ബൈ​ഡ​ൻ പ​റ​ഞ്ഞത്. ബൈ​ഡ​ന്റെ വാ​ക്കു​ക​ൾ ത​ള്ളി​യ ക്രെം​ലി​ൻ പ്ര​സി​ഡ​ന്റി​ന്റെ കാ​ര്യം റ​ഷ്യ​ൻ ജ​ന​ത തീ​രു​മാ​നി​ക്കു​മെ​ന്ന് മ​റു​പ​ടി ന​ൽ​കി.

ബൈ​ഡ​ന്റെ പ​രാ​മ​ർ​ശം വി​വാ​ദ​മാ​യ​തോ​ടെ റ​ഷ്യ​യി​ലെ ഭ​ര​ണ​മാ​റ്റം യു.​എ​സി​ന്റെ അ​ജ​ണ്ട​യി​ൽ പെ​ട്ട​ത​ല്ലെ​ന്ന് വി​ദേ​ശ​കാ​ര്യ സെ​ക്ര​ട്ട​റി ആ​ന്റ​ണി ബ്ലി​​ങ്ക​ൻ വി​ശ​ദീ​ക​രി​ച്ചു. ബൈ​ഡ​ൻ റ​ഷ്യ​യി​ലെ ഭ​ര​ണ​മാ​റ്റം ആ​വ​ശ്യ​പ്പെ​ട്ടി​ട്ടി​ല്ലെ​ന്ന് വൈ​റ്റ്ഹൗ​സും വ്യ​ക്ത​മാ​ക്കി. ബൈ​ഡ​ന്റെ പ​രാ​മ​ർ​ശ​ത്തി​നെ​തി​രെ മു​തി​ർ​ന്ന യു.​എ​സ് ന​യ​ത​ന്ത്ര​പ്ര​തി​നി​ധി റി​ച്ചാ​ർ​ഡ് ഹാ​സും രം​ഗ​ത്തു​വ​ന്നു. നി​ല​വി​ലെ പ്ര​തി​സ​ന്ധി സ​ങ്കീ​ർ​ണ​മാ​ക്കാ​​ൻ ഇ​ത്ത​രം പ​രാ​മ​ർ​ശ​ങ്ങ​ൾ കാ​ര​ണ​മാ​കു​മെ​ന്ന് അ​ദ്ദേ​ഹം ട്വീ​റ്റ് ചെ​യ്തു.

പു​ടി​നെ ക​ശാ​പ്പു​കാ​ര​നെ​ന്ന് ബൈ​ഡ​ൻ വി​ശേ​ഷി​പ്പി​ച്ച​തി​നെ​തി​രെ ഫ്രാ​ൻ​സ് പ്ര​സി​ഡ​ന്റ് ഇ​മ്മാ​നു​വ​ൽ മാ​ക്രോ​ണും രം​ഗ​ത്തു​വ​ന്നു. വാ​ക്കു​ക​ൾ കൊ​ണ്ടും ആ​യു​ധ​ങ്ങ​ൾ കൊ​ണ്ടു​മു​ള്ള ഏ​റ്റു​മു​ട്ട​ല​ല്ല യ​ഥാ​ർ​ഥ​ത്തി​ൽ ആ​വ​ശ്യം. ഇ​ത്ത​ര​ത്തി​ലു​ള്ള പ്ര​യോ​ഗ​ങ്ങ​ൾ സൂ​ക്ഷി​ച്ചു​വേ​ണ​മെ​ന്നും ന​യ​ത​ന്ത്ര​ത്തി​ലൂ​ടെ യു​ക്രെ​യ്നി​ൽ വെ​ടി​നി​ർ​ത്ത​ൽ ന​ട​പ്പാ​ക്കാ​നു​ള്ള ശ്ര​മ​ങ്ങ​ളെ ബാ​ധി​ക്കു​മെ​ന്നും മാ​ക്രോ​ൺ പ​റ​ഞ്ഞു.

ചെ​ർ​ണോ​ബി​ൽ ആ​ണ​വ പ്ലാ​ന്റി​ലെ തൊ​ഴി​ലാ​ളി​ക​ൾ താ​മ​സി​ച്ചി​രു​ന്ന സ്ലാ​വു​തി​ച് റ​ഷ്യ​ൻ ​സൈ​ന്യം പി​ടി​ച്ചെ​ടു​ത്തു. ആ​ക്ര​മ​ണ​ത്തി​ൽ മൂ​ന്നു​പേ​ർ കൊ​ല്ല​പ്പെ​ട്ടു. ഖാ​ർ​ക്കി​വി​ലെ ആ​ണ​വ റി​സ​ർ​ച് റി​യാ​ക്ട​റി​നു നേ​രെ റ​ഷ്യ​ൻ സൈ​ന്യം വെ​ടി​യു​തി​ർ​ത്ത​യാ​യി യു​ക്രെ​യ്ൻ അ​വ​കാ​ശ​പ്പെ​ട്ടു. പ​ടി​ഞ്ഞാ​റ​ൻ യു​ക്രെ​യ്നി​ലെ ലി​വി​വി​ൽ മി​സൈ​ൽ ആ​ക്ര​മ​ണ​ത്തി​ൽ അ​ഞ്ചു​പേ​ർ​ക്ക് പ​രി​ക്കേ​റ്റു. യു​ക്രെ​യ്നി​ൽ​നി​ന്ന് പ​ലാ​യ​നം ചെ​യ്ത 30,000 പേ​ർ ഫ്രാ​ൻ​സി​ലെ​ത്തി. ഒ​രു​ല​ക്ഷം അ​ഭ​യാ​ർ​ഥി​ക​ളെ സ്വീ​ക​രി​ക്കാ​ൻ ത​യാ​റാ​ണെ​ന്ന് ഫ്ര​ഞ്ച് അ​ധി​കൃ​ത​ർ അ​റി​യി​ച്ചു.