വീ​ടു​തോ​റും വേട്ട; നരകയാതനയിൽ ഗസ്സ

ഗ​സ്സ: ഗ​സ്സ​യി​ൽ വീ​ടു​​ക​ൾ​തോ​റും ക​യ​റി പ​രി​ശോ​ധ​ന ന​ട​ത്തി ഇ​സ്രാ​യേ​ൽ സൈ​ന്യം. ഖാ​ൻ യൂ​നി​സി​ലാ​ണ് ര​ണ്ടു ഭാ​ഗ​ത്തു​നി​ന്ന് ടാ​ങ്കു​ക​ളാ​ൽ വ​ള​ഞ്ഞ് വീ​ടു​ക​യ​റി പ​രി​ശോ​ധ​ന ന​ട​ത്തു​ന്ന​ത്. നി​ര​വ​ധി സാ​ധാ​ര​ണ​ക്കാ​രെ പി​ടി​കൂ​ടി അ​ജ്ഞാ​ത കേ​ന്ദ്ര​ങ്ങ​ളി​ലേ​ക്ക് കൊ​ണ്ടു​പോ​കു​ന്ന​താ​യും റി​പ്പോ​ർ​ട്ടു​ണ്ട്. ഹ​മാ​സും ഇ​സ്രാ​യേ​ൽ സൈ​ന്യ​വും ത​മ്മി​ൽ ക​ന​ത്ത ഏ​റ്റു​മു​ട്ട​ലാ​ണ് ഗ​സ്സ​യു​ടെ വി​വി​ധ ഭാ​ഗ​ങ്ങ​ളി​ൽ ന​ട​ക്കു​ന്ന​ത്. ഇ​സ്രാ​യേ​ൽ ഭാ​ഗ​ത്തും ക​ന​ത്ത നാ​ശ​ന​ഷ്ട​മു​ണ്ടെ​ന്നാ​ണ് വി​വ​രം. എ​ന്തു​ന​ഷ്ടം സ​ഹി​ച്ചും ഹ​മാ​സി​നെ ഇ​ല്ലാ​യ്മ ചെ​യ്യു​മെ​ന്ന നി​ല​പാ​ടി​ലാ​ണ് ഇ​സ്രാ​യേ​ൽ. അ​തി​നി​ടെ, ഇ​സ്രാ​യേ​ലി​ന്റെ ആ​ക്ര​മ​ണ​ത്തി​ൽ സ​ഹ​ർ ബ​റൂ​ച് (25) എ​ന്ന ഇ​സ്രാ​യേ​ലി ബ​ന്ദി കൊ​ല്ല​പ്പെ​ട്ട​താ​യി സ്ഥി​രീ​ക​രി​ച്ചു.

ജ​ബ​ലി​യ അ​ഭ​യാ​ർ​ഥി ക്യാ​മ്പി​ൽ ആ​യി​ര​ങ്ങ​ൾ ദി​വ​സ​ങ്ങ​ളാ​യി ഭ​ക്ഷ​ണം ല​ഭി​ക്കാ​തെ കു​ടു​ങ്ങി​ക്കി​ട​ക്കു​ക​യാ​ണ്. റ​ഫ അ​തി​ർ​ത്തി വ​ഴി പ​ര്യാ​പ്ത​മാ​യ അ​ള​വി​ൽ സ​ഹാ​യ​വ​സ്തു​ക്ക​ൾ ക​ട​ത്തി​വി​ടു​ന്നി​ല്ല.

ഇ​സ്രാ​യേ​ൽ ആ​ക്ര​മ​ണം തു​ട​ങ്ങി​യ​ശേ​ഷം 80 ശ​ത​മാ​ന​ത്തി​ല​ധി​കം ആ​ളു​ക​ൾ അ​ഭ​യാ​ർ​ഥി​ക​ളാ​യ​താ​യാ​ണ് ഐ​ക്യ​രാ​ഷ്ട്ര​സ​ഭ പ​റ​യു​ന്ന​ത്. ഒടുവിലെ വിവരമനുസരിച്ച് ഗ​സ്സ​യി​ൽ ഇ​തു​വ​രെ 17,487 ഫ​ല​സ്തീ​നി​ക​ളാ​ണ് കൊ​ല്ല​പ്പെ​ട്ട​ത്. ഇ​തി​ൽ 7000ത്തി​ല​ധി​കം കു​ട്ടി​ക​ളാ​ണ്. 46,480ല​ധി​കം ആ​ളു​ക​ൾ​ക്ക് പ​രി​ക്കേ​റ്റി​ട്ടു​ണ്ട്. ഇ​ന്ധ​ന​വും മ​രു​ന്നും തീ​ർ​ന്ന​തി​നാ​ൽ മു​ന​മ്പി​ൽ ആ​കെ​യു​ള്ള 36 ആ​ശു​പ​ത്രി​ക​ളി​ൽ 14 എ​ണ്ണം മാ​ത്ര​മാ​ണ് ഇ​പ്പോ​ൾ പ്ര​വ​ർ​ത്തി​ക്കു​ന്ന​ത്.

വെ​സ്റ്റ് ബാ​ങ്കി​ലും വ്യാ​പ​ക പ​രി​ശോ​ധ​ന

വെ​സ്റ്റ് ബാ​ങ്ക്: അ​ധി​നി​വി​ഷ്ട വെ​സ്റ്റ് ബാ​ങ്കി​ൽ ഇ​സ്രാ​യേ​ൽ സൈ​ന്യം വ്യാ​പ​ക പ​രി​ശോ​ധ​ന​യും അ​ക്ര​മ​വും ന​ട​ത്തു​ന്നു. ശ​നി​യാ​ഴ്ച ഒ​രു കൗ​മാ​ര​ക്കാ​ര​നെ കൊ​ല​പ്പെ​ടു​ത്തു​ക​യും 15 പേ​രെ പി​ടി​ച്ചു​കൊ​ണ്ടു​പോ​വു​ക​യും​ ചെ​യ്തു. ജെ​നി​ൻ, ഖ​ൽ​ഖി​ൽ​യ, ന​ബ്‍ലു​സ്, ജെ​റി​ചോ, റാ​മ​ല്ല, ബ​ത്‍ല​ഹേം, ഹി​ബ്രോ​ൺ എ​ന്നി​വി​ട​ങ്ങ​ളി​ലാ​ണ് റെ​യ്ഡ് ന​ട​ക്കു​ന്ന​ത്. ഒ​ക്ടോ​ബ​ർ ഏ​ഴി​നു​ശേ​ഷം വെ​സ്റ്റ് ബാ​ങ്കി​ൽ 273 ഫ​ല​സ്തീ​നി​ക​ൾ കൊ​ല്ല​പ്പെ​ടു​ക​യും 3365 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​ട്ടു​ണ്ട്.