Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightആത്മഹത്യ പ്രവണതയുള്ള...

ആത്മഹത്യ പ്രവണതയുള്ള ഒമ്പത്​ പേരെ കൊലപ്പെടുത്തിയ 'ട്വിറ്റർ കില്ലർ'ക്ക്​ വധശിക്ഷ

text_fields
bookmark_border
Takahiro Shiraishi
cancel
camera_alt

ചിത്രം: https://www.dailymail.co.uk

ടോക്യോ: ഓൺലൈനിലൂടെ പരിചയപ്പെട്ട ഒമ്പത്​ പേരെ കൊലപ്പെടുത്തിയ ജപ്പാൻകാരന്​ വധശിക്ഷ. 'ട്വിറ്റർ കില്ലർ' എന്ന അപര നാമത്തിൽ അറിയപ്പെടുന്ന തകാഹിറോ ഷിറൈശിയെന്ന 30കാരനാണ്​ കോടതി മരണശിക്ഷ വിധിച്ചത്​. 15നും 26നും ഇടയിൽ പ്രായമുള്ളവരായിരുന്നു ട്വിറ്റർ കില്ലറുടെ ഇരകൾ. അതിൽ ഒരു പെൺകുട്ടിയുമുണ്ടായിരുന്നു.

ഇരയായവരിൽ കൂടുതൽ പേരും ആത്മഹത്യ പ്രവണത കാണിച്ചവരായതിനാൽ ത​െൻറ കക്ഷിക്ക്​ ജയിൽ ശിക്ഷ മാ​ത്രം നൽകിയാൽ മതിയെന്നായിരുന്നു പ്രതിഭാഗം അഭിഭാഷ​ക​െൻറ വാദം.

ജീവനൊടുക്കുന്നതുമായി ബന്ധപ്പെട്ട പോസ്​റ്റുകൾ ഇടുന്നവരെ ട്വിറ്ററിലൂടെയായിരുന്നു​ ഷിറൈശി ബന്ധപ്പെട്ടിരുന്നത്​. അവരുടെ പദ്ധതി നടപ്പിലാക്കാൻ സഹായിക്കാമെന്നും വേണ്ടിവന്നാൽ കൂടെ മരിക്കാമെന്നുമാണ്​ ഓഫർ നൽകിയത്​.

മരിച്ചാൽ പോലും ഷിറൈശിക്ക്​ മാപ്പ്​ നൽകില്ലെന്നായിരുന്നു കൊല്ലപ്പെട്ട പെൺകുട്ടിയുടെ പിതാവി​െൻറ പ്രതികരണം. കൊല്ലപ്പെട്ടവരിൽ ഒരാൾ പോലും മരിക്കാനായി സമ്മതം നൽകിയില്ലെന്ന്​ വിധിപ്രസ്​താവന വേളയിൽ ജഡ്​ജി​ സൂചിപ്പിച്ചു. കോടതിയിൽ 16 സീറ്റുകൾ മാത്രമേ പൊതുജനങ്ങൾക്ക് ലഭ്യമാക്കിയതെങ്കിലും 435 പേർ വിധി കേൾക്കാനെത്തി

വധശിക്ഷ നിലവിലുള്ള ചു​രുക്കം ചില വികസിത രാജ്യങ്ങളിൽ ഒന്നാണ്​ ജപ്പാൻ. വധശിക്ഷക്ക്​ രാജ്യത്ത്​ ലഭിക്കുന്ന പിന്തുണയും വളരെയധികമാണ്​. ഒരു കുടുംബത്തിലെ നാല്​ പേരെ കൊലപ്പെടുത്തിയ ചൈനീസ്​ യുവാവിനെ 2019 ഡിസംബറിൽ തൂക്കിലേറ്റിയതാണ്​ അവസാനത്തെ സംഭവം.

Show Full Article
TAGS:japan Twitter killer Death Sentance 
News Summary - Japan's ​'Twitter Killer' Sentenced To Death
Next Story