ഗസ്സയിൽ ഒരു ഇസ്രായേൽ സൈനികൻ കൂടി കൊല്ലപ്പെട്ടു; മൂന്ന് സൈനികർക്ക് ഗുരുതര പരിക്ക്

ഗസ്സ സിറ്റി: തെക്കൻ ഗസ്സയിൽ തങ്ങളുടെ ഒരു സൈനികൻ കൊല്ലപ്പെട്ടതായും മൂന്ന് സൈനികർക്ക് സാരമായി പരിക്കേറ്റതായും ഇസ്രായേൽ സൈന്യം സ്ഥിരീകരിച്ചു. 12ാം ബറ്റാലിയനിലെ അംഗമായ 20കാരനാണ് മരിച്ചത്. ഇതേ യൂണിറ്റിലെ മൂന്ന് പേർക്കാണ് സാരമായി പരിക്കേറ്റത്. മൂവരെയും ഇസ്രായേലിലേക്ക് കൊണ്ടുപോയതായി സൈന്യം അറിയിച്ചു.

ഇസ്രായേൽ സൈനിക ക്യാപ്റ്റൻ കൊല്ലപ്പെട്ടതിന് പിന്നാലെയാണ് ഒരു സൈനികൻ കൂടി കൊല്ലപ്പെട്ടിരിക്കുന്നത്. 28കാരനായ ക്യാപ്റ്റൻ തെക്കൻ ഗസ്സയിൽ കൊല്ലപ്പെട്ടത് തിങ്കളാഴ്ചയാണ് ഇസ്രായേൽ സ്ഥിരീകരിച്ചത്.

അതേസമയം, ഗ​സ്സയിൽ ഇന്നലെ 24 മ​ണി​ക്കൂ​റി​നി​ടെ 52 ഫ​ല​സ്തീ​നി​ക​ളെ കൂ​ടി ഇസ്രായേൽ സൈന്യം കൊലപ്പെടുത്തി. റ​ഫ​യി​ലെ ദു​രി​താ​ശ്വാ​സ ക്യാ​മ്പി​ൽ ഭ​ക്ഷ​ണ​ത്തി​ന് കാ​ത്തു​നി​ന്ന 38 ഫ​ല​സ്തീ​നി​കളും കൊല്ലപ്പെട്ടവരിലുൾപ്പെടും. യു.​എ​സി​ന്റെ​യും ഇ​സ്രാ​യേ​ലി​ന്റെ​യും പി​ന്തു​ണ​യോ​ടെ പ്ര​വ​ർ​ത്തി​ക്കു​ന്ന ഗ​സ്സ ഹ്യൂ​മാ​നി​റ്റേ​റി​യ​ൻ ​ഫൗ​ണ്ടേ​ഷ​ന്റെ ക്യാ​മ്പി​ലാ​ണ് കൂ​ട്ട​ക്കൊ​ല. ഭ​ക്ഷ​ണ​ത്തി​ന് കാ​ത്തു​നി​ന്ന കു​ടും​ബ​ങ്ങ​ൾ​ക്ക് നേ​രെ തി​ര​ക്ക് നി​യ​ന്ത്രി​ക്കാ​നെ​ന്ന പേ​രി​ൽ സൈ​ന്യം പ്ര​കോ​പ​ന​മി​ല്ലാ​തെ വെ​ടി​യു​തി​ർ​ക്കു​ക​യാ​യി​രു​ന്നു.

മൂ​ന്നു​മാ​സ​ത്തോ​ളം പൂ​ർ​ണ​മാ​യി അ​ട​ച്ചി​ട്ട​ശേ​ഷമാ​ണ് ഇ​പ്പോ​ൾ പ​രി​മി​ത​തോ​തി​ൽ ഭ​ക്ഷ​ണം വി​ത​ര​ണം ചെ​യ്യു​ന്ന​ത്. ഇ​വി​ടെ ഭ​ക്ഷ​ണം തേ​ടി​യെ​ത്തു​ന്ന​വ​രെ കൊ​ല​പ്പെ​ടു​ത്തു​ന്ന​ത് ഇ​സ്രാ​യേ​ൽ പ​തി​വാ​ക്കി​യി​രി​ക്കു​ക​യാ​ണ്. ഗ​സ്സ ഹ്യൂ​മാ​നി​റ്റേ​റി​യ​ൻ ​ഫൗ​ണ്ടേ​ഷ​ന്റെ ക്യാ​മ്പി​ൽ ഇ​തു​വ​രെ 308 ഫ​ല​സ്തീ​നി​ക​ൾ കൊ​ല്ല​പ്പെ​ടു​ക​യും 2000ത്തി​ലേ​റെ പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. തി​ങ്ക​ളാ​ഴ്ച വ​ട​ക്ക​ൻ ഗ​സ്സ​യി​ലെ ദു​രി​താ​ശ്വാ​സ ക്യാ​മ്പി​ലും മൂ​ന്നു​പേ​ർ കൊ​ല്ല​പ്പെ​ട്ടു. ഇ​തു​വ​രെ 55,362 ഫ​ല​സ്തീ​നി​ക​ളാ​ണ് ഗസ്സയിൽ കൊ​ല്ല​പ്പെ​ട്ട​ത്.