പാകിസ്​താനിൽ ജിന്നയുടെ പ്രതിമ സ്‌ഫോടനത്തില്‍ തകർത്തു

ഇസ്‌ലാമാബാദ്: പാകിസ്താനിലെ ബലൂചിസ്​താന്‍ പ്രവിശ്യയിലെ ഗ്വാദര്‍ തുറമുഖ നഗരിയിലുണ്ടായ സ്‌ഫോടനത്തില്‍ പാകിസ്താന്‍ സ്ഥാപക നേതാവ് മുഹമ്മദലി ജിന്നയുടെ പ്രതിമ തകര്‍ന്നു. ഈ വർഷാദ്യം സ്​ഥാപിച്ച പ്രതിമ സ്​ഫോടകവസ്​തുക്കൾ ഉപയോഗിച്ച്​ പൂർണമായും തകർക്കുകയായിരുന്നു.

സ്ഫാടനത്തി​െൻറ ഉത്തരവാദിത്വം നിരോധിത സംഘടനയായ ബലൂച് ലിബറേഷന്‍ ആര്‍മി ഏറ്റെടുത്തു. സുരക്ഷിത മേഖലയായി കണക്കാക്കപ്പെടുന്ന പ്രദേശത്ത് വിനോദസഞ്ചാരികളാണെന്ന വ്യാജേന എത്തിയ ബലൂച് ലിബറേഷന്‍ ആര്‍മിയുടെ പ്രവര്‍ത്തകരാണ് സ്‌ഫോടകവസ്തു സ്ഥാപിച്ചതെന്ന് ഗ്വാദര്‍ ഡെപ്യൂട്ടി കമ്മീഷണര്‍ മേജര്‍ (റിട്ട) അബ്​ദുൽ കബീര്‍ ഖാന്‍ പറഞ്ഞതായി ബി.ബി.സി ഉര്‍ദു റിപ്പോര്‍ട്ട് ചെയ്തു.

ആരെയും അറസ്റ്റ് ചെയ്തിട്ടില്ല. പൊലീസ് അന്വേഷണം ഊർജിതമാക്കിയിട്ടുണ്ട്​.